Read Hakha Chin HAGGAI 2 Bible Online

HAGGAI 2 - Hakha Chin bible

HAGGAI 2

¹Siangpahrang Dairus a bawi kum hnihnak, thla sarih thla, ni kul le ni khat ni ah cun, BAWIPA nih profet Haggai sinin bia a chim.

²Shealtiel fapa Zerubbabel, Judah ram uktu bawi, Jehozadak fapa Joshua, Tlangbawi Ngan, le midang hna cu a thawh hna i,

³“Hi inn hi hmasa i a rak sunpar lioah a hmumi atu ah hin nan um rih maw? Atu ah hin tah zeidah a lawh cang? Pakpalawng a si cang ko lo maw?

⁴Sihmanhsehlaw atu cu maw Zerubbabel, na lungòhawng ko, tiah BAWIPA nih a ti; maw Jehozadak fapa Joshua, Tlangbawi Ngan, na lungòhawng ko; ramchung mi vialte hna, òuan tuah u, tiah ralkapbu BAWIPA nih a ti.

⁵Zeicahtiah Izipt ram in nan chuah i nan sinah biakamnak ka tuah bantuk khan nan sinah ka um ko. Ka thlarau nih an umpi ko hna, òih hlah u!

⁶Zeicahtiah ralkapbu BAWIPA nih hitihin a ti: Hmailei caan tlawmte chungah van hna le vawlei le rili le vawlei ro hi ka hninh òhan hna lai.

⁷Cun miphun vialte cu ka hninh hna lai i an chawhlawn cu nan sinah an rak put lai i hi inn hi sunparnak in ka khahter lai, tiah ralkapbu BAWIPA nih a ti.

⁸Ngun cu keimah ta a si, sui cu keimah ta a si, tiah ralkapbu BAWIPA nih a ti.

⁹Hi inn a hmanung u sunparnak hi a hmasa u sunparnak nakkhan a ngan deuh lai, tiah ralkapbu BAWIPA nih a ti; cun hi hmun ah hin rumnak ka chiah lai,” tiah ralkapbu BAWIPA nih a ti.

¹⁰Dairus a bawi kum hnihnak, thla kua thla, ni kul le ni li ni ah, profet Haggai sinin BAWIPA bia cu hihi a si:

¹¹Ralkapbu BAWIPA nih hitin a ti, “Tlangbawi kha zeitindah nan biakhiahning a si, tiah hal tuah hna.

¹²“Mi pakhatkhat nih Pathian sin pekmi sathiang kha a puan tlang bil chungah i fun seh law, a puanpar nih cun changreu maw sa chumhmi maw mitsur hang maw chiti maw rawl zeipaoh zong maw, hei tawng seh law cu tikah a tawnghmi rawl cu a thiang ah a canter lai maw? tiin hal tuah hna. Cucu a hal hna tikah tlangbawi hna nih cun, “A thiang lai lo,” an ti.

¹³Cun Haggai nih cun, “Mi pakhatkhat nih miruak tawng seh law, cun hi rawl pakhatkhat hi tawng hna seh law, cu rawl cu cu nih cun a thurter hna lai maw?” tiah a ti. Tlangbawi hna nih cun, “A thurter lai,” an ti.

¹⁴Cun Haggai nih cun, “BAWIPA nih, ‘Cu bantukin hi mi hna, ka hmaika i a ummi miphun le an kut nih a tuahmi rian vialte hi an si i an ka pekchanhmi hi a thiang lomi an si,’ a ti,” tiah a ti.

¹⁵Asinain nihin thawk in hmailei ah a tlung dingmi thil hi ruat hmanh u. BAWIPA biakinn chungah lung pakhat kha lung dang pakhat cung i nan chonh hlanah khan zeitindah nan rak um?

¹⁶Rawl pumhmi kha phorh kul a si lai tiah nan ruahmi ah khan phorh hra lawng a rak um; mitsur hang nennak khor umpu sawm nga a um lai tiah nan fuhmi ah, kul lawng a rak um;

¹⁷Nannih le nan kumvui rawl vialte cu rocarnak le hrirai le rial in kan den hna, sihmanhsehlaw keimah leiah kirnak lungthin nan ngei hlei lo, tiah BAWIPA nih a ti.

¹⁸Nihin ni thawk hin hmailei cu òha tein ruat cang tuah u, thla kua thla, ni kul le ni li ni thawk hin. BAWIPA biakinn hram nan bunh ni thawk hin ruat cang tuah u.

¹⁹Rawlruk ah thlaici ca hmanh a um ti lo i mitsur ruang le theipi kung le taleti kung le oliv kung nih thei zeihmanh an tlai rih lo nain atu thawk in hmailei cu thluachuah kan pek cang hna lai, tiah BAWIPA nih a ti.

²⁰BAWIPA bia cu Haggai sinah thla ni kul le ni li ni ah a ra òhan i hitin a ti:

²¹“Judah uktu bawi Zerubbabel cu, ‘Van le vawlei le

²²pennak bawiòhutdan hna hi ka hninh dengmang cang hna; miphun hna òhawnnak cu ka hrawh dengmang cang i an rangleng hna le an cung i aa citmi ralkap hna cu ka thluk dengmang cang hna; cun rangtum hna le an cung i aa citmi ralkap hna cu anmah le an hawi vainam cio khan an thi lai,’ tiah ralkapbu BAWIPA nih a ti.

²³Cu ni ah cun ka sal Zerubbabel, Shealtiel fapa, nangmah cu kan lak lai i kan thim cang caah minkhenhnak kutdong hrolh ah kan ser lai, tiah BAWIPA nih a ti, tiah va chim,” a ti. Hihi ralkapbu BAWIPA bia a si.