Read Hakha Chin MARKA 12 Bible Online

MARKA 12 - Hakha Chin bible

MARKA 12

¹Cun Jesuh nih tahchunhnak bia in a chimh hna. Aa thawh i, “Mipa pakhat a rak um i cu pa nih cun mitsur dum pakhat a rak ser; a kulh i mitsur nennak caah khor a cawh i ralvennak inn pakhat a sak. Cun a dum cu mi kha a hlanh hna i khualtlawn ah a kal.

²Mitsur thei kha lawh a cut tikah a co hnga ding a simi va lak awkah a sal pakhat kha a thlah.

³Dum a hlanhmi hna nih cun an rak tlaih i an rak velh i zeihmanh pe loin an kirter.

⁴Cu tikah dum ngeitu nih khan sal dang pakhat a thlah òhan; a lu ah an rak tuk i ningzak ngaiin an rak tuah.

⁵Dum ngeitu nih cun sal dang pakhat a thlah òhan i an rak thah; cun a dang tampi kha cu bantuk cun an rak tuah hna, a cheu cu an tuk an den hna i a cheu cu an thah hna.

⁶Thlah dingah a taangmi cu dum ngeitu fapate a dawt ngaingaimi lawng kha a si cang. A hmanung bik ah a fapa cu dum a hlanhmi hna sinah cun a hei thlah i, ‘Ka fapa hi cu an hmaizah òheo lai,’ tiah a ti.

⁷Sihmanhsehlaw dum a hlanhmi hna nih khan, ‘Hi pa hi dum ngeitu fapa a si. That u sih, dum hi kanmah ta a si lai,’ an ti.

⁸Cucaah a fapa cu an tlaih i an thah i a ruak kha dum lengah an hlonh.

⁹“A si ahcun, dum ngeitu nih khan zeitindah a tuah hna lai? A ra tlung lai i a thah hna lai i dum kha midang a hlanh hna lai.

¹⁰Cathiang chungah: ‘Inn satu hna nih, santlailo tiin an hlawtmi lung cu santlai bik ah a cang.

¹¹Cu a tuahtu cu Bawipa a si i khuaruahhar a si kha kan hmuh,’ tiah aa òialmi hi nan rel bal lo maw?” tiah a ti hna.

¹²Judah upa pawl nih khan, hi bianabia cu kanmah a kan chimhnawhchan ti kha an hngalh caah Jesuh cu tlaih an timh, sihmanhsehlaw mizapi kha an òih hna caah an kaltak.

¹³Farasi mi tlawmpal le Herod mi tlawmpal kha, Jesuh cu a bia in tlaih i zuam awkah an hei thlah hna.

¹⁴A sinah cun an ra i, “Saya, nang cu lihchim hmang lomi na si i mi hme mi ngan ahohmanh an mithmai na zoh hna lo. Sihmanhsehlaw Pathian duhnak tu kha a ning tein na cawnpiak hna, ti kha kan hngalh. Cucaah cun Rom Siangpahrang sin i ngunkhuai pek hi kan phung he aa ralchanh maw ralchanh lo kan chim tuah, ngunkhuai cu kan pe lai maw pe lo dah?” an ti.

¹⁵Hlen an timh kha a hngalh i, “Zeicahdah foih nan ka timh len ko? Ngun tangka phar khat in rak pu u law ka zoh tuah lai,” tiah a leh hna.

¹⁶Pakhat an rak pek i, “Aho hmai le aho min dah mah hihi an si?” tiah a hal hna. Annih nih, “Siangpahrang hmai le min,” tiah an leh.

¹⁷Cun Jesuh nih, “A si ahcun, Siangpahrang ta a simi cu Siangpahrang cu va pe ko u, Pathian ta a simi cu Pathian kha va pe ko u,” tiah a ti hna i an ar òhup ko.

¹⁸Cun Sadusi mi kha an ra. (Annih cu thihnak in thawhòhannak a um lo, a timi an si).

¹⁹An i thawh i, “Saya, Moses nih phung a kan òialpiakmi ah: Mipa pakhatkhat cu fa ngei loin a thih ahcun fa a hrinpiak nakhnga a unau nih khan a rohmi a nupi cu a òhit awk a si lai, ti a si.

²⁰Voi khat cu unau pasarih an um i an upa bik nih cun nupi a òhit, sihmanhsehlaw fa ngei loin a thi.

²¹Cucaah a hun changtu nih khan a rohmi cu a òhit, asinain amah zong cu fa ngei loin a thi ve. Cuticun a pathumnak zong kha a si i

²²a dang zong cu an si cio: an pasarihte cun cu nu cu an òhit i fa ngei loin an thi dih. Cun a hmanung bik ah cu nu zong cu a thi ve.

²³Cucaah thawh òhan ni ah mithi vialte kha thawhter an si ahcun, cu nu cu aho nupi dah a si kun lai? An pasarih tein an òhit cio òung?” an ti.

