Read Hakha Chin MARKA 10 Bible Online

MARKA 10 - Hakha Chin bible

MARKA 10

¹Jesuh cu cuka hmun cun a chuak i Judea ram ah khan a kal i Jordan tiva kha a tan. Cun mi tampi nih khan a zual in an zual hoi i a cawnpiak tawn zungzal hna bang khan a cawnpiak hna.

²Farasi mi kha an ra i foih an ra timh. “Kan phung nih nupi mak hi a kan onh maw onh lo, kan chim tuah,” tiah an ti.

³Jesuh nih biahalnak in a leh hna i, “Moses nih zei phung dah an pek hna?” tiah a ti.

⁴Annih nih, “Moses nih a kan pekmi ah cun, mipa nih a nupi kha maknak ca a pek ahcun a mak khawh ko, ti a si,” tiah an leh.

⁵Jesuh nih cun a thawh hna i, “Moses nih hi nawlbia an òialpiak hna cu, nannih kha cawnpiak nan har tuk hringhran caah a si.

⁶Sihmanhsehlaw a hramthawk, thil ser lio caan ah khan cun, cathiang nih, ‘Pathian nih nu le pa in a ser hna i

⁷cu ruangah cun pa nih a nu le a pa kha a kaltak hna lai i a nupi he an i komh lai i,

⁸an pahnih cun pakhat ah an cang lai,’ a ti bang khan a si. Cucaah pahnih an si ti lo, pakhat lawng an si cang.

⁹Pathian nih a fonhmi hna cu minung nih òhen awk a si lo,” tiah a ti.

¹⁰Inn chung i an luh òhan tikah khan Jesuh cu a zultu hna nih hi kong cu an hal.

¹¹Annih cu, “A nupi kha a ma i nu dang a òhimi cu a nupi cungin nu dang duh sualnak a tuah a si;

¹²cu bantuk òhiamòhiam in a va kha a kirtak i midang a vami cu va cungin pa aa duh a si ve,” tiah a ti.

¹³Jesuh sinah khan, a kut in rak tawng hna seh, tiah ngakchia tete kha an ratpi hna, sihmanhsehlaw a zultu hna nih khan cu hna cu an rak sik hna.

¹⁴Cucu Jesuh nih a hmuh tikah a thin a hung i a zultu hna cu, “Ngakchia cu ka sinah ratter ko hna u. Pathian Pennak cu hi bantuk mi hna ta hi a si caah, annih cu kham hna hlah u.

¹⁵Mah hi philh hlah u. Pathian Pennak kha ngakchia nih an cohlan bantukin a cohlang lomi cu, ahohmanh Pathian Pennak chungah cun an lut lai lo,” tiah a ti.

¹⁶Cun ngakchia cu a pom hna i an cungah a kut a chuan i thluachuahnak a pek hna.

¹⁷Jesuh cu khual tlawn ah aa thawh òhan i cu lioah cun mipa pakhat a hung tli i a hmaiah a khuk aa bil i, “Saya, nangmah cu mi òha na si. Zungzal nunnak hmuh awkah zeidah ka tuah lai?” tiah a hal.

¹⁸Jesuh nih cun, “Zeicahdah, saya òha, na ka ti? Pathian dah ti lo cu ahohmanh a òhami an um òung lo.

¹⁹Nawlbia kha na hngalh ko òung hna: ‘Lai va nawng hlah; nupi cung le va cungin midang cungah sual hlah, fir hlah, lih chim hlah, mi va hleng hna hlah, na nu le na pa va upat hna!’ ti pei an si kha,” tiah a ti.

²⁰Cu pa nih cun, “Saya, hi nawlbia vialte hi cu ka ngakchiat lio in ka zulh lengmang ko cang hna,” tiah a ti.

²¹Dawtnak lungthin he Jesuh nih dengteo in a vun zoh i, “Pakhat lawnglawng na bau, va kal law na ngeihmi thil vialte kha va zuar law tangka cu sifakmi kha va òhen hna, cun vancung ah rothil na ngei lai; cun ra law ka zul,” tiah a ti.

²²Cu bia cu mipa nih khan a theih tikah a hmai a chia i ngaihchia ngaiin a kir; zeicahtiah a rum ngaingaimi a si.

²³Jesuh nih a zultu kha a zoh hna i, “Mirum mi caah cun Pathian Pennak chung luh hi a va har lai dah!” tiah a ti.

²⁴Cu a chimmi bia an theih tikah a zultu hna cu an khuaruah a har ko. Asinain Jesuh nih a thawh òhan hna i, “Ka fale hna, Pathian Pennak chung luh hi zeitluk in dah a har!

²⁵Kalauk òhim kaa chung luh hi mirum Pathian Pennak chung luh nakin a fawi deuh,” tiah a ti.

²⁶Hi bia an theih tikah a zultu hna cu an khuaruah a har tuk hringhran i, “Ahodah khamhnak cu a hmu kho kun lai?” tiah pakhat le pakhat kha an i hal.

²⁷Jesuh nih cun dengteo in a zoh hna i, “Hihi minung caah cun a si kho lo, sihmanhsehlaw Pathian caah cun a si kho ko, zeicahtiah Pathian nih a tuah khawh lomi zeihmanh a um lo,” tiah a ti hna.

²⁸Cun Peter nih, “A si ahcun, kannih hi tah? Zeizong vialte kaltak in kan in zulh òung,” tiah a hun ti.

