Read Hakha Chin MATTHAI 12 Bible Online

MATTHAI 12 - Hakha Chin bible

MATTHAI 12

¹Cu hnu tlawmpal ah khin Jesuh cu Sabbath ni ah lo kha tanpah in a kal. A zultu hna cu an rawl a òam i cucaah favui kha an zun i a fang kha an ei.

²Cucu Farasi mi nih an hmuh hna tikah Jesuh cu an thawh i, “Zohhmanh, Sabbath ni ah tuah lo ding timi kha na zultu hna nih an tuah,” an ti.

³Jesuh nih cun, “David le a mi hna cu an rawl a òam tikah khan, David nih zeidah a rak tuah, ti kha nan rel bal lo maw?

⁴Pathian inn chungah pei a lut i changreu thiang cu a ei kha. Kha changreu kha amah nih siseh, a mi hna zong nih siseh, an ei awk a si òung lo. Tlangbawi lawnglawng nih pei an ei phung a si kha.

⁵Cu pinah, Sabbath ni fate tlangbawi hna nih biakinn chungah Sabbath phunglam kha an buar lengmang nain an sual lo timi kha Moses Nawlbia chungah nan rel bal lo maw?

⁶A ngaingai ti ahcun, biakinn nakin a ngan deuhmi pei hika ah hin a um cu.

⁷Cathiang nih, ‘Ka duhmi cu sa in tuahmi thawinak hi si loin zaangfahnak a si,’ tiah a timi kha a sullam rak hngal u law cu, a sual lomi kha sual nan phaw hna hnga lo;

⁸zeicahtiah Mi Fapa cu Sabbath cung bawi pei a si cu,” tiah a ti.

⁹Jesuh cu hmun dang ah a kal i an pumhnak inn ah khan a lut.

¹⁰Cuka ah cun a kut a zengmipa pakhat a rak um. Khika i a ummi hna lakah khan Jesuh cu sualphawt a duhmi an um caah amah cu, “Sabbath ni ah hin mi damter phung a si maw si lo?” tiah an hal.

¹¹Jesuh nih annih cu, “Abiana ah nan tuu pakhatkhat khor chungah Sabbath ni ah tla sual seh law, chuah loin maw nan um ko hnga?

¹²A ngaingai ti ahcun, mi cu tuu nakin a let tam piin a sung deuh! Cucaah Sabbath ni ah hin òhatnak cu tuah phung a si ko,” tiah a ti.

¹³Cun mipa leiah khan a hei i mer i, “Na kut kha samh tuah,” tiah a ti. A samh i khattelei kut bantukte khan a dam ko.

¹⁴Cun Farasi mi hna cu an kal i Jesuh thah khawhnak ding khua kha an khang.

¹⁵Cucu Jesuh nih a theih tikah cuka hmun cun lo diam in a kal i mi tampi nih an zulh. A zawmi vialte kha a damter hna i

¹⁶amah kong kha midang nan chim hna lai lo, tiah a thlauh hna.

¹⁷Cuti in a tuah cu Pathian nih Isaiah kaa in:

¹⁸“Hika i a ummi hi ka thimmi ka sal a si. Ka dawt i a cung i ka lung a tlingmi a si. Amah cungah cun ka Thlarau kha ka chiah lai i miphun vialte hna sinah ka biading kha a thanh hna lai.

¹⁹Bia kha a al len hna lai lo i a au zong a au len lai lo.

²⁰Dinnak kha teinak ah a phakter hlantiang a kiakmi phaikung kha i hlang koin a khiak lai lo i a mit dengmangmi meiinn kha a hmit lai lo.

²¹Amah cu miphun vialte nih an i bochan lai,’ tiah a timi kha tlinternak caah a si.

²²Cun Jesuh sinah cun, mipa pakhat khuachia nih a tuah ruangah a mit a caw i a holh kho lomi kha an ratpi. Jesuh nih cun a rak damter i cucaah a holh kho i khua zong a hmu kho.

²³Mizapi cu an khuaruah a har i, “Hi pa hi David fapa a si sual hnga maw?” an ti.

²⁴Sihmanhsehlaw cu bia cu Farasi mi nih an theih tikah, annih tu nih cun, “Hi pa nih khuachia a òhawl khawh hna cu an bawipa Beelzebul nih a bawmh caah a si,” an ti.

²⁵An lung chung i a ummi ruahnak cu Jesuh nih a hngalh caah annih cu, “Ram pakhat cu a chungah anmah le anmah aa domi bu an um ahcun cu ram cu saupi a hmun kho lai lo. Cun khua pakhatkhat zong a chungah anmah le anmah aa domi bu an um ahcun, a dir kho lai lo.

²⁶Cucaah Satan pennak chungah hin bu khat le bu khat an i doh ahcun cu pennak cu aa òhen dih cang a si ko caah tuan te ah a rawk ko lai.

²⁷Nannih nih nan ka thawh i khuachia ka òhawl khawh hna cu Beelzebul nih òhawl khawhnak nawl kha a pek caah a si, nan ka ti. Cucu va si seh law, nanmah zultu hna kha tah aho nih dah òhawl khawhnak kha an pek hna? Nanmah zultu lila hna i nan tuahnak nih pei nan palhnak cu an langhter ko hi.

