Read Hakha Chin MATTHAI 24 Bible Online

MATTHAI 24 - Hakha Chin bible

MATTHAI 24

¹Jesuh cu Biakinn khan a chuak i a kalpah ah khan a zultu hna cu a sinah khan an ra i Biakinn le Biakinn he aa pehtlaimi inn hna kha an hmuhsak.

²Aa thawh i, “Hihi nan hmuh cio ko hna a si lo mei? Sihmanhsehlaw hihi kan chimh hna: lung pakhat hmanh hi a umnak kel ah a ummi an um te lai lo, an dihlak tein chimh an si dih lai,” tiah a ti.

³Cun Jesuh cu Oliv Tlang i a òhut lioah khan a zultu hna kha anmah lawngte in an ra i, “Hihi zeitik ah dah a si lai? Cun na ratnak ding hmelchunhnak le atu chan donghnak ding hmelchunhnak ah zei thil dah a um hna lai?” tiah an hal.

⁴Jesuh nih cun, “I ralring u law ahohmanh i hlenter hna hlah u.

⁵Zeicahtiah ka min in mi tampi an ra lai i, ‘Keimah hi Messiah cu ka si,’ tiah an ti lai i mi tampi kha an hlen hna lai.

⁶Lam nai i an i tuknak thawng le lam hla i an i tuknak thawngpang kha nan theih hna lai; sihmanhsehlaw nan awlokchong hlah u. Cu bantuk thil cu an um hrimhrim awk a si ko, asinain a donghnak a phan cang tinak a si lo.

⁷Ram khat le ram khat an i do lai, peng khat le peng khat an i tu lai. A kenkip ah mangòam le lihnin a tlung lai.

⁸Hi thil vialte hi nau chuah lai nganfah a hmasa bik bantuk an si.

⁹“Cun mi nih an in tlaih hna lai i dantat awkah an in chanh hna lai i an in thah hna lai. Keimah ruangah mi vialte nih an in huat hna lai.

¹⁰Cu caan ah cun mi tampi nih an zumhnak kha an hlawt lai i pakhat le pakhat an i rawi lai i pakhat le pakhat an i hua lai.

¹¹Cun nal profet tampi an chuak lai i mi tampi an hlen hna lai.

¹²Òhat lonak kha a karh tuk lai caah mi tampi cu an dawtnak kha a dai lai.

¹³Sihmanhsehlaw a dongh tiangin a fekmi cu khamh an si lai.

¹⁴Cun miphun vialte hna ca i tehte si awkah Vancung Pennak kong Thawng Òha hi khuazakip ah chim a si lai § cun cu hnu lawngah cun donghnak cu a si lai!

¹⁵“Cun profet Daniel nih, ‘Òhiotu Fihnung,’ a timi kha hmunthiang i a dir cu nan hmuh lai. (A reltu hna, hi a sullam hi i hngalh u).

¹⁶Cun Judea ram i a ummi kha tlang ah zam hna seh.

¹⁷A inncung i a ummi cu a innchung i a ummi thilri lak awkah òum hlah seh.

¹⁸Lo i a ummi cu a puan lak awkah tlung hlah seh.

¹⁹Cu caan ah cun fapawi nu hna le nau no ngeimi nu hna caah a har hringhran lai.

²⁰Nan zam caan hi khuasik caan le Sabbath ni ah a si sual nakhnga lo, Pathian sinah thlacam u.

²¹Zeicahtiah khi caan ah cun vawlei hramthawk in nihin ni tiangah a ummi harnak a zeihmanh nakin a let tampi in a fak deuhmi harnak kha a um lai. Cu bantuk harnak cu a um zong a um ti lai lo.

²²Cu caan cu Pathian nih rak tawiter hlah seh law ahohmanh a nungmi an um hnga lo. Asinain Pathian nih a mithim mi hna caah, cu caan cu a tawiter lai.

²³“Cun ahohmanh nih, ‘Messiah cu hika ah a um, khika ah a um,’ in ti ai kun hna, va zum hna hlah u.

²⁴Zeicahtiah nal messiah le nal profet kha an chuak lai i Pathian mithim hna hmanh kha a si khawh ahcun hlen khawhnak ding caah hmelchunhnak le khuaruahhar nganngan an ser hna lai.

²⁵Ngai hmanh u. A hlankan in hihi kan chimchung hna hih.

