Read Hakha Chin MARKA 16 Bible Online

MARKA 16 - Hakha Chin bible

MARKA 16

¹Sabbath ni kha a dih tikah Mary Magdalin le Jeim nu Mary le Salome nih khan Jesuh ruak thuh awk caah cun zihmui kha an i cawk.

²Zarhpi Ni zingkate, nichuah kate ah khin, thlan ah cun an va kal.

³Lam ah cun pakhat le pakhat kha. “Thlan khar lung kha ahodah a kan thawnpiak te lai,” tiah an i ceih.

⁴(A khar cu lung nganpi a si). Cun an hun zoh i lung kha a rak i thawn cang.

⁵Cucaah thlan chungah cun an lut i puan rang aa aih i orhlei kam i a rak òhumi tlangval pakhat an hmuh i an lau ngaingai.

⁶Cu pa nih cun, “Nan thinphang hlah u. Vailam ah an tahmi Jesuh, Nazareth khua mi kha nan kawl ti kha ka hngalh. Sihmanhsehlaw hika ah hin a um ti lo § a tho cang! An vuinak hmun hi zoh hmanh u.

⁷Cucaah cun va kal u law a zultu hna kha le Peter kha, ‘Amah nih an chimh hna bantuk te khan nan hlanah Galilee ah a kal i cuka ah cun nan va hmuh lai,’ a ti tiah va chim hna u,” tiah a ti.

⁸Cucaah an chuak i an thin a phang i an ning a òih caah thlan cun an le. An thin a lau tuk caah ahohmanh an chim hna lo.[3] [

⁹Jesuh cu thihnak in a thawh hnuah Zarhpi ni zingkate ah khan Mary Magdalin sinah khan a lang hmasa bik. Cu nu cu a chungin khuachia pasarih a chuahpiakmi nu kha a si.

¹⁰Mary cu a kal i a hawile kha a chimh hna. An ngaih a chia, an rak òap i,

¹¹Jesuh cu a nung i ka hmuh, tiah a chimh hna tikah khan an zum lo.

¹²Hi hnuah hin zultu pahnih hna cu khuate lei i an kal lioah khan an sinah Jesuh cu a lang.

¹³An kir i a dang kha an chimh hna, sihmanhsehlaw an zum hna lo.

¹⁴A hmanung bik ah Jesuh cu a zultu pahleikhat hna sinah khan rawl an ei lioah a lang. Zumhnak an ngeih lo ruang le a nung in a hmumi hna chimmi kha an zumh khawh lo ruangah a sik hna.[4]

¹⁵A thawh hna i, “Vawlei cung khuazakip ah va kal u law miphun kip kha thawngòhabia va chim hna u.

¹⁶A zum i tipilnak a ingmi paoh nih khamhnak an hmuh lai, a zum lomi paoh nih sual phawtnak an hmuh lai.

¹⁷A zummi pawl cu hi òhawnnak hmelchuhnak hi pek an si lai: ka min in khuachia an òhawl khawh hna lai, holh theih loin an holh lai,

¹⁸rul kha an tlaih hna i sivai an din zongah zeiti hmanh in an um lai lo; mizaw cungah an kut an chuan lai i an dam lai,” tiah a ti.

¹⁹Jesuh nih bia a ruah dih hna cun vancung ah a kai i Pathian orhlei kamah khan a hung òhu.

²⁰A zultu kha khuazakip ah an kal i thawngòhabia kha an chim; Pathian nih an sinin rian a òuan i an phungchimmi kha ahmaan, tiah òhawnnak hmelchunhnak a pekmi hna thawngin a langhter.] [MARKA THAWNGÒHA DONGHNAK TAWI DEUH Nu hna kha Peter le a hawile sinah khan an va kal i vancungmi nih a rak chimhmi hna kha a tawinak in an chimh hna. Cu hnuah cun Jesuh hrimhrim nih, nichuahlei in nitlaklei tiang, zungzal a hmunmi khamhnak kong bia nung le bia thiang cu a zultu hna thawng khan a thanh.]