Read Hakha Chin MALAKHI 4 Bible Online

MALAKHI 4 - Hakha Chin bible

MALAKHI 4

¹A vaam huammammi somei bantukin cu ni cu a ra; miporhlaw vialte hna le òhat lonak a tuahmi vialte hna cu favai an si lai, cun cu ni cu a rat tikah, cu ni nih cun annih cu a alhter hna lai i an hram le an nge zong tang loin a kangh dih hna lai, tiah ralkapbu BAWIPA nih a ti.

²Sihmanhsehlaw ka min a òihzahmi nannih caah cun, dinnak ni, a thla ah damnak a hun i zuanpimi ni cu a hung chuak lai i kawm chungin chuahmi cawfano hna bantukin nan luat lai i nan i lawm lai.

³Ka cawlcangh ni ah cun nannih nih miòhalo kha nan ke tangah nan lamh beh hna lai i annih cu nan keza tang i a ummi vutcam kha an si lai, tiah ralkapbu BAWIPA nih a ti.

⁴Ka sal Moses phungbia kha philh hlah u, Israel mi vialte na va pek hna lai, tiah Horeb tlang i ka timi nawlbia le cawnpiaknak kha philh hna hlah u,

⁵A lian a ngan i òih a nungmi ni, BAWIPA ni cu a phak hlanah, nan sinah profet Elijah kha ka rak thlah lai.

⁶Ram cu chiatserh awkah ka rat sual nakhnga lo, amah nih cun pale hna cu an fale hna he a remter hna lai i an fale hna cu an pale hna he a remter hna lai.