²⁶“Cun mi nih, ‘Ramlak ah a um,’ an in ti hna ahcun va kal hlah u; ‘Hika ah aa thup ko,’ an in ti hna zongah vaa lun hlah u.

²⁷Zeicahtiah Mi Fapa cu van ah nichuahlei in nitlaklei tiang aa lekmi nimtlau bantukin pei a rat lai cu.

²⁸“Saruak umnak hmun ah langta an i pum tawn.”

²⁹“Cu caan harnak cu a dongh cangka in ni cu a mui lai i thlapa cu a ceu ti lai lo, arfi cu van in an tla lai i vancung òhawnnak cu an i hnin lai.

³⁰Cun Mi Fapa hmelchunhnak kha van ah a lang lai; khi tikah vawlei cung miphun vialte kha an òap lai i Mi Fapa cu lianhngannak le sunparnak he vancung in a rat kha an hmuh lai.

³¹Muko nganpi cu an tum lai i a vancungmi kha vawlei kil li ah a thlah hna lai i vanrang toi khuazakip in a mithim hna kha a pumh hna lai.

³²“Theipi kung nih hin thil pakhat in cawnpiak hna seh: A nge cu an hung hrin i an hung no i a hnah an hung corh tikah òhal caan cu a nai cang, ti kha nan hngalh.

³³Cu bantukin hi thil vialte hi nan hmuh hna tikah, caan cu a nai cang, aa thawk dengmang cang, ti kha nan hngalh lai.

³⁴Mah hihi philh hlah u: Hi thil vialte hi atu i a nung lio mi an thih dih hlanah hin a tlung ko lai.

³⁵Van le vawlei cu an rawk lai; sihmanhsehlaw ka bia cu zeitikhmanh ah a rawk lai lo.

³⁶“Asinain, cu ni le cu caan cu zeitik ah dah a si lai, ti kha ahohmanh nih an hngal lo; vancung mi zong nih an hngal lo, Fapa zong nih a hngal hlei lo, Pa lawnglawng nih a hngalh.

³⁷Mi Fapa a rat cu Noah chan i thil umtuning bantuk kha a si lai.

³⁸Tilian a tlun hlan, Noah lawng chung i a luh ni tiang kha, an ei an ding an i òhi an i um i

³⁹tilian a hung tlun taktak i a fenh dih hna hlantiang kha cu, zeihmanh an hngal lo. Mi fapa a rat tikah cun cu bantuk cun a si lai.

⁴⁰Cu caan ah cun mi pahnih lo ah rian a òuanmi hna lakah pakhat cu kalpi a si lai i pakhat cu nganhta a si lai.

⁴¹Nu pahnih sum a sumi hna lakah pakhat cu kalpi a si lai i pakhat cu nganhta a si lai.

⁴²Cucaah nan Bawipa a rat lai ni nan hngalh lo caah ralring tein um ko u.

⁴³Hihi philh hlah u: Inn ngeitu nih mifir a rat lai caan kha hngal seh law, hngilh lo tein a rak um hnga i mifir kha a inn chungah a luhter hnga lo.

⁴⁴Cu ruangah cun nannih zong timh cia tein nan um zungzal awk a si, zeicahtiah Mi Fapa cu nan i rin lo caan ah khin a ra ko lai.

⁴⁵“Cu a si caah aho cu dah zumh awk a tlakmi le a fimmi sal cu a si? Cu bantukin zumh awk a tlak i a fimmi sal cu, a Bawipa nih a sal hawi zohkhenhtu dingah, a caan hmaan tein an rawl a petu dingah, a chiahmi kha a si.

⁴⁶A bawipa nih a tlun tikah, a rian a rak òuan liote ah a run tanhmi sal caah cun lunglawmh awk a va si dah!

⁴⁷Cu sal cu a bawipa nih a ngeihmi thil vialte zohkhenhtu ah a chiah hrimhrim lai, tiah kan chimh hna.

⁴⁸Sihmanhsehlaw cu pa cu miòhalo a si ahcun, ‘Ka bawipa cu a ra chom rih lai lo,’ tiah a lung chungin a ti lai i

⁴⁹a sal hawi kha a òhuat a den hna lai i zuri pawl hna he khan an ei an ding òi lai.

⁵⁰Cun a bawipa cu ni khatkhat cu aa rin lo caan le a hngalh lo caan ah a ra tlung lai i

⁵¹a bawipa nih cun a sam cikcek lai i midepde pawl umnak hmun ah khan a umter ve lai. Cuka ah cun a òap lai i a hacang a rial lai.