Read Hakha Chin MATTHAI 20 Bible Online

MATTHAI 20 - Hakha Chin bible

MATTHAI 20

¹“Vancung Pennak cu mitsur dum a ngei i zingkate in a dum chung i rianòuantu ding kawl awkah aa thawhmipa he aa lo.

²Ni khat ah hawi nih an hmuh cio tawnmi ngun tangka phar khat kan phalh hna lai, tiah a ti hna i mitsur dum chungah cun rianòuan awkah khan a thlah hna.

³Cun cu hnu suimilam pathum, zinglei suimilam pakua tluk ah khin chawdawr hrawngah khan a vaa chawk i zeihmanh a tuah lo mi tlawmpal kha a va hmuh hna.

⁴Annih cu, ‘Nannih zong ka dum ah rian va òuan u law a tawkzawn in kuli man cu kan pek hna lai,’ a ti hna i

⁵cucaah an kal. Cun cu bantuk òhiamòhiam cun chun suimilam hleihnih le zanlei suimilam pathum ah khan a tuah òhan.

⁶Cun chawdawr ah khan a va kal òhan i cuka ah cun mi a cheu an rak dir ko rih kha a hmuh hna, cu ah cun zanlei suimilam panga a si dengmang cang. ‘Zeicahdah chun nitlak zei tuah loin nan um sawhsawh ko?’ tiah a hal hna i,

⁷‘Ahohmanh nih rian an kan fial duh lo caah a si,’ tiah an leh. ‘A si ahcun, nannih zong ka dum ah va kal u law rian va òuan u,’ tiah a ti hna.

⁸“Zanlei a hung si tikah dum ngeitu nih cun a dum uktu kha a kawh i, ‘Rian òuantu kha au hna law an òuan man kha pe cio hna, hmanung bik i fialmi kha a hmasa bik ah pe hna law hmasa bik i fial mi kha hmanung bik ah pe hna,’ tiah a ti.

⁹Suimilam panga ah òuan aa thawkmi pawl kha ngun tangka phar khat cio a pek hna.

¹⁰Cucaah hmasa bik i rak fialmi pawl kha an òuan man lak awk i an rat tikah tam deuh kan hmu lai, tiah an i ruah; sihmanhsehlaw annih zong ngun tangka phar khat cio pek an si ve ko.

¹¹Phaisa cu an i lak i rian òuan a fialtu hna cungah khan an zai.

¹²An i thawh i, ‘A hmanung bik i na fialmi hna tham cu suimilam pakhat lawng pei an òuan ko cu, kannih cu chun nitlak pei ni lin lakah kan òuan cu, asinain kanmah na kan pek zat òhiamòhiam na pek ve ko hna,’ an ti.

¹³Cun annih lak i pakhat cu dum ngeitu nih khan a thawh i, ‘Ka kawi, kan hleng hna lo. Hawi hmuh cio tawnmi ngun tangka phar khat hmu dingin pei nan hna a tlak ve ko kha.

¹⁴Cucaah nan tangka cu i lak u law inn ah va òin ko u. A hmanung bik i ka fialmi hna nanmah zat pek ve cu keimah nawl pei a si ko cu.

¹⁵Keimah tangka cu keimah nih ka duhduh in hman awk a si ko lo maw? Zeicahdah mi ka zaangfah hna hi nan hnah a chuah?’ tiah a ti.

¹⁶Cuticun a hmanung bik kha a hmasa bik an si lai i a hmasa bik kha a hmanung bik an si lai,” tiah Jesuh nih a ti.

¹⁷Jesuh nih cun Jerusalem khua lei i an hung kal lioah khan, a zultu pahleihnih kha kaa dang ah aa kalpi hna i anmah lawngin bia a ruah hna.

¹⁸A thawh hna i, “Jerusalem ah kan hung kal lai i Mi Fapa hi tlangbawi upa pawl le Phungbia cawnpiaktu saya pawl sinah khan an ka pek lai. Thah awk a si, tiin sual an ka phawt lai i

¹⁹Jentail mi hna kut chungah an ka chanh lai. Annih nih cun nihchuak capo ah an rak ka ser lai i fung in an ka tuk lai i vailam thing cungah an ka khenhchih lai; cun a ni thumnak ni ah nunter ka si òhan lai,” tiah a ti hna.

²⁰Cun Zebedi fapa hna nu kha Jesuh sinah cun a fapa hna he khan an ra i a hmaiah khan a kun i zaangfahnak a hal.

²¹“Zeidah na duh?” tiah Jesuh nih cun a hal i, “Siangpahrang na si tikah ka fapa pahnih hna hi na orhlei le na kehlei ah an òhutnak hnga, bia ka kam law ka duh,” tiah a leh.

²²Jesuh nih cun, a fapale hna cu, “Nan ka halmi hi nan hngal lo. Ka din lai dingmi hrai hi nan din khawh lai maw?” tiah a leh hna. Annih nih, “Kan din khawh lai,” tiah an leh.

²³“Ka hrai cu a din zong nan din khawh taktak ve ko lai. Sihmanhsehlaw ka orhlei ah anih òhu seh, ka kehlei ah anih òhu seh, ti cu keimah thim khawhmi a si lo. Cuka hmun cu ka Pa nih a timhpiakmi hna caah a si,” tiah a ti hna.

²⁴Cu kong cu a dang pahra hna nih khan an theih tikah unau pahnih hna cungah cun an thin a hung i

²⁵cucaah Jesuh nih cun an dihlak in a kawh hna i, “Vawlei cungah cun nan hngalh bantukin, bawi nih an ukmi hna cu a lal in an lalhnawh tawn hna i hruaitu hna nih khan an hruaimi hna cu a uk in an uk tawn hna.

²⁶Sihmanhsehlaw nannih cu cuticun nan si awk a si lai lo. Nan lak i pakhat khat nih ngan a duh ahcun nan sinum a si awk a si.

²⁷Ahohmanh pakhatnak si a duhmi cu nan sal a si awk a si.

²⁸Cuticun pei Mi Fapa hi a si cu, rian òuanpiak dingah ka rat òung lo, mi tampi an rian òuanpiak awk le annih tlanhnak ca i ka nunnak pek awkah pei ka rat cu,” tiah a ti hna.

²⁹Jeriko khua in an i thawh ah khan Jesuh cu mi tampi nih an zulh.

³⁰Lam pawng i a òhumi mitcaw pahnih hna nih khan Jesuh a kal ti thawng cu an theih tikah, “Maw David Fapa! Kan zaangfah tuah, bawipa,” tiah an au.

³¹Mizapi nih cun an sik hna i dai u, tiah an ti hna. Sihmanhsehlaw thang chinchin in, “Maw David Fapa, kan zaangfah tuah, bawipa,” tiah an au.

³²Jesuh cu a dir i a kawh hna i, “Zeidah kan tuahpiak seh, ti nan ka duh?” tiah a hal hna.

³³“Bawipa, kan mit hung kan damter law kan duh,” tiah an leh.

³⁴Jesuh nih a zaangfah hna i an mit cu a tawnghpiak hna i hmakhatte ah khua an hmu kho. Cun amah cu an zulh.