Read Hakha Chin MATTHAI 13 Bible Online

MATTHAI 13 - Hakha Chin bible

MATTHAI 13

¹Cu ni òhiamòhiam ah cun Jesuh cu inn cun a chuak i rili kamah khan a va kal i a òhu i a cawnpiak hna.

²A helhhumtu cu an tam tuk caah lawng chungah a lut i a òhu; mizapi cu rilikam ah khan an dir.

³Thil tampi a cawnpiak hna i cu cawnpiaknak caah cun tahchunhnak bia a hman hna.

⁴Aa thawh i, “Thlaici vorh ah mipa pakhat cu aa thawh. Lo chung i thlaici cu a vorh tikah a cheu cu lam hril ah an tla i cu hna cu vate nih an char hna.

⁵Cun a cheu cu vawlei tlawmte lawng a umnak, lung tamnak hmun ah an tla. Vawlei kha a chah lo caah thlaici cu a kheu zau.

⁶Ni a hung chuak i thlaikheu hme tete cu a hun emh hna tikah an hram kha a thuh lo caah an car zau.

⁷Cun thlaici a cheu cu hling lakah an tla. Hling nih cun a zual hna i an òhang kho lo.

⁸Sihmanhsehlaw thlaici a cheu cu vawlei òhatnak ah an tla i a let za khat, a let sawm ruk, a let sawm thum in an vui,” a ti.

⁹Cun Jesuh nih cun, “Hna nan ngeih ahcun thei ko uh,” tiah a ti hna.

¹⁰A zultu hna kha a sinah cun an hung kal i, “Bia na chimh hna tikah zeicahdah bianabia na hman?” an ti.

¹¹Annih cu a leh hna i, “Vancung Pennak kong biathli hngalhnak cu nannih cu pek nan si cang, sihmanhsehlaw hi hna cu pek an si lo.

¹²Zeicahtiah a ngeimi cu hawi hleihvuanh awk a ngeih tiangin chap chin a si lai i a ngei lomi cu a ngeihmi hnihchunte hmanh kha lakpiak a si lai.

¹³Annih sinah bianabia ka hmannak cu hihi a si: a zoh cu an zoh len ve ko, sihmanhsehlaw an hmu kho lo, a ngaih cu an ngaih len ve ko, sihmanhsehlaw an thei kho lo.

¹⁴Cucaah cun profet Isaiah nih a rak chimmi kha an kong ah hin a tling. Zeitindah a ti ti ah cun: ‘A ngaih cu nan ngaih len ko lai, sihmanhsehlaw a sullam nan hngal lai lo; A zoh cu nan i zoh sek ko lai, sihmanhsehlaw nan hmu kho lai lo.

¹⁵Zeicahtiah cun, hi mi hna hi an lung a khong cang, an hna a pit i an mit kha an i chinh. Cuticun rak si hna hlah seh law cu an mit nih khua a hmuh hnga i an hna nih khua a theih hnga i an lung nih khua a hngalh ko hnga, Cun keimah leiah an i mer hnga i ka damter ko hna hnga, tiah Pathian nih a ti.’

¹⁶“Nannih tu cu, nan van a va òha thiam dah. Nan mit nih a hmuh i nan hna nih a theih.

¹⁷Hihi philh hlah u: Nan hmuhmi le nan theihmi hi profet tampi hna le Pathian mi tampi hna nih hmuh le theih an duh na in an hmuh khawh lomi le an theih khawh lomi a si,” tiah a ti hna.

¹⁸“Cucaah hi bianabia sullam hi ngai tuah u.

¹⁹Lam hril i a tlami thlaici cu Vancung Pennak kong kha a theih cu a thei i a sullam a hngal òung lo mi kha an si. An chung i tuhmi thlaici cu Mi Òhalopa nih khan a chuah dih.

²⁰Lung tamnak hmun i a tlami thlaici cu Vancung Pennak kha a theih cangka i lungtho ngaiin a cohlangmi kha an si.