²⁹Cun Jesuh nih a thawh hna i, “A inn siseh, a lo siseh, a unau si hna seh, a farle si hna seh, a nu siseh, a pa siseh, a fale si hna seh, keimah le òhawngòha ruangah a kaltakmi nih cun,

³⁰tam chinchin in atu chan ah hin a hmuh hrimhrim lai. Inn siseh, lo siseh unau si hna seh, far siseh, nu siseh, fa siseh; a let za khat in an hmuh lai; cun hremnak zong an hmuh lai; cun a ra dingmi chan ah hin zungzal nunnak an hmuh lai.

³¹Sihmanhsehlaw atu i a hmasa bik a simi hi, mi tampi cu a hmanung bik an si lai i atu i hmanung bik a simi hi, mi tampi cu hmasa bik an si lai,” tiah a ti.

³²Jerusalem khua leiah khan an hung kal i Jesuh cu an hmaiah khan a kal i a zultu hna kha an khuaruah a har; cun an hnu in a hun zul vemi midang hna kha an thin a phang. Jesuh nih cun zultu pahleihnih hna kha a dang ah aa kalpi òhan hna i a cung i a tlung dingmi thil kong kha a chimh hna.

³³A thawh hna i, “Jerusalem khua kan hung phan lai i Mi Fapa hi tlangbawi upa hna le Phungbia cawnpiaktu saya pawl hna kut chungah khan an chanh lai. Annih nih cun, thih awktlak a si, tiin sual an phawt lai i, cun Jentail mi hna kut ah an chanh chin lai.

³⁴Cu hna nih cun an cawhdeh lai, cil an chak lai, fung in an tuk lai i an thah lai. Cun ni thum hnuah a tho òhan lai,” tiah a ti hna.

³⁵Khi tikah Zebedi fapa Jeim le Johan kha Jesuh sinah cun an ra i, “Saya, na kan tuahpiak awk kan duhmi thil a um,” an ti.

³⁶Jesuh nih cun, “Zeidah kan tuahpiak seh ti nan ka duhmi cu a si?” tiah a ti hna.

³⁷Annih nih, “A sunglawimi na Pennak chung i na bawiòhutdan cung i na òhut tikah na sinah kan òhutter ve law kan duh, pakhat na orhlei kamah, pakhat na kehlei kamah,” tiah an ti.

³⁸Jesuh nih cun a thawh hna i, “Nan ka halmi hi nan hngal lo. Ka din dingmi hrai hi nan din khawh lai maw? Tipil ka in ding ning hin nan in khawh ve lai maw?” tiah a ti.

³⁹Annih nih, “Kan ti khawh ko lai,” tiah an leh. Jesuh nih cun, “Ka din dingmi hrai hi nan din khawh ve taktak ko lai i ka in dingmi tipil inning hi nan in khawh ve taktak ko lai.

⁴⁰Sihmanhsehlaw ka orhlei kam i òhut le ka kehlei kam i òhut cu keimah pek khawhmi a si lo. Hi hmun cu Pathian nih a timhpiakmi hna kha a pek ko hna lai,” tiah a leh hna.

⁴¹Hi kong kha a dang zultu pahra hna nih khan an theih tikah Jeim le Johan cungah cun an thin a hung.

⁴²Cucaah Jesuh nih an dihlak in a auh hna i, “Vawlei cungah cun uktu bawi hna nih an ukmi michia hna cu, a lal in an lalhnawh tawn hna i hruaitu hna nih a uk in an uk tawn hna ti cu nan hngalh.

⁴³Sihmanhsehlaw nannih cu hi bantukin nan si awk a si lo. Mi ngan si a duhmi cu nan sinum a si awk a si,

⁴⁴bawi cem si a duhmi cu nan dihlak sal a si awk a si.

⁴⁵Zeicahtiah Mi Fapa hmanh hi, rian òuanpiakmi si awkah ka rat òung lo, midang rian òuanpiaktu si awk le mi tampi tlanhnak ding ca i ka nunnak pek awkah pei ka rat cu,” tiah a ti hna.

⁴⁶Jesuh le a zultu hna le mibupi cu Jeriko khua kha an phan. Jeriko khua cun an i thawh lioah khin lam pawngah mitcaw Bartimu, Timau fapa kha a òhu i thil a hal hna.

⁴⁷Nazareth khuami Jesuh a si ti kha a theih tikah, “Jesuh, David Fapa, ka zaangfah tuah,” tiah a au.

⁴⁸Mi tampi nih an sik i dai tein um ko, tiah an ti. Sihmanhsehlaw thang chinchin in, “David Fapa, ka zaangfah tuah,” tiah a au chin.

⁴⁹Jesuh cu a dir i, “Hei au u,” tiah a ti. Cucaah mitcawpa cu an hei auh i, “Na thanuam ko, tho, an kawh cuh,” an ti.

⁵⁰A puan kha a hlonh duak i a pet i Jesuh sinah cun a ra.

⁵¹Jesuh nih cun, “Zeidah in tuahpiakning law na duh?” tiah a hal. Mitcawpa nih cun, “Saya, khua hmuh òhan ka duh,” tiah a leh.

⁵²Jesuh nih cun, “Va kal kun, na zumhnak nih an damter cang,” tiah a ti. Chikkhatte ah khin khua cu a hun hmu i lam ah cun Jesuh cu a zulh.