Read Hakha Chin MATTHAI 22 Bible Online

MATTHAI 22 - Hakha Chin bible

MATTHAI 22

¹Jesuh nih mizapi cu bianabia in a chimh òhan hna.

²“Vancung Pennak cu, a fapa caah nupi òhit rawl danghnak a tuahtu siangpahrang he aa lo.

³A sawmmi kha, ra cang u, tiah va chimh awkah a sinum kha a thlah hna tikah, an ra duh lo.

⁴Cun a sinum a dang kha a thlah òhan hna i, ‘Rawl danghnak cu timh a si dih cang. Ka cawtum hna le ka saòil thauthau hna cu ka thah cang hna. Zeizong vialte timh a si dih ko. Cucaah khulrang in rawl danghnak ah cun ra cang u,’ nan va ti hna lai, tiah a ti hna.

⁵Sihmanhsehlaw a sawmmi hna nih khan zeihmanh ah an rak rel lo i a cheu cu an lo ah an kal, a cheu cu an chawdawr ah an kal,

⁶a cheu nih cun a sinum hna kha an rak tlaih hna i an rak velh hna i an rak thah hna.

⁷Siangpahrang cu a thin a hung i a ralkap kha a thlah hna i cu lainawngmi hna cu a thah hna i an khua kha a duah hna.

⁸Cun a sinum kha a auh hna i, ‘Nupi òhit rawl danghnak ka tuahmi cu timh dih a si cang; asinain ka sawmmi hna cu upatnak hmuh awkah an i tlak lo.

⁹Cucaah zatlang lam ah khan va kal u law nan hmuhmi paoh vun sawm hna u,’ tiah a ti.

¹⁰Cucaah a sinum hna cu zatlang lampi ah khan an va kal i an hmuhmi hna paoh kha, a chia a òha thlu loin, an va pumh hna i rawl danghnak khaan cu mi an khat dih.

¹¹“An sawmmi hna va zoh awkah khan siangpahrang cu a vung lut i nupi òhitnak puan aa aih lo mi pakhat a hmuh.

¹²Siangpahrang nih cun, ‘Ka kawi, zeitindah hika ah hin nupi òhitnak puan loin na luh zia,” tiah a hal. Mipa nih cun zeihmanh a chim lo.

¹³Cun siangpahrang nih khan a sinum cu a thawh hna i, ‘A kut le a ke kha òem u law, khua leng mui lakah hei hlonh u. Cuka ah cun va òap seh law a hacang va rial seh,’ tiah a ti.

¹⁴Zeicahtiah sawmmi cu an tam nain, thimmi cu an tlawm,” tiah a ti.

¹⁵Farasi mi pawl cu an kal i Jesuh foihnak ding caah khan bia an kawl.

¹⁶anmah zultu tlawmpal hna le Herod paòi mi tlawmpal hna kha a sinah cun an hei thlah hna. An vaa thawh i, “Saya, nang cu lih chim hmang lomi na si ti kha kan hngalh. Pathian nih, cuticun um hna seh, a tining kha biatak tein na cawnpiak tawn hna i ahohmanh an mithmai kha na zoh hlei hna lo.

¹⁷Cucaah hihi kan chim tuah: Rom Siangpahrang ngunkhuai pek hi kan Phung he aa kalh maw kalh lo?” an ti.

¹⁸Jesuh nih an lung chungin thil òhalo an i timh kha a hngalh ziar hna i cucaah cun, “Mihrokhrawl hna! Zeicahdah foih nan ka zalh?

¹⁹Ngunkhuai pek ding tangka cu ka hmuhsak tuah ngat u,” tiah a ti hna. Tangka cu an hun pek i,

²⁰“Aho mui le aho min dah a cuang?” tiah a hal hna. Annih nih “Siangpahrang mui le min,” tiah an leh.

²¹Cun Jesuh nih cun, “A si ahcun, Siangpahrang cu siangpahrang ta a simi thil kha va pe u law Pathian cu Pathian ta a simi thil kha va pe ko u,” tiah a ti hna.

²²Cucu an theih tikah an khuaruah a har i an kaltak.

