Read Hakha Chin HABAKKUK 3 Bible Online

HABAKKUK 3 - Hakha Chin bible

HABAKKUK 3

¹Profet Habakkuk thlacamnak, Shigionoth aw in:

²Maw BAWIPA, na thil tuahmi kha ka rak theih hna; Maw BAWIPA, na rianòuanmi kha ka rak hmuh. Hi kum vialte hna chungah hin nangmah cu naa langhter i Na thinhunnak chung zongah zaangfahnak kha na philh lo.

³Pathian cu Teman in a ra, Mi Thiang cu Paran Tlang in a ra; A ceunak kha van a khat i a sunparnak cu vawlei kha a khat.

⁴A ceunak cu ni ceunak bantuk a si, Amah sin cun ceunak kha an chuak; Cu hna hnulei ah cun a òhawnnak kha aa thup.

⁵A hmaiah rai kha a kal i a kalnak paoh ah zawtnak nih a zulh.

⁶A dir tikah vawlei kha aa hnin, a zoh hna tikah miphun kha an ther; Zungzal in a hmunmi tlang hna cu an i cheu i zungzal in a hmunmi fing hna cu an cim;

⁷Kushan thlam hna cu an ther i Midian ram cu a lau.

⁸Maw BAWIPA, tiva hna cungah na thin a hung maw? Na thin hunhnawhmi cu tiva cu an si maw? Nangmah nih na teinak rangleng a hnuktu rangtum hna cu na chiah hna tikah, Na thinhunnak cu Rili cungah a si maw?

⁹Na likuk cu phelh awkah na timh i Na thalbawm chungah cun cantiang a khat in na sanh hna; Vawlei cu tiva in na cheu dih.

¹⁰Tlang nih an in hmuh tikah an i ngerh cukmak, Tilian hna cu an luang hluahmah; a thukmi rili hna cu an awn.

¹¹A khul a rangmi na cantiang an hmuh tikah, A cer zukmakmi na fei an hmuh tikah ni nih mer a philh i thlapa nih a dirnak hmun ah a dir peng.

¹²Hronak he vawlei ah cun naa chawk i Na thinhun in miphun cu na lamh hna.

¹³Na mi hna khamh awkah khan na kal i Na chiti thuhmi khamh awkah khan na ra; Miòhalopa inn cu a cunglei in na vun òheh i a hram lung a langh ritret tiang na hlai.

¹⁴Na hriamnam in a lu cu na hliam i amah a zultu hna cu a sin khan thlichia nih a choih hna. Sifakmi hna cu an i thuhnak hmun ah khan ei awkah annih nih an kaa an i aan.

¹⁵Rili cu na rangtum hna he nan tan tikah a òhawngmi ti cu a so in a so.

¹⁶Hi thil vialte hi ka theih tikah a therh in a ka therh, Cu thawng ka theih ah ka hmur cu a ther, Ka ruh cu ti bantuk ah an i cang i ka kal ah ka ke cu an ther; Kannih a kan dohtu hna cung i a tlung ding harnak ni ka ruah ah a ther in ka ther ko.

¹⁷Theipi kung cu par loin, Mitsur ruang zongah a thei um hmanh hlah seh, Oliv thing cu tlai loin Lo zongah tirawl zeihmanh chuak loin um hmanh seh, Kawm chung saòil run kha um loin Saòil inn ah saòil kha um hmanh hna hlah seh law,

¹⁸BAWIPA ah cun kaa lawm òhiamòhiam ko lai i A ka khamhtu Pathian cu ka lawmh òhiamòhiam ko lai.

¹⁹BAWIPA Pathian cu ka òhawnnak hram a si, Ka ke cu sazuk ke bantukin a khul a ranter hna i tlang sang cungah khan a ka hruai.