Read Hakha Chin MATTHAI 18 Bible Online

MATTHAI 18 - Hakha Chin bible

MATTHAI 18

¹Cu caan ah cun a zultu hna kha Jesuh sinah khan an ra i, “Vancung Pennak ah ahodah a ngan bik?” tiah an hal.

²Jesuh nih ngakchiapate pakhat kha a auh i an hmaiah a dirter i,

³“Nannih cu nan i thlen i ngakchia bantuk ah nan i can lo ahcun Vancung Pennak chungah nan lut bal lai lo.

⁴Vancung Pennak chung i a ngan bik cu mi toiah aa dor i hi ngakchia bantuk ah aa cangmi cu a si.

⁵Cun ngakchia hi bantuk pakhatkhat kha ka min in nan conglawmh hna ahcun, keimah nan ka conglawmh a si.”

⁶“Hi ngakchia tete pakhatkhat hi keimah an ka zumhnak in a pialtertu hna cu, an hngawng ah facang rialnak lungtum nganpi i thlaih hna seh law, rili chungah paih si hna seh law an caah a òha deuh hnga.

⁷Vawlei cungah hin cu bantuk tlukrilhnak a um caah a va poi hringhran dah! Cu bantuk cu a um òheoòheo ko lai, sihmanhsehlaw cu bantuk a umtertu caah cun òihnung a si hringhran ko.

⁸“Nan kut nih siseh, nan ke nih siseh, an pialter hna ahcun, tan u law hlonh ko hna u! Kut pahnih, ke pahnih he zungzal mei chung i tlak nakin kut le ke loin nunnak chung i luh cu nan caah a òha deuh.

⁹Cun nan mit nih an pialter hna ahcun khoih u law hlonh ko hna u. Hell chungah mit pahnih he tlak nakcun mit pakhat he lawng nunnak chung i luh cu nan caah a òha deuh.”

¹⁰“Hi ngakchia tete hi pakhat hmanh zawmhtaih hna hlah u. Annih a vengtu hna an vancungmi kha vancung khua ah ka Pa hmaika ah an um zungzal ko.

¹¹Mi Fapa cu a tlaumi khamh awkah ka ra.

¹²“Tuu za khat a ngeimipa nih, a tuu pakhat cu a tlau ahcun, zeidah a tuah hnga, tiah nan ruah? Tlang cungah a tlongmi sawm kua le pakua cu a kaltak hna lai i a tlaumi cu a kawl lai.

¹³A hmuh tikah sawm kua le pakua a tlau bal lomi cung nakkhan hi tuu pakhat cungah hin aa lawm deuh.

¹⁴Cu bantukte cun, vancung khua i a ummi nan Pa nih, hi ngakchia tete pakhatte hmanh hi tlauter a duh hna lo.

¹⁵“Na unau pakhatkhat nih na cungah sualnak a tuah ahcun, amah sinah cun va kal law a sualnak cu va chim. Sihmanhsehlaw, a thli tein nanmah pahnih lawng theih in na va tuah lai. Na bia a ngaih ahcun, na unau ah na lak khawh òhan a si.

¹⁶Sihmanhsehlaw na bia a ngaih duh lo ahcun, Cathiang nih, ‘Sual puhnak paohpaoh cu ahmaan hmaanlo ti hngalhnak caah tehte pahnih maw pathum dik a hau,’ a ti bang khan, mi dang pakhat maw pahnih dik naa kalpi hna lai.

¹⁷Sihmanhsehlaw an bia zong kha a ngaih hlei lo ahcun, cu thil cu Khrihfabu kha na chimh hna lai. Cun Khrihfabu bia kha a ngaih duh òhiamòhiam lo ahcun, lawkihmi maw, ngunkhuai khawltu maw, cu bantuk mi ah cun va zoh.

¹⁸“Cucaah nan dihlak in kan chimh hna: vawlei cungah nan khapmi thil paoh cu vancung zongah khap a si lai i vawlei cungah nan onhmi thil paoh cu vancung zongah awnh a si lai.

¹⁹Cun hi zong hi kan chimh hna: hi vawlei cungah hin, nan halmi thil kong ah, pahnih nan lung aa khah ahcun, nan halmi thil cu vancung i a ummi ka Pa nih an pek hna lai.

²⁰Zeicahtiah ka min in pahnih pathum nan i pumhnak ah kei zong nan sinah ka um ve,” tiah a ti.

²¹Cun Peter cu Jesuh sinah khan a ra i, “Bawipa, ka unau pakhatkhat nih ka cungah sualnak tuah seh law voi zeizat dah ka ngaihthiam lai? Voi sarih tiang maw?” tiah a hal.

²²Jesuh nih cun, “Sihlah, voi sarih si loin voi sawm sarih voi sarih,

²³zeicahtiah Vancung Pennak cu hi bantuk hi a si: Siangpahrang pakhat nih a sal hna rian òuanning kha zoh aa tim.

²⁴Aa thawk kate ah khin a salpa pakhat cu a sinah an ratpi i cu sal nih cun tangka talen[1] thong hra a bat.

²⁵Cu sal nih cun a leiba chamnak a ngeih lo caah a bawipa nih cun cu pa cu a nupi he a fale he a ngeihmi thil vialte he leiba chamnak dingah cun sal ah zuar si hna seh, tiah a ti.

²⁶Cu salpa cu a bawipa hmaiah cun a khuk aa bil i, ‘Zaangfahnak tein ka ngang rih tuah. Cham dih kan zuam ko lai,’ tiah a nawl.

²⁷A bawipa nih a zaangfah i cucaah a leiba cu a ngaihthiam i a kalter.

²⁸“Mipa cu a va chuak i a sal hawi pakhat, tangka tlawmte a rak batu kha a va fuh. Amah cu a tlaih i a or in a dih i, ‘Na ka batmi kha ka cham dih,’ tiah a ti.

²⁹A sal hawi nih cun a khuk aa bil i, ‘Ka ngang rih sawh. Cham dih kan zuam lai,’ tiah a nawl.

³⁰Sihmanhsehlaw a duh lo. Thong ah khan a leiba a cham dih hlantiang a thlak.

³¹Cu thil cu a sal hawi midang nih khan an hmuh tikah an ing a puang ngaingai i an bawipa sinah khan an va kal i an va chimh.

³²Cucaah an bawipa nih kha sal kha a kawh i, ‘Sal òhalo, na ka nawl caah na ka batmi vialte kan ngaihthiam dih.

³³Na cung i zaangfahnak ka ngeih bantukin pei na sal hawi cungah na ngeih ve awk a si cu,’ tiah a ti.

³⁴An bawipa cu a thin a hung ngaingai i a salpa cu a leiba a lim khawh dih hlantiang thong ah a thlak.

³⁵“Nannih nih nan u nan nau kha nan lungchung taktak in nan ngaihthiam hna lo ahcun cu bantuk cun vancung khua i a ummi ka Pa nih nannih zong cu an tuah ve hna lai,” tiah a ti hna.