Read Hakha Chin ZEKHARIAH 8 Bible Online

ZEKHARIAH 8 - Hakha Chin bible

ZEKHARIAH 8

¹Ralkapbu BAWIPA bia cu ka sinah a phan. Ralkapbu BAWIPA bia cu hihi a si:

²“Zion cu ka ham ngaingai i òihnung tiangin ka ham,” tiah a ti.

³Cun BAWIPA nih, “Atu cu Zion ah khan ka ra kir òhan cang i Jerusalem ah khan ka um lai. Jerusalem cu Zumhtlak Khualipi ti a si lai i ralkapbu BAWIPA tlang cu Tlang Thiang ti a si lai.” tiah a ti.

⁴Mah hihi ralkapbu BAWIPA bia cu a si: “Jerusalem khua chung lam hna ah cun nutar le patar hna kha an òhu òhan lai, an kum a upat caah òhiangòhunh kha an i hngauhchan cio lai;

⁵cun khuapi chung lam cu ngakchia an khat lai i lam ah cun lente an i celh dulmal hna lai,” tiah a ti.

⁶Mah hihi ralkapbu BAWIPA bia cu a si: “Hi miphun chungin a tangmi hna caah, cucu cu ni ah cun a si kho lomi thil lo hmanh seh law, ka caah tah a si kho lomi thil a lo ve hnga maw?” ti hi ralkapbu BAWIPA bia hrimhrim a si.

⁷Hihi ralkapbu BAWIPA bia a si:

⁸“Zohhmanh, ka mi hna cu nichuahlei ram le nitlaklei ram in ka chuah hna lai i Jerusalem khua chung i um awkah ka kirpi hna lai. Annih cu ka mi an si lai i biatak le dinnak in kei cu an Pathian ka si lai,” tiah a ti.

⁹Mah hihi ralkapbu BAWIPA bia a si: Biakinn cu sak a si òhan lai, tiin profet hna nih, ralkapbu BAWIPA inn kha a hram dirh a si lio in atu tiang an chim lengmangmi biakamnak, atu chan ah a theimi nannih nih lung òhawng in um tuah u.

¹⁰Zeicahtiah cu caan tiangah cun mi kha an òuan man an pe hna lo i saram man zong kha pek an si fawn lo, ral an um caah ahohmanh an rian òuan awkah khan him tein an um kho lo, keimah nih pakhat le pakhat kha ka dohter hna.

¹¹Sihmanhsehlaw hi mi hna chung hin a tangmi hna cungah hin cun hlan lio i ka rak si bang khan cun atu cu ka si ti lo, tiah ralkapbu BAWIPA nih a ti.

¹²Hnangam tein thlaici kha an thlak cang lai; mitsur ruang nih a thei kha a tlai lai i vawlei nih theipar a chuahter lai, van nih dap cu an surter lai; hi thil vialte hi hi miphun chungin a tangmi hna cu ka pek hna lai.

¹³Judah innchungkhar le Israel innchungkhar hna, nannih cu miphun vialte hna sinah chiatserhnak hmelchunhnak kha nan rak si; sihmanhsehlaw atu cu kan khamh hna lai i thluachuahnak hmelchunhnak nan si cang lai. Lung òhawng in um u, nan thin phang hlah u!

¹⁴Mah hihi ralkapbu BAWIPA bia a si: Nan pupa hna nih ka thin an ka phawh i nannih cu hrawh awkah ka ruah tikah khan ka thin ka òhumh lo bantukin,

¹⁵atu zongah hin Jerusalem cung le Judah innchungkhar cungah òhatnak tuah awkah khan ka ruah òhan; nan thinphang hlah u.

¹⁶Mah hihi nan tuah awk hnga cu a si: pakhat le pakhat biatak i chim u, khuapi hauka, biaceihnak hmun ah khan ahmaanmi le a òhami biading kha biaceihnak ah hmang u.

¹⁷Pakhat le pakhat cungah òhat lonak i tuah kha duh hlah u, lih in tehte khang hlah u, zeicahtiah hi vialte hi ka huatmi thil an si, ti hi BAWIPA bia hrimhrim a si.

¹⁸Ralkapbu BAWIPA bia cu ka sinah a ra. Hihi ralkapbu BAWIPA bia cu a si.

¹⁹“Thla linak thla, thla nganak thla, thla sarihnak thla le thla hranak thla i rawl ulhnak hna cu Judah innchungkhar caah lawmhnak le nuamhnak puai ah an cang lai. Biatak le daihnak cu duh ko u,” a ti.

²⁰Ralkapbu BAWIPA bia cu hihi a si. Miphun dangdang hna le khuapi chung i a ummi hna kha an ra lai;

²¹Khuapi pakhat i a ummi hna kha a dang khuapi pakhat ah an kal lai i, “Kal u si law BAWIPA kha va nawl u sih, ralkapbu BAWIPA kha va fuh u sih; kei zong ka ra ve lai,” an i ti lai.

²²Cuticun miphun nganngan hna mi òhawngòhawng hna nih khan ralkapbu BAWIPA cu Jerusalem ah an fuh lai i a zaangfahnak kha an hal lai.

²³Mah hihi ralkapbu BAWIPA bia cu a si: Khi caan ah cun holh phun kip a hmangmi miphun kip chungin mi pahra nih Judah mi pakhat kha a puan in an i tlaih lai i, “Pathian cu na sinah a um ti kha kan theih caah na sinah kan kal ko lai,” tiah an ti lai.