²⁴Jesuh nih cun a leh hna i, “Nan hei palh hringhran dah! Cun zeicahdah kan palh ti nan hngal maw? Cathiang siseh, Pathian òhawnnak siseh nan hngalh lo caah a si.

²⁵Mithi cu thawhter an si tikah vancungmi bantuk pei an si lai cu, an i òhi in an i um ti lai lo.

²⁶Mithi mi thihnak in thawhter òhan an si lai le si lai lonak kong cu, Moses cauk chungah khan, burbuk a kangmi kong kha nan rel bal lo maw? Khaka ah khan Pathian nih Moses cu a thawh i, ‘Kei cu Abraham Pathian, Isak Pathian, Jakob Pathian ka si,’ a ti, tiah aa òial òung.

²⁷Cucu a nungmi hna Pathian a si, a thimi hna Pathian a si lo, tinak a si. Nan palh cikcek!” tiah a ti hna.

²⁸Cuka ah cun bia an i almi a rak theitu Phungbia cawnpiaktu saya pakhat a rak um. Jesuh nih Sadusi mi hna cu òhalo tein a leh hna ti kha a hngalh tikah a ra i, “Nawlbia lakah hin zeidah a biapi bik?” tiah a hal.

²⁹Jesuh nih a leh i, “ ‘Israel mi hna ngai tuah u; Bawipa kan Pathian lawnglawng hi Bawipa a si.

³⁰Bawipa nan Pathian cu nan lungthin dihlak le nan nunnak dihlak le nan ruahnak dihlak le nan thazang dihlak in nan dawt lai,’ ti hi a biapi bik cu a si.

³¹Cun a pahnihnak cu, Na innpa kha nangmah naa dawt bantukin na dawt lai, ti hi a si. Hi hna pahnih nakin a biapi deuhmi nawlbia dang an um ti lo,” tiah a ti.

³²Phungbia cawnpiaktu saya nih cun Jesuh cu a leh ve i, “A òha ngaingai, saya! Na chimmi cu a hmaan, Bawipa lawnglawng hi Pathian cu a si taktak i pathian dang zeihmanh an um ti lo.

³³Cucaah mi nih hin Pathian cu kan lungthin dihlak le kan ruahnak dihlak le kan thazang dihlak in kan dawt awk a si i kan innpa cu kanmah bantukin kan dawt awk hna a si. Hi nawlbia pahnih zulh hi Pathian sin i khangh raithawinak le raithawinak dangdang zong pekchanhnak nakin a òha deuh,” tiah a ti.

³⁴Jesuh nih a bialehnak cu a òha ngai ti kha a hmuh i, “Pathian Pennak in naa hlat lo,” tiah cu pa cu a ti. Hi hnuah hin cun ahohmanh nih Jesuh kha bia an hal ngam ti lo.

³⁵Jesuh nih Biakinn chung i a cawnpiak lio hna ah khan hi biahalnak hi a hal hna: A thawh hna i, “Zeitindah Messiah cu David hrinsormi a si te lai, tiah Phungbia cawnpiaktu saya nih an ti khawh?

³⁶Thiang Thlarau nih pei David cu: Bawipa nih ka Bawipa cu, Na ral hna kha na ke tangah ka chiah hna hlantiang ka orhlei kamah hin òhu ko, tiah a chimter cu.

³⁷David hrimhrim nih Messiah cu ‘Bawipa’ tiah a ti ahcun, zeitindah David hrinsor cu a si khawh lai?” tiah a ti hna. Mizapi nih cun Jesuh bia cu lunglawm ngaiin an ngaih.

³⁸A cawnpiak lio hna ah cun, “Phungbia cawnpiaktu saya pawl hi i ralring hna u. Annih cu an puan fual pipi he i chawh i chawdawr tlang ah mi nih upatnak in kan biachawn hna seh, ti a duhmi an si.

³⁹Pumhnak ah òhutdan a òha khunmi i òhut kha an duh i zapi rawl danghnak ah upatnak hmun i òhut kha an duh.

⁴⁰Nuhmei kha an ei an hmuar hna i an inn an lo kha an chuh hna. Cun zapi nih kan hmu hna seh tiin thla kha sau pipi in an cam. Hi hna hi cu an dantatnak kha a fak chinchin men ko lai,” tiah a ti.

⁴¹Jesuh cu Biakinn tangka chiahnak pawngah khan a òhu i tangka a sanhmi kha a zoh hna. Mirum tampi nih khan tangka tampi an sanh lengmang.

⁴²Khi lioah khan a si a fakmi nuhmei pakhat a ra ve i pia hra tluk a man a simi dar tangka pahnih a sanh ve.

⁴³Jesuh nih khan a zultu kha a kawh hna i, “Hi a si a fakmi nuhmeinu nih hin tangka kuang ah midang vialte nakin tam bik a sanh.

⁴⁴Zeicahtiah a dang nih cun an ngeih hlei kha an sanh, sihmanhsehlaw hi nu hi cu sifak ngai a si ko nain a ngeihmi vialte kha a sanh dih § a nunnak ca i a hman dingmi kha a thawh dih,” tiah a ti.