Read Hakha Chin ZEKHARIAH 5 Bible Online

ZEKHARIAH 5 - Hakha Chin bible

ZEKHARIAH 5

¹Cunglei kha ka hun zoh òhan i a zuangmi cazual kha ka hmuh.

²“Zeidah na hmuh,” tiah a ka hal i, “A zuangmi cazual, dong kul a sau i dong hra a kaumi,” tiah ka leh.

³“Mah hihi ram pumpi a cultu chiatserhnak a si; khattelei kam i òialmi hin mifir vialte kha hloh dih an si lai i khattelei kam i aa òialmi hin lih in chiat a sermi vialte kha hloh dih an si lai.

⁴Ralkapbu BAWIPA nih, ‘Ka thlah cang i mifir hna inn kip ah le ka min in lih in chiat a sermi vialte hna inn kip ah a lut lai, khi inn chungah a um lai i a thing he a lung he a hrawh dih hna lai,’ a ti,” tiah a ti.

⁵Bia a ka ruahtu vancungmi cu a hung chuak i a ka thawh i, “A hung chuakmi thil khi hei zohhmanh,” tiah a ti.

⁶Zeidah a si? tiah ka hal i, “Bawm nganpi,” a ti; A sullam cu, ram chung dihlak sualnak, ti a si.

⁷Bawm cu suan i sermi chin a ngei i ka zoh ko lioah cun a chin cu an hun i a chungah cun minu pakhat kha a òhu ko.

⁸Cun vancungmi nih cun aa thawh i, “Hi nu sullam cu òhat lonak a si,” a ti i minu cu bawm chungah khan a vun nam chih i suan tlap cu bawmka ah khan a chinh.

⁹Cun khua ka hei zoh òhan i nu pahnih an ra chuak i khulrang in an zuan kha ka hmuh, vaca bantukin thla an ngei i bawm kha van le vawlei karah an zuanpi.

¹⁰Bia a ka ruahtu vanmi kha, khuazei ah dah bawm cu an kalpi lai, tiah ka hal i,

¹¹“Shinar ram[3] ah an kalpi i cuka ah cun a caah inn pakhat an sak lai i cu inn cu lim a si tikah a chungah cun bawm cu an chiah lai i an biak lai,” tiah a ka leh.