Read Hakha Chin MATTHAI 2 Bible Online

MATTHAI 2 - Hakha Chin bible

MATTHAI 2

¹Jesuh cu, Judea ram Bethlehem khua ah, Siangpahrang Herod bawi a si lioah khan a chuak. A chuah tlawmpal ah cun arfi zohthiammi hna kha nichuahlei in Jerusalem khua ah khan an ra i,

²“Judah siangpahrang a si lai dingmi ngakchia a chuakmi cu khuazei ah dah a um? A arfi nichuahlei in a chuah kha kan hmuh i amah biak awkah cun atu hi kan ra,” an ti.

³Cu bia cu Siangpahrang Herod nih a theih tikah a awlok a chong ngaingai i cu bantuk cun Jerusalem khuami vialte hna zong kha an si ve.

⁴Tlangbawi upa vialte hna le Phungbia cawnpiaktu saya hna kha a pumh hna i, “Khuazei ah dah Messiah cu a chuah lai?” tiah a hal hna.

⁵Annih nih, “Judea ram Bethlehem khua ah,” tiah an leh. “Cun Profet nih a rak òialmi cu hihi a si:

⁶Judea ram ummi Bethlehem khua, Nangmah cu Judah ram khuapi hna lakah a hme bik na si naisai lo; Zeicahtiah nangmah chung hin hruaitu pakhat, ka mi Israel mi hna tuukhal a si dingmi cu a chuak lai,” a ti.

⁷Cucaah Herod nih cun nichuahlei mifim hna cu a thli tein a kawh hna i zeitik set ah dah arfi kha a chuah ti kha fiang tein a hal hna.

⁸Cun Bethlehem khua ah khan a kalter hna i, “Va kal u law ngakchia kong kha òha tein va hlat u; cun nan hmuh tikah ra ka chim òhan u law kei zong amah cu ka va bia ve lai,” tiah a ti hna.

⁹Siangpahrang nih a ti hna bang cun an kal; cun nichuahlei ah an rak hmuh cangmi arfi kha a lang òhan i an hmaiah a kal i ngakchia umnak cungah cun a dir.

¹⁰Arfi an hmuh òhan caah cun an i lawm tuk hringhran.

¹¹Inn chungah khan an vung lut i ngakchia kha a nu Mary sinah cun an vung hmuh. An khuk an i bil i an biak. Cun an zal chung khan laksawng an i chuah i an pek, cu an laksawng cu sui le frankinsen zihmui le mura zihmui an si.

¹²Pathian nih an mang ah Herod sin i kir ti lo ding khan a chimh hna i cucaah lam dang in an ram ah khan an kir.

¹³Annih an kal hnuah Bawipa vancungmi pakhat cu Josef sinah khan a mang ah a lang i, “Tho law, ngakchia le a nu kha i kalpi hna law Izipt ram ah va zam u. Cun chuak cang u, kan ti hna hlantiang cuka ah cun va um u. Herod nih ngakchia hi thah awkah a kawl lai,” tiah a ti.

¹⁴Josef cu a tho i ngakchia le a nu cu Izipt ram i zampi awkah zan ah khan a thawhpi hna.

¹⁵Cuka ah cun Herod a thih tiang an um. Hi thil cu Bawipa nih profet ka in, “Ka Fapa cu Izipt ram in chuah awkah ka auh,” a timi bia tlinnak caah khan a si.

¹⁶Herod nih, nichuahlei mifim hna nih an ka hlen, ti kha a hngalh tikah, a thin a hung ngaingai. Arfi a chuahnak kong nichuahlei mifim hna nih an chimning khan a caan cu a tuak i Bethlehem khua le a pawngkam i a ummi khua hna chung i ngakchiapa kum hnih ri in a tanglei paoh kha thah dih hna awkah nawlbia a pek hna.

¹⁷Cuticun profet Jeremiah nih a rak chimmi cu a hung tling. A chimmi cu:

¹⁸“Ramah khua chungah thawng a thang, Cu thawng cu òahnak le ainak thawng a si. Rachel nih a fale cu a òah hna, An dihlak in an thih dih caah a òap lengmang ko i ngamh khawh a si lo,” ti hi a si.

¹⁹Herod a thih hnuah Izipt ram ah khan Josef sinah cun Bawipa vancungmi pakhat kha a lang i,

²⁰“Tho law, ngakchia le a nu kha Israel ram ah hun kirpi òhan cang hna; zeicahtiah ngakchia thah a timmi kha an thi cang,” tiah a ti.

²¹Cucaah Josef cu a tho i ngakchia le a nu cu Israel ram ah khan a hun kirpi hna.

²²Arkelau nih a pa Herod kha a hun chan i Judea ram ah siangpahrang a si ti kha Josef nih a theih tikah cuka i va um awk cu a òih. A mang ah an chimh bantukin Galilee ram ah khan a kal i

²³Nazareth khua ah khan umhmun a khuar. “Amah cu Nazareth khuami ti a si lai,” tiah profet hna nih an rak chimmi tlinter awk caah, hiti in thil a hung um cu a si.