Read Hakha Chin MARKA 2 Bible Online

MARKA 2 - Hakha Chin bible

MARKA 2

¹Cu hnu ni tlawmpal ah khan Jesuh cu Kapernaum khua ah khan a ra òhan i a inn ah a um ti thawng kha a thang.

²Cucaah mi cu an ra chuak ciammam i a inn chungah cun a lawnnak pakhat hmanh um loin, innka hmai innleng zong khan an khat dih. Jesuh nih cun Pathian bia kha a chimh hna i

³cu lioah cun mi pali nih a zengmipa pakhat kha an rak zawnh.

⁴Asinain mi an tam tuk caah Jesuh sin kha an phakpi kho lo. Cucaah Jesuh cung zawn inncung kha an baoh i mipa cu a ihphah cung i a ih bu khan an vun thlak.

⁵Jesuh nih an ka bochan hringhran ti kha a hmuh tikah, “Ka fa, na sualnak cu kan ngaihthiam,” tiah mizengpa cu a ti.

⁶Khika i a rak òhu vemi Phungbia saya a cheukhat hna nih cun,

⁷“Zeitindah hitihin, Pathian ralchanh in bia chim a ngamh hnga? Pathian dah ti lo nih aho nih dah sualnak a ngaihthiam khawh?” tiah an lung chungin an ti.

⁸A thli tein an lung chung i an ruahmi cu chikkhatte ah Jesuh nih a hngalh i cucaah cun, “Zeicahdah cu bantuk thil cu nan ruah?

⁹Hi mizengpa sinah hin, ‘Na sualnak kan ngaihthiam,’ ti maw a fawi deuh, ‘Tho tuah, na ihphah kha i put law kal,’ ti dah a fawi deuh?

¹⁰Cucaah hmuhsak kan duhmi hna cu, Mi Fapa nih hin vawlei cungah sual ngaihthiamnak nawl a ngei, ti hi a si,” tiah a ti. Cucaah mizengpa cu a thawh i,

¹¹“Tho tuah, na ihphah kha i lak law va òin, kan ti,” tiah a ti.

¹²An dihlak in an zoh ko lioah khan mipa cu a tho i a ihphah cu aa lak i khulrang in a kal. An dihlak in khuaruahhar in ar koin an um i Pathian kha an thangòhat i, “Hi bantuk thil hi zeitikhmanh ah kan hmu bal lo,” tiah an ti.

¹³Jesuh cu Galilee Rili kamah khan a va kal òhan. Mi nih khan an rak fuh i a rak cawnpiak hna.

¹⁴Aa chawhpah ah khan ngunkhuai khawltu pakhat a zung i a rak òhut ko kha a hmuh. Cu pa cu Alfeas fapa Levi kha a si. Jesuh nih cun Levi cu, “Ka zul,” tiah a ti i a tho i a zulh colh.

¹⁵Jesuh cu Levi inn ah cun rawl a hrawng. Ngunkhuai khawltu hna le misual tampi hna nih khan amah cu an zulh i tlawmpal nih khan Jesuh le a zultu hna cu rawl kha an dumpi hna.

¹⁶Phungbia saya a cheukhat, Farasi mi a simi hna nih khan Jesuh cu misual hna le ngunkhuai khawltu hna he rawl a ei kha an hmuh tikah, a zultu kha an thawh hna i, “Zeicahdah ngunkhuai khawltu hna le misual hna he rawl a ei?” an ti.

¹⁷Jesuh nih a theih hna i, “A dammi nih cun sibawi an herh òung lo, a zawmi lawng nih pei an herh ko cu; miding mi hna kawh awkah ka ra lo, misual mi hna kawh awk tu ah ka ra,” tiah a ti hna.

¹⁸Voi khat cu Tipil petu Johan zultu hna le Farasi mi hna cu rawl an ul. Mi cheukhat kha Jesuh sinah khan an ra i. “Zeicahdah na zultu hna hi rawl an ulh lo?” Tipil petu Johan zultu hna le Farasi mi zultu hna nih cun an ulh òung?” an ti.

¹⁹Jesuh nih cun a leh hna i, “Nupi òhit rawldanghnak ah an sawmmi hna cu rawl loin an um hnga, tiah nan ruat maw? Um hlah. Nupi òhitupa kha an sinah a um chung paoh cu rawl loin an um hrimhrim lai lo.

²⁰Sihmanhsehlaw nupi òhitu nih a kaltak hna caan a phan te lai i cu caan a phak tikah cun rawl cu an ul ve te ko lai.

²¹“Angki hlun belhnak ah puanchia thar ahohmanh nih an hmang bal lo. An hman ahcun puanchia thar nih khan a hlunmi cu a thleh chin lai i a pemnak kha a kau chin lai.

²²Cun mitsur hang hriim kha a hlun mi saphaw cua chungah ahohmanh nih an rawn bal lo. An rawn ahcun mitsur hang nih khan saphaw cua cu a pah lai i a mitsur hang he a saphaw cua he an rawk dih lai. Mitsur hang hriim cu saphaw cua a tharmi ah rawn ding a si ko,” tiah a ti.

²³Voi khat cu Jesuh le a zultu hna kha khual an tlawnnak ah sabbath ni ah facang lo kha an tan pah hna. An kalpah ah cun a zultu hna nih khan favui kha an sih pah lengmang hna.

²⁴Cucaah Farasi mi hna nih khan Jesuh cu an thawh i, “Zohhmanh, na zultu hna nih sabbath ni ah an tuahmi hi kan Phung he aa ralchanhmi a si,” an ti.

²⁵Jesuh nih cun a leh hna i, “David le a mi hna nih khan, zeihmanh ei awk an ngeih lo i an rawl a òam tikah khan, zeidah an tuah, ti kha nan rel bal lo maw?

²⁶Abiathar tlangbawi a si lioah pei Pathian inn chungah khan a lut i Pathian hunhmi changreu a ei kha. Cu changreu cu tlangbawi dah ti lo nih cun ahohmanh nih ei phung a si òung lo. Cun pei, a mi hna hmanh kha a pek ve hna kha,” tiah a ti hna.

²⁷Cun Jesuh nih cun, “Sabbath cu minung caah pei ser a si cu, minung cu sabbath caah ser an si òung lo,

²⁸cucaah Mi Fapa cu sabbath Bawi zong a si,” tiah a ti.