²¹Sihmanhsehlaw an chungah hram a thlak lo caah saupi an rau lo. Cu kong i harnak le hremnak an hun ton tikah an i ngol zau.

²²Hling lak i a tlami thlaici cu Vancung Pennak kong kha a theih cu a thei i sihmanhsehlaw hi vawlei cung khuasak tintuknak kong i lungretheihnak le chaw le va duhnak nih cu bia cu a thah i thei a tlai lomi hna kha an si.

²³Cun vawlei òhatnak hmun i a tlami thlaici cu Vancung Pennak kong kha a thei i a sullam zong a hngalmi kha an si. Thei kha an tlai i a cheu cu a let za khat in, a cheu cu a let sawm ruk in, a cheu cu a let sawm thum in an karh,” tiah a ti.

²⁴Jesuh nih tahchunhnak bia dang pakhat a chimh òhan hna. “Vancung Pennak cu a lo chung i thlaici òha a tuhmipa bantuk a si.

²⁵Zan khat cu ral pakhat kha a ra i mi an i hngilh karah rawl ci lakah cun belh ci a vorh i lo diam in a kal.

²⁶Rawl kung cu an hung òhang i rawl cu an hung vuih tikah belh zong cu an hung lang.

²⁷Cu pa salle hna cu an ra i, ‘Bawipa, na lo chung i na tuhmi kha thlaici òha an si òung, khuazei in dah belh hi an rat kun?’ an ti.

²⁸‘Hi a tuahtu cu kan ral kha a si,’ tiah a leh hna. Annih nih, ‘Belh cu kan va bawt hna lai maw?’ tiah an hal.

²⁹Anih nih, ‘Bot hlah, zeicahtiah belh nan bawhpah ah khan rawl kung zong kha nan bawh chih sual hna lai.

³⁰Rawl kung le belh cu hmunkhat ah rawl òuan caan tiang òhang òi ko hna seh. Cun khi tikah rawl òuantu pawl cu ka thawh hna lai i: Belh kha bawt hmasa hna u law mei chung i paih awkah tom hna u; cun rawl kha òuan hna u law ka buk chungah rawn hna u, ka ti hna lai,’ a ti,” tiah a ti.

³¹Jesuh nih tahchunhnak bia a dang pakhat a chimh òhan hna. “Vancung Pennak cu mipa nih aa lak i a lo i a tuhmi anòam ci bantuk a si.

³²Thlaici vialte lakah a hme bik a si, sihmanhsehlaw a òhan tikah anhringso kung vialte lakah a ngan bik a si. Thingkung ah a hung cang i a nge ah khan va zong nih bu an ser,” tiah a ti.

³³Jesuh nih tahchunhnak bia a dang a chimh hna. “Vancung Pennak cu thilnu he aa lo. Cu thilnu cu nu pakhat nih aa lak i changvut rel khat chungah a phulhmi nih cun changvut cu a ning piin a thawhter,” tiah a ti.

³⁴Cu thil vialte cu mizapi kha a chimh hna tikah Jesuh nih cun tahchunhnak kha a hman hna; tahchunhnak hmang loin an sinah zeihmanh a chim duh lo.

³⁵Hiti in a chimh hna cu, profet nih a rak chimmi tlinternak caah khan a si. Profet nih a rak chimmi cu: ‘An sin i bia ka chim tikah tahchunhnak bia ka hman lai; Vawlei ser hramthawk in hngalh bal lomi thil cu ka chimh hna lai,’ ti hi a si.

³⁶Jesuh nih mizapi cu a kaltak hna i inn chungah a lut. A zultu cu a sinah khan an ra i, “Lo chung belh bianabia sullam kha kan chim tuah,” an ti.