²³Cu ni òhiamòhiam ah cun Sadusi mi tlawmpal kha a sinah khan an ra. (Annih cu mi hi thihnak in kan tho òhan lai lo a timi pawl kha an si).

²⁴An i thawh i, “Saya, Moses nih a kan cawnpiakning ah: ‘Mipa pakhat khat cu fa ngei loin a thih ahcun, a unau nih a nupi ro cu a òhit hrimhrim awk a si lai i an fale cu mithipa fale kha an si lai,’ tiah ti a si.

²⁵Unau pasarih an rak um i an upa bik cu nupi a ngei, sihmanhsehlaw fa ngei loin a thi i cucaah a nau nih cun a rohmi a nupi cu a òhit.

²⁶Cu bantuk òhiamòhiam cun a pahnihnak pa zong cu a thi ve, cun a pathumnak pa zong cu a thi òhiamòhiam i cuticun an pasarih ning cun an thi dih.

²⁷A donghnak ah nu zong cu a thi ve.

²⁸Cucaah an dihlak in an rak òhit caah khan, cu nu cu thawhòhannak ni ah cun aho nupi bik dah a si kun lai?” an ti.

²⁹Jesuh nih cun, “Nan hei palh hringhran dah. Hi ti nan palhnak cu Cathiang kha siseh, Pathian òhawnnak kha siseh, nan hngalh lo caah a si.

³⁰Mithi cu nunter òhan an si tikah vancungmi bantuk an si lai i an i òhi in an i um ti lai lo.

³¹Mithi thawhter òhan an sinak kong ah cun, Pathian nih nanmah hrimhrim an chimhmi hna kha nan rel bal lo maw?

³²‘Kei cu Abraham Pathian, Isak Pathian, Jakob Pathian ka si,’ tiah pei a ti kha. Cu a sullam cu Pathian cu minung mi Pathian a si, mithi Pathian a si lo, tinak a si,” tiah a ti.

³³Cucu an theih tikah mizapi cu a cawnpiakmi hna kha an khuaruah a har.

³⁴Jesuh nih Sadusi mi kha holh awk hngal loin a tuah hna ti kha Farasi mi nih an theih tikah, hmun khat ah an i pum i

³⁵annih lak i pakhat, Phungbia cawnpiaktu saya a simi nih khan bia in foih a timh.

³⁶Aa thawh i, “Saya, Phungbia chungah hin zei nawlbia dah a ngan bikmi a si?” tiah a hal.

³⁷Jesuh nih cun, “ ‘ Bawipa na Pathian cu na lungthin dihlak le na ruahnak dihlak le na nunnak dihlak in na dawt lai,’

³⁸ti hi a ngan bik le a biapi bik nawlbia cu a si.

³⁹A hun changtu biapi bik nawlbia cu, cu bantuk òhiamòhiam cu a si i, ‘Na innpa cu nangmah naa dawt bantukin na dawt lai,’ ti hi a si.

⁴⁰Moses Nawlbia vialte le profet hna cawnpiaknak vialte cu, hi nawlbia pahnih chungah hin an i khumh dih,” tiah a ti.

⁴¹Farasi mi hna cu hmunkhat i an i pumh tikah khan Jesuh nih a thawh hna i,

⁴²“Messiah kong hi zeitindah nan ruah? Aho hrinsor dah a si?” tiah a hal hna. Annih nih “David hrinsor a si,” tiah an leh.

⁴³Khi tikah Jesuh nih cun, “A si ahcun, zeicahdah Thlarau nih David cu, Messiah cu ka Bawipa a si, tiah na ti lai, tiah a ti kun? David nih cun pei:

⁴⁴Bawipa nih ka Bawipa cu a thawh i, Na ral hna cu na ke tangah ka chiah hna hlantiang Ka orhlei kamah hin òhu tuah, tiah a ti, a ti cu.

⁴⁵David nih Messiah cu Bawipa, tiah a ti ahcun zeitindah amah cu David hrinsor cu a si khawh lai?” tiah a ti hna.

⁴⁶Jesuh cu ahohmanh nih bia kaa khat hmanh an let kho lo i cu ni thawk cun ahohmanh nih bia an hal ngam ti lo.