Read Hakha Chin MATTHAI 19 Bible Online

MATTHAI 19 - Hakha Chin bible

MATTHAI 19

¹Jesuh nih cu kong cu a chim dih tikah Galilee ram khan a chuak i Jordan Tiva khattelei kam i a ummi Judea ram ah khan a kal.

²Mi tampi nih an zulh i a damter hna.

³Farasi mi tlawmpal kha a sinah cun an ra i amah kha bia in foih an duh caah, “Pa nih a nupi maknak caah kan Phung nih a awnhmi lam zeital a um maw?” tiah an hal.

⁴Jesuh nih cun, “A hramthawk in Pathian nih nu le pa in a ser hna,

⁵‘cucaah pa nih a nu le a pa kha a kaltak hna lai i a nupi he an i fon lai i cu hna pahnih cu pum khat an si lai, tiah Sertu nih cun a ti,’ timi Cathiang chung òialmi kha nan rel bal lo maw?

⁶Cucaah pahnih an si ti lo i pakhat an si cang. Pathian nih a fonhmi hna cu ahohmanh nih òhen hna hlah seh,” tiah a ti.

⁷Cun Farasi mi hna nih cun, “A si kun ahcun, zeicahdah Moses nih, ‘Pa nih a nupi kha maknak ca pe seh law kalter seh,’ tiah nawl a kan pek kun?” tiah an hal.

⁸Jesuh nih cun, “Moses nih nan nupile nan mak khawh hna tiah nawl an pek hna cu, chimh nan har tuk ruangah a si. Sihmanhsehlaw cuticun a hramthawknak caan ah cun a rak si lo.

⁹Cucaah hihi kan chimh hna: Ahohmanh nih a nupi kha, zumh awktlak loin a um ti òung lo ahcun, a mak i nu dang a òhit ahcun, nu le pa sualnak a tuah a si,” a ti.

¹⁰Cun a zultu hna nih khan, “Nu le va kong ah, hitihin a si awk a si ahcun, i òhitumh lo a òha deuh,” an ti.

¹¹Jesuh nih cun, “Hi cawnpiaknak hi a mi kip caah a si lo, Pathian nih a thimmi hna ca lawngah a si.

¹²Mi nih nupi an ngeih khawh lonak sullam a dangdang a um cio: a cheu cu an i chuahpimi a si, a cheu cu mi nih cuticun an sermi an si; cun a cheu cu Vancung Pennak ruang hrimhrim i nupi ngei loin a ummi an si. Hi cawnpiaknak a zul khomi nih cun cuticun zul ko hna seh,” a ti.

¹³Mi zeimaw nih ngakchia kha Jesuh sinah khan an ratpi hna i, an cung i a kut chiah awk le thlacampiak hna awkah an nawl; sihmanhsehlaw a zultu nih khan an rak sik hna.

¹⁴Jesuh nih cun aa thawh i, “Ngakchia cu ka sinah ra ko hna seh, dawn hna hlah u; zeicahtiah Vancung Pennak cu hi bantuk mi hna ta hi pei a si cu,” tiah a ti.

¹⁵An cungah a kut a chuan i a kal.

¹⁶Voi khat ah mipa pakhat cu Jesuh sinah khan a ra i, “Saya, zungzal nunnak co awkah thil òha zeidah ka tuah awk a si?” tiah a hal.

¹⁷Jesuh nih cun, “Zeicahdah ‘zei thil òha dah,’ timi cu na ka hal? A òhami cu pakhat lawng pei a um ko cu. Nunnak chung i luh na duh ahcun nawlbia kha tah na zulh ko hna,” tiah a leh.

¹⁸Tlangvalpa nih cun, “Zei nawlbia hna dah?” tiah a ti. Jesuh nih, “Lai va nawng hlah; nu le pa sualnak va tuah hlah; fir hlah; lih chim hlah;

¹⁹na nu le na pa kha upat hna; na minung hawi kha nangmah bantukin va daw hna, ti hawi hna hi ta,” tiah a leh.

²⁰“Hi nawlbia cu ka zulh dih cang hna. Zeidah zulh awk ka herh rih?” tiah a ti.

²¹Jesuh nih cun a thawh i, “Mi tling si na duh ahcun, va kal law na ngeihmi thil vialte kha va zuar hna; cun tangka na hmuhmi cu misifak kha va pe hna; cuticun vancung khua ah chawva na ngei lai, cun ra law rak ka zul,” tiah a ti.

²²Cu bia cu tlangval nih khan a theih tikah ngaihchia in a kal, zeicahtiah amah cu mirum ngaingai a si.

²³Jesuh nih a zultu cu a thawh hna i, “Vancung Pennak chung luh hi mirum caah cun a har ngaingai lai, tiah kan chimh hna.

²⁴Vun nolh òhan rih ko ning law, kalauk ca i òhim kaa chung luh kha mirum mi ca i Pathian Pennak chung luh nakin a fawi deuh,” tiah a ti.

²⁵Cu bia cu a zultu hna nih khan an theih tikah an khuaruah a har i, “Ahodah khamhnak a hmu kho kun lai?” an ti.

²⁶Jesuh nih dengteo in a vun zoh hna i, “Hihi minung caah cun a si kho lo, sihmanhsehlaw Pathian caah cun zeizong vialte hi a si kho ko,” tiah a leh hna.

²⁷Cun Peter nih khan a hun i thawh i, “Zeizong vialte kha kan kaltak i nangmah kha kan in zulh. Zeidah kan comi a si lai?” tiah a hal.

²⁸Jesuh nih cun, “Chan Thar chungah Mi Fapa hi ka bawi òhutdan cung i ka òhut tikah nannih a ka zultu hleihnih hna zong hi Israel mi phun hleihnih kha an biaceihpiak awkah bawi òhutdan cungah nan òhu ve lai.

²⁹Cun keimah ruangah a inn siseh, a lo siseh, a u siseh, a nau siseh, a farle si hna seh, a pa siseh, a nu siseh, a fale si hna seh, a kaltakmi hna cu a let za khat in a hmuh òhan lai i zungzal nunnak kha pek a si lai.

³⁰Sihmanhsehlaw atu i hmasa bik a simi tampi hi hmanung bik an si lai i atu i hmanung bik a simi tampi hi hmasa bik an si lai,” tiah a ti.