Read Hakha Chin HAGGAI 1 Bible Online

HAGGAI 1 - Hakha Chin bible

HAGGAI 1

¹Siangpahrang Darius a bawi kum hnih kum, thla ruknak thla, a ni khat ni ah profet Haggai sinin Shealtiel fapa Zerubbabel, Judah ram uktu bawi le Jehozadak fapa Joshua, Tlangbawi Ngan sinah cun BAWIPA bia cu a phan.

²Ralkapbu BAWIPA nih Haggai cu, “Hi miphun nih hin, BAWIPA inn cu sak òhan awk a si rih lo, an ti,” tiah a ti.

³Khi tikah hi bia hi profet Haggai sin cun a ra phan:

⁴“Hi inn hi rawk nelnul in a rilh ko lakah hin nannih cu inncung khuh òhaòha a ngeimi inn i um cu a caan a si maw?

⁵Cucaah hihi ralkapbu BAWIPA nih a chimmi bia cu a si: Nan umtuning hi ruat hmanh u.

⁶A tuh cu tampi nan tuh ko, sihmanhsehlaw tlawmte lawng nan zun; a ei cu nan ei ko, sihmanhsehlaw nan orthi a hnim bal lo; a din cu nan din ko, sihmanhsehlaw nan i za ceoceo tiang lawng a si; puan cu nan i aih ko, sihmanhsehlaw nan khua a lum bal lo; rianòuantu nih khan an òuan man an hmuhmi cu zal pem chungah an sanh lengmang ko.

⁷Ralkapbu BAWIPA bia cu hi bangin a si: Nan umtuning hi ruat tuah u.

⁸Tlang ah khin hung kai u law thing hung la u law ka sunparnak ka langhter khawh nakhnga ding, ka ca i aa tlakmi inn pakhat in sa tuah u, tiah BAWIPA nih a ti.

⁹Nan kawlmi cu a tampi, sihmanhsehlaw nan hmuhmi cu a tlawm. Nan rawl òuanmi cu inn i nan hun tlunpi ah khan kei nih lolak in ka rak chem hna. Zeicahdah hi bantukin a si? tiah BAWIPA nih a ti. Hi ti a si cu, nannih vial nih i dornak inn nan i ngeih cio cang i kei ka inn vial rawk nelnul in a rilh ko caah hin a si.

¹⁰Van nih dap tlakter duh lo le vawlei nih a theitlai a chuah duh lo cu nanmah òhat lonak ruangah pei a si cu.

¹¹Cucaah ram cungah siseh, tlang cungah siseh, fangvoi cungah siseh, mitsur hang thar cungah siseh, chiti cungah siseh, vawlei chungin a chuakmi thil paohpaoh cungah siseh, mi cungah siseh, saòil cungah siseh, mi nih an òuannak in a chuakmi thil paohpaoh cungah rocar kha ka tlunter,” tiah a ti.

¹²Shealtiel fapa Zerubbabel, Jehozadak fapa Joshua Tlangbawi Ngan le a tangmi midang hna nih khan BAWIPA an Pathian nih a chimmi cu an ngaih i BAWIPA an Pathian nih profet Haggai kha a rak thlah tikah a chimmi kha an ngaih i BAWIPA ruangah cun òihnak in an khat.

¹³Cucaah BAWIPA nih a thlahmi Haggai nih, BAWIPA nih a fial bangin mizapi cu a thawh hna i,

¹⁴“BAWIPA nih, ‘Nan sinah ka um ko,’ a ti,” tiah a ti. Khi tikah BAWIPA nih, Shealtiel fapa Zerubbabel, Judah ram uktu bawi le Jehozadak fapa Joshua, Tlangbawi Ngan kha le midang hna cu an lung a thawhter hna i thla ruk thla ni kul le ni li ni Darius a bawi kum hnihnak ah cun an ra i

¹⁵Ralkapbu BAWIPA, an Pathian inn ah cun rianòuan hram an thawk.