Read Hakha Chin MALAKHI 3 Bible Online

MALAKHI 3 - Hakha Chin bible

MALAKHI 3

¹Zohhmanh, ka hmaiah ka lam a sialtu ding ka lamkal ka thlah lai. Nan kawlmi Bawipa cu chikkhatte ah a biakinn ah a ra lai; nannih nih nan duhmi biakamnak lamkaltu cu hika ah a ra cang, hika ah hin a um cang, tiah ralkapbu BAWIPA nih a ti.

²Aho nih dah a rat ni cu an in khawh lai? A hung langh tikah ahodah fek tein a dir kho hna lai? Amah cu thianhtu somei bantuk a si, thil sutu chatpiat bantuk a si; a òhu lai i ngun an thianh bantukin a thianh hna lai;

³Levi mi kha a thianh hna lai i ngun le sui an òawl hna bantukin a òawl hna lai i cucaah BAWIPA sin i laksawng a rak putu dingah khan an i tlak lai.

⁴Cuticun hlan lio pi i a rak si bantuk khan, Judah ram le Jerusalem khua chung i raithawinak an pekchanhmi cu BAWIPA duhmi thil an si òhan lai.

⁵Zung nan chuah tikah kan chuahpi hna lai i eihthiammi hna le vacung pa duhmi hna le lih in chiat a sermi hna le man phalh in fialmi hna rianòuantu hna le nuhmei le ngakòah cungah a ding loin thil a titu hna le khualmi kha lam thlangah a eng i keimah a ka òih lomi hna kha, anmah ralchanh in tehte ka si lai tiah ralkapbu BAWIPA nih a ti.

⁶Keimah cu i thleng loin BAWIPA ka si caah nannih Jakob tefa zong nan rawk dih lo.

⁷Nan pupa chan in nannih cu lampial hmangmi nan si i ka phunglam kha nan zul hna lo. Ka sinah nan ra kir ahcun, nan sinah ka ra kir ve lai, tiah ralkapbu BAWIPA nih a ti. Nannih nih nan i thawh i, “Zeitindah kan kir khawh lai?” nan ti.

⁸Minung nih Pathian cu hlen awk a si hnga maw? Si hrimhrim hlah, asinain nan ka hlen.

⁹Nan cheu hra cheu khat le nan thawhlawm ah hin nan ka deh a si lo maw? Nannih nih nan ka deh caah nan phun ning piin nan dihlak cungah chiatserhnak kha a um.

¹⁰Cheu hra cheu khat cu a dihlak in thawhlawm inn ah rak pu u, cun ka inn chungah cun rawl um seh. Ka hneksak tuah ngat u, van innka cu kan hunpiak hna le hunpiak hna lo; thluachuah vanluhnak cu kan thlethnawh hna le hnawh hna lo zoh tuah ngat u, tiah ralkapbu BAWIPA nih a ti.

¹¹Nan vawlei nih a chuahmi thil a hrawktu hna le nan mitsur ruang car koin a tuahtu hna buòit khaubawk cu ka kham hna lai i nan lo i mitsur ruang hna cu an thei a sur in an i sur lai, tiah ralkapbu BAWIPA nih a ti.

¹²Nan ram cu dawtmi ram a si lai caah, miphun vialte nih lunglawmmi an in ti hna lai, tiah ralkapbu BAWIPA nih a ti.

¹³Ka kongah biahrang kha nan chim, sihmanhsehlaw nan i thawh i, “Zeitindah kan in thangchiat?” nan ti.

¹⁴“Pathian biak hi zeihmanh ah a òhahnem lo, tuah u a kan timi tuah i zuam le kan tuahmi ruangah kan ngaih a chia tiin ralkapbu BAWIPA sin i langhter hi zei òhathnemnak dah a um?” nan ti.

¹⁵“Miruamkai pei lunglawmmi cu an si ko hi, miòhalo hna pei an nun a nuamh lawng si loin Pathian a hneksak i a luatmi an si ko hi,” nan ti.

¹⁶Khi tikah BAWIPA a òihmi hna cu pakhat le pakhat bia an i ruah i BAWIPA nih an bia cu a theihpiak hna i a ngaihpiak hna. Amah a òihmi hna le an lungchung in a min aa cinkenmi hna cu a hmaika i cazin chungah an min kha a khumh hna.

¹⁷Ralkapbu BAWIPA nih aa thawh i, “Annih cu keimah ta an si lai, ka thimmi ni a phak tik i keimah ca i ka zuah dingmi ka ta an si lai, cun mipa nih a rian a òuantu a fapa kha a zuah bantukin annih cu ka zuah hna lai.

¹⁸Miòha kha miòhalo sinin nan thleidan khawh òhan hna lai i Pathian rian a òuanmi kha a òuan lomi sinin nan thleidan khawh òhan hna lai.