Read Hakha Chin MARKA 3 Bible Online

MARKA 3 - Hakha Chin bible

MARKA 3

¹Jesuh cu pumhnak inn ah khan a va kal òhan i cuka ah cun a kut a zengmipa pakhat a rak um.

²Jesuh cu zeitindah sual kan phawt khawh lai ti a bawhmi kha an rak um i cu hna nih cun sabbath ni ah hin aho tal a damter hna lai maw ti kha òha tein an rak ngiat.

³A kut a zengmipa cu Jesuh nih cun a thawh i, “Hmailei ah hin ra chuak tuah,” tiah a ti.

⁴Cun mizapi cu a thawh hna i, “Kan Phung nih sabbath ni ah zeidah tuah a kan onh? Òhatnak nan tuah lai, a ti maw òhat lonak nan tuah lai, a ti dah?” tiah a ti hna. Sihmanhsehlaw bia kaa khat hmanh an chim lo.

⁵Cu tlukin an lung a hah le an palh kha a hmuh hna tikah a thin a hung a ngaih a chia i mipa cu a thawh i, “Na kut kha samh,” a ti. A samh i a dam ai!

⁶Cucaah Farasi mi hna cu pumhnak inn khan an chuak i Herod minung hna he khan zeitindah Jesuh hi kan thah khawh lai, tiah khua an khang.

⁷Jesuh le a zultu hna cu Galilee Rili ah khan an va kal i mi tampi nih an zulh hna. Cu hna cu Galilee ram in, Judea ram in,

⁸Jerusalem khua in, Idumea peng in, Jordan tiva ral ram in, le Tair le Sidon khua pawngkam i a ummi khua hna in a rami an si. Hi hna nih hin Jesuh nih a tuahmi thil kha an theih caah amah an fuhnak cu a si.

⁹Mi cu an tam tuk hringhran i an ka naan sual lai ti kha a phan caah Jesuh nih cun a zultu hna kha lawng pakhat in ka timhpiak tuah u tiah a ti hna.

¹⁰Mi tampi kha a damter hna i a zawmi paoh nih cun amah an tongh khawh nakhnga heh tiah an i zuam.

¹¹Cun khuavang a ngeimi paoh nih amah an hmuh tikah khan a hmaiah cun an tlu, “Pathian Fapa na si,” tiah fak piin an au.

¹²Jesuh nih thlarau òhalo hna cu, aho a si kha, ahohmanh nan chim hna lai lo, tiah fek tein a ti hna.

¹³Cun Jesuh cu tlang cungah a kai i a duhmi kha a kawh hna. A sinah khan an ra i

¹⁴hleihnih kha a rak thim hna i annih cu lamkaltu tiah min a rak sak hna. A thawh hna i, “Ka sin i um awkah kan thim hna. Cun phung chim awkah kan thlah hna lai i

¹⁵khuavang òhawl khawhnak òhawnnak nan ngei lai,” tiah a ti hna.

¹⁶A thimmi hleihnih cu hi hna hi an si: Simon, (Jesuh nih a min ah Peter a sakmi);

¹⁷Zebedi fapa Jeim le Johan, (Jesuh nih hi hna hi Boanerges tiah min a sak hna, a sullam cu Khuari Fa tinak a si);

¹⁸Andru, Filip, Bartholomew, Matthai, Thomas, Alfeas fapa Jeim, Thaddaius le phunòanh Simon le

¹⁹Bawi Jesuh leitu Judas Iskariot kha an si.

²⁰Cun Jesuh cu inn ah a tlung. Mi nih khan a zual in an zual òhan hoi caah Jesuh le a zultu hna cu rawl einak caan hmanh an ngei lo.

²¹Cucu le mi nih, “A hrut cang,” an ti kha a chungle nih an theih tikah, kan va hnuh lai, tiah an i thawh.

²²Phungbia cawnpiaktu saya cheu khat Jerusalem in a rami hna nih khan, “A chungah Beelzebul aa hrolh, Khuavang òhawl khawhnak a petu hi khuachia bawi cu a si,” an ti.

²³Cucaah Jesuh nih mi kha, ka sinah ra u, tiah a ti hna i tahchunhnak bia a chimh hna. A thawh hna i, “Zeitindah Satan nih Satan cu a òhawl khawh lai?

²⁴Ram pakhatkhat cu a bubu in aa òhen i anmah le anmah kha an i doh ahcun, zeitindah cu ram cu a dir khawh lai?

²⁵Innchungkhar khar khat cu a bubu in an i òhen i an i doh ahcun a dir kho lai lo.

²⁶Cu bantukin Satan pennak zong cu a bubu in aa òhen i an i doh ahcun a hmun kho ve lai lo, a dong ko lai.

²⁷“A òhawngmi pa kha a kut le a ke òem hmasat lo ahcun ahohmanh nih an luhhnawh kho in a thil an chut kho lai lo; cu ti òem hnu lawnglawng ah a inn cu an ramh khawh lai.

²⁸“Hihi va philh hlah u. Minung hi an sualnak vialte le thil òhalo an chimmi vialte ngaihthiam khawh an si ko lai,

²⁹sihmanhsehlaw Thiang Thlarau ralchanh in bia òha lo a chimmi cu zeitikhmanh ah ngaihthiam khawh an si lai lo, zeicahtiah zungzal in a hmunmi sualnak kha an tuah cang,” tiah a ti.

³⁰(Jesuh kha, “Thlarau òhalo a chungah aa hrolh,” tiah an ti caah khan Jesuh nih hi bia a chimnak cu a si).

³¹Cun Jesuh a nu le a naule kha an ra. Inn lengah khan an dir i innchung ah cun bia an vun cah.

³²Jesuh cu mizapi nih khan an dum i, “Na nu le na naule kha inn lengah an um i ton an in duh,” tiah an chimh.

³³Jesuh nih cun a leh hna i, “Ahodah ka nu cu a si? Ahodah ka naule cu an si?” tiah a ti hna.

³⁴A pawng i a òhumi kha a zoh hna i, “Zohhmanh u, hika ah hin ka nu le ka naule hna cu an um.

³⁵Zeicahtiah Pathian nih tuah hna seh, tiah, a duhmi thil a tuahmi paoh cu ka nau, ka far le ka nu an si,” tiah a ti.