³⁷Jesuh nih cun a leh hna i, “Thlaici òha a tuhtu cu Mi Fapa hi a si,

³⁸lo cu vawlei hi a si; thlaici òha cu Vancung Pennak chung i a ummi hi an si; belh cu Mi Òhalopa minung kha an si.

³⁹Cun belh a tuhtu kan ral kha Khuachia a si. Rawl òuan caan hi, chan dongh caan a si i rawl òuantu hna cu vancungmi hi an si.

⁴⁰Belh cu an pumh hna i an khangh hna bantuk hin chan donghnak ah cun a si te lai:

⁴¹Mi Fapa nih hin vancungmi kha a thlah hna lai i a Pennak chung i òhat lonak a tuahtu vialte hna le mi a sualtertu vialte hna kha an pumh hna lai i

⁴²meiphu chungah an paih hna lai, cuka ah cun an òap lai i an hacang an rial lai.

⁴³Cun Pathian mi hna cu an Pa Pennak chungah ni bangin an ceu lai. Cucaah hna nan ngeih ahcun, thei ko u,” tiah a ti.

⁴⁴“Vancung pennak cu lo chung i thuhmi rothil bantuk a si. Mi pakhatkhat nih a vaa hmuh sual tikah a khuh òhan ta tawn. A lung aa lawmh tuk caah a ngeihmi thil vialte kha a zuarh hna i a va kal òhan i a lo ning in a va cawk,” tiah a ti.

⁴⁵“Vancung Pennak cu lungvar a òha phun a kawlmipa bantuk a si fawn.

⁴⁶A òha ngaingaimi kha a hmuh tikah a kal i a ngeihmi thil vialte kha a zuar i cu lungvar cu a cawk.”

⁴⁷“Vancung Pennak cu rili chung i chehmi sur, nga phun zakip a tlaitu bantuk a si.

⁴⁸A khah tikah ngatlaitu hna nih cun tikam ah an hnuh i an òhu i nga kha an òhen hna: a òhami cu an bawm chungah an sanh hna i a òha lomi cu an hlonh hna.

⁴⁹Chan donghnak ah cun cu bantuk cun a si lai: vancungmi kha an kal lai i miòha mi hna lak khan miòhalo mi kha an khawmh hna lai i

⁵⁰meiphu chungah an paih hna lai. Cuka ah cun an òap lai i an hacang an rial lai,” tiah a ti.

⁵¹Jesuh nih cun, “Hi vialte hi nan hngal kho maw?” tiah a hal hna i, “Kan hngalh hna,” tiah an leh.

⁵²Cucaah a thawh hna i, “Phungbia cawnpiaktu saya, Vancung Pennak kong cawnpiaknak a cohlangmi cu, inn ngeitu, a thil khonnak chungin thil thar he thil hlun he a chuah lengmangtu bantuk a si,” tiah a ti.

⁵³Jesuh nih tahchunhnak bia hna cu a chim dih in cuka hmun cun a chuak i

⁵⁴a rak umnak khua Nazareth khua ah khan a kal. An i pumhnak inn ah khan a cawnpiak hna i a bia a theimi cu an lung a suk ngaingai hna. “Hi bantuk fimnak hi khoika ah dah a vaa lak hnga? Hi bantuk khuaruahhar tuahnak zong hi khuazei in dah a hmuh hnga?

⁵⁵Lehtamapa fapa kha a si ko lo maw? A nu kha Mary hi a si ko lo maw? A naule kha Jeim le Josef le Simon le Judas hi an si lo maw?

⁵⁶A farle kha hika i a ummi hi an si lo maw? Khuazei in dah hi thil vialte hi a vaa lak hnga?” an ti i

⁵⁷cuticun an hlawt. Jesuh nih cun a thawh hna i, “Profet cu amah khua le a chungkhat hna sin ti lo ahcun, hmun dang ah cun upatnak hmu loin a um lo hen pei,” tiah a ti hna.

⁵⁸Zumhnak an ngeih lo caah khika ah cun khuaruahharnak tampi a tuah lo.