Read Hakha Chin ZEKHARIAH 13 Bible Online

ZEKHARIAH 13 - Hakha Chin bible

ZEKHARIAH 13

¹Khi ni ah cun David tefa hna le Jerusalem khuami hna cu an sualnak le an thurnak vialte tlenghnak caah cerhti pakhat a put lai.

²Khi ni ah cun ram chung khan siasal min kha ka hloh hna lai i an ruat ti hna lai lo, tiah BAWIPA nih a ti; profet hna le thlarau thianglo zong kha ram chung cun ka hloh hna lai.

³Cun profet kha an chuah òhan ahcun, an nu le an pa hrimhrim hna nih khan an thawh hna lai i, “BAWIPA min in ahmaan lomi bia nan chim caah nan nung ti lai lo,” an ti hna lai. Anmah nih bia kha an chim peng ko ahcun, an nu le an pa hrimhrim nih khan, tleng lakin an chunh hna lai.

⁴Khi ni ah cun profet nih bia an chim tikah langhnak an hmuhmi kha an i zahpi cang lai, cuhleiah mi hlennak ah sahmul hrat angki fual kha an i hruk ti lai lo.

⁵Annih nih an i thawh lai i, “Kannih cu profet kan si lo, lothlo kan si ko, kan ngakchiat tein atu tiang kan pawcawmnak cu vawlei hin a si,” an ti lai.

⁶Sihmanhsehlaw pakhatkhat nih, “Na òang i a ummi hma hna kha tah zeidah an si kun?” tiah a hal hna lai i cu tikah anih nih, “Mah hihi cu ka hawikom hna inn ah ka hmuhmi hna an si,” tiah a ti lai.

⁷Mah hihi ralkapbu BAWIPA bia hrimhrim a si: “Maw vainam, ka tuukhal le keimah he rian a òuan òimi doh awkah i hlau tuah. Tuukhal kha tu law tuu cu i òhek hna seh, an fale kha ka kut ka lekhnawh hna lai,” a ti.

⁸Mah zong hi BAWIPA bia hrimhrim a si òhan: “Ram chungah hitihin thil a um lai, Mi kha cheu thum cheu hnih tuk an si lai i an thi lai, Cun cheu thum cheu khat cu cuka ah cun nganh an si lai.

⁹Cun hi cheu thum cheu khat cu mei chungah ka kalter hna lai i ngun an thianh bantukin ka thianh hna lai i sui an hneksak bantukin ka hneksak hna lai. Khi tikah ka min in thla an cam lai i keimah hrimhrim nih ka leh hna lai. Kei nih, “Annih cu ka mi an si,” ka ti hna lai i annih nih, “BAWIPA cu kan Pathian a si,” an ka ti lai.