Read Hakha Chin NAHUM 3 Bible Online

NAHUM 3 - Hakha Chin bible

NAHUM 3

¹Aa! thisen aa nehmi khuapi, hlennak in aa ciahmi, ramhnak in a khat i sa sehmi cia loin a ngei zungzalmi!

²Rang tuknak fung thawng cu ngai hmanh, Rangleng kekual an i mer thawng le rangtum an ke khawn thawng cu ngai hna hmanh.

³Rangleng hna cu an choi cukmak, rangcung ralkap hna nih cun an hun nam cutmat, An vainam cu a tleu in an tleu, an fei cu a cer in an cer! Mithi cu rel cawk an si lo, an ruak cu a pon in aa pong; a rel in rel cawk an si lo, mi nih ruak cu i pah lulhmalh an si ko.

⁴Mah vialte hi hlawhhlangnu hlawhhlannak ruangah a si, aa dawh i eih a thiammi bawinu ruangah a si, Miphun hna le mi hna kha a a hlawhhlannak le a eihthiamnak in a hlen dih hna.

⁵Nangmah cu kaan ralchanh, tiah Ralkapbu BAWIPA nih a ti, Na hni cu na hmai tiangin kan hlim lai i Na pumlawng cu miphun kip kha ka hmuhter hna lai i na ningzahnak cu pennak kip sinah ka phozar lai.

⁶Nangmah cu fihnung hmunthur in kan khuh lai i na ning kan zahter lai i ek bantuk ah kan rel lai.

⁷Khi tikah nangmah cu aan hmutu vialte nih an in hrial lai i, “Nineveh cu a rawk cang, aho nih dah a hnemh ti lai,” an ti lai. Nangmah hnemtu ah ahodah ka hmuh khawh hna lai?

⁸No-amon khua nakin na òha deuh lai maw? No-amon khua cu Nail tiva i a vate hna pawngah a um i ti nih a kulhmi a si; A ralhau cu Nail tiva kha a si i a vampang cu ti kha a si.

⁹Kush le Izipt kha a thazang an si i a thazang cu dongh a hngal lo, Put le Libia nih bawmhnak kha an pek.

¹⁰No-amon zong cu ral ah a tang i sal cannak chungah an kalpi; Lam òe ka kip ah khan a fano tete hna cu an den dih hna i a bawi hna cu camcawhfung zuh in an i òhen hna i a mingan vialte hna cu cikcin in an khih hna.

¹¹Nangmah Nineveh zong an in kulh ve lai i an in tei lai; Na ral hna kut chungin himnak ding kha na nawl a herh ve lai.

¹²Na ralhau hna cu a hminmi theipi bantuk an si ko, Hninh an si tikah a eitu hna kaa chungah khan an tla.

¹³Nan lak i a ummi ralkap hna cu nu bu men a si; Nan ram kutka hna cu nan ral hna hmaiah an i hung ko i An hrenhnak thingthluan hna kha mei nih a kangh dih hna.

¹⁴Ral nih an in hren hna lai caah ti i than ong u, Nan ralhau cu fehter hna u; Tlak kha nawng u law thung kha lamh chih u, tlakrawh kha remh hna u.

¹⁵Khi ti nan tuah hmanh ah mei nih an kangh òhiamòhiam hna lai i vainam nih an sam òhiam hna lai. Khaubawk tluk tam ah i ser tuah u, buòit tluk tam ah i ser tuah u,

¹⁶An thla a samh i a zuangmi buòit khaubawk bu ah cun i ser tuah u.

¹⁷Van i arfi zat in nan mingiatu hna cu an tam; a thli tein nan i chiahmi hna cu khaubawk zat an si, Nan ralbawi hna cu, khua kih ni i vampang i aa dormi khaubawk zat an si; Sihmanhsehlaw ni a hung chuah tikah an zuang i khuazei ah dah an loh kha ahohmanh nih an hngal lo.

¹⁸Maw Assiria siangpahrang, na tuukhal hna cu an i hngilh, Na saòil run cawngtu hna cu an it, Na ralkap hna cu tlang kip ah an i òhek dih i ahohmanh nih an pum hna lo.

¹⁹Na hma cu damh khawh an si lo, naa hliamnak cu thih phu a si; Nangmah na sicannak thawng a rak theimi vialte nih lunglawmhnak in an kut an bengh. A dongh in a dong lomi na puarhrannak nih, a tongh lomi aho tal an um maw?