²⁸Nan timi hi a si lo, khuachia òhawl khawhnak a ka petu hi Beelzebul si loin Pathian Thlarau a si i cu nih cun Pathian Pennak cu nan sin a phan cang ti kha a langhter.

²⁹“Cuhleiah, zeitindah miòhawngpa inn cu amah kha an òem hmasa lo ah, aho nih dah an baoh khawh lai i a thilri cu an lak khawh lai?

³⁰“Keimah a ka òanh lomi cu a ka ralmi an si; pumhkhawmh a ka bawm lomi cu òhektu an si.

³¹Cucaah hihi kan chimh hna: minung hi sualnak zeipaoh an tuahmi le thil òhalo a chimmi cu ngaihthiam khawh an si ko lai; sihmanhsehlaw Thiang Thlarau ralchanh in bia òhalo a chimmi cu tu chan ah siseh, hmailei chan ah siseh, ngaihthiam khawh an si lai lo.

³²Mi Fapa ralchanh in bia òhalo a chimmi cu ngaihthiam khawh an si ko lai; sihmanhsehlaw Thiang Thlarau ralchanh in bia òhalo a chimmi cu tu chan ah siseh, hmailei chan ah siseh, ngaihthiam khawh an si lai lo.

³³“Thingkung cu a kung na òhatter ahcun a thei a òha, a kung na chiatter ahcun a thei a chia. Thingkung cu a tlai in hngalh khawh a si.

³⁴Rul hna, zeitindah miòhalo nan si ahcun nan kaa in bia òha cu a chuah khawh lai? Kaa nih cun lungchung i a khatmi kha pei a chim cu.

³⁵Miòha nih cun thil òha aa khonmi chung khan thil òha a chuah hna i miòhalo nih cun thil òhalo aa khonmi chung khan thil òhalo a chuah hna.

³⁶“Hihi kan chimh hna: Nan kaa in a chuakmi bia, ruah setsai loin nan chimmi bia vialte kha, zeicahdah kha ti khan ka rak chim, tiah Biaceih Ni ah cun nan ti a hau te lai.

³⁷Zeicahtiah nanmah bia lila in nan luatnak a si lai i nanmah bia lila in sualphawt nan si lai,” tiah a ti.

³⁸Cu tikah Phungbia cawnpiaktu saya tlawmpal hna le Farasi mi tlawmpal hna nih khan an hun thawh i, “Saya, khuaruahharnak pakhat in kan tuahpiak law kan duh ko hnga,” an ti.

³⁹Jesuh nih cun a thawh hna i, “Tu chan mi hi nan va òha loin Pathian zei ah nan hei rel lo hringhran dah. Khuaruahharnak pakhat in tuah, nan ka ti. Ka tuah lai lo. Profet Jonah khuaruahharnak dah ti lo kha cu khuaruahharnak zeihmanh kan tuahpiak hna lai lo.

⁴⁰Ngapi chungah Jonah cu ni thum le zan thum a um bantuk khan Mi Fapa zong cu vawlei chungah ni thum le zan thum a um ve lai.

⁴¹Biaceih Ni ah cun Nineveh khua mi hna kha, annih cu Jonah nih phung a chimh hna tikah an sualnak kha an i ngaihchih caah, an dir lai i sual an in phawt hna lai; hihi kan chimh hna: Jonah nakin a ngan deuhmi pei hika ah hin a um cu!

⁴²Biaceih Ni ah cun Thlanglei Siangpahrangnu kha a dir lai i sual an phawt hna lai, zeicahtiah anih cu vanhramdeng in a ra riangmang i Solomon fimnak kha a hung zoh; atu hi Solomon nakin a ngan deuhmi hika ah hin a um,” tiah a ti hna.

⁴³“Thlarau òhalo pakhat cu minung chungin a chuah tikah ram rocar ah khan dinhnak hmun kawl ah a vak lengmang. A hmuh khawh lo caah

⁴⁴aa thawh i, “Ka chuahtakmi ka inn ah khan ka va kir òhan tuah lai,” tiah a ti. Cuticun a va kir òhan i inn cu lawng hirhiar tein a rak um i thiang tein a rak i phiah kha a hmuh.

⁴⁵Cu tikah a kal òhan i amah nakin a chia deuhmi thlarau pasarih kha a vaa sawm hna i an ra i cuka ah cun an um; a donghnak ah cun cu pa umtuning cu a hlan nakkhan a chia deuh. Cuticun atu chan, chan òhalo, umtuning ding hi a si lai,” tiah a ti.

⁴⁶Jesuh cu mizapi sinah bia a chim lengmang lioah khan a nu le a naule kha an ra. Lengah khan an dir i chawnh kan duh, tiah an ti.

⁴⁷Cuka i a ummi aho nih dik, “Na nu le na naule cu lengah an dir ko i chawnh an in duh,” tiah a hei chimh.

⁴⁸Jesuh nih cun, “Ahodah ka nu cu a si? Ahodah ka naule cu an si?” tiah a leh i

⁴⁹a zultu kha a hei sawh hna i, “Zohhmanh u, hi hna hi ka nu le ka naule cu an si!

⁵⁰Vancung i a ummi ka Pa nih tuah hna seh ti a duhmi a tuahmi paoh cu, ka nau le ka far le ka nu an si ko,” tiah a ti.