Read Hakha Chin MARKA 9 Bible Online

MARKA 9 - Hakha Chin bible

MARKA 9

¹Cun a thawh hna i, “Biatak kan chimh hna, hika i a dirmi lakah hin, Pathian pennak a òhawnnak he a rat nan hmuh hlan cu, a thi lo dingmi tlawmpal nan um,” tiah a ti hna.

²Cun ni ruk hnuah Jesuh nih cun Peter le Jeim le Johan kha aa kalpi hna i anmah lawngin tlang sang pakhat ah aa kaipi hna. Annih nih an zoh ko lioah khan a hun i thleng i

³a thilpuan cu a tleu in an tleu i an rang ngaingai; cu tluk rang cun vawlei cung mi ahohmanh nih an su kho lai lo.

⁴Cun zultu pathum hna nih cun Elijah le Moses kha Jesuh he bia an i ruah len ko cu an hmuh hna.

⁵Peter nih cun a hun thawh i Jesuh cu, “Saya, hika kan um hi thil òha a si. Deu pathum in kan sak lai, nang caah pakhat, Moses caah pakhat, Elijah caah pakhat,” tiah a ti.

⁶Peter le a hawile cu an thin a phang tuk hringhran i zeihmanh chim awk an hngal lo.

⁷Minmei a hung zam i a hun zelh hna i minmei chung cun aw pakhat a hung chuak i, “Hihi ka dawtmi ka Fapa a si, a bia kha ngai u,” tiah a ti hna.

⁸Khulrang in an pawngkam cu an zoh i midang ahohmanh an hmu hna lo, Jesuh lawng kha an sinah cun a um ko.

⁹Tlang cungin an òum pah ah khan Jesuh nih, “Mi Fapa hi thihnak in ka thawh hlanah cun nan hmuhmi kha ahohmanh chim hna hlah u,” tiah a ti hna.

¹⁰A nawl cu an zulh, sihmanhsehlaw anmah le anmah cu an i ceih i, “ ‘Thihnak in thawh’ timi hi a sullam zeidah a si ee?” an ti.

¹¹Cun Jesuh cu, “Zeicahdah Phungbia cawnpiaktu saya pawl nih, ‘Elijah a rat hmasa awk a si,’ an ti?” tiah an hal.

¹²Jesuh nih cun, “Zeizong vialte rak timh chung awkah Elijah cu a ra hmasa taktak ko. Asinain, zeicahdah Cathiang nih, Mi Fapa nih temhinnak tampi a huah lai i a hlawt zong hlawt a si lai, tiah a ti hnga?

¹³A chimh cu kan chimh ko hna lai, Elijah cu a ra ko cang i Cathiang nih a chim bantukte khan mi nih an duh bantuk tein a cungah an òuan ko cang,” tiah a leh hna.

¹⁴A zultu dang hna sin kha an va phak tikah, mi tampi an rak um kha an hmuh hna. Phungbia cawnpiaktu saya a cheu khat kha a zultu hna he cun bia an rak i al len ko.

¹⁵Mizapi nih khan Jesuh cu an hmuh cangka in an lau i an va tli i an va don.

¹⁶Jesuh nih a zultu hna cu, “Zeidah nan i al?” tiah a ti hna.

¹⁷Mizapi lak cun pakhat pa nih a hun leh i, “Saya, ka fapa cu khuavang nih a tuah i a holh khawh lo caah na sinah ka ratpi.

¹⁸Khuavang nih a chuahhnawh fate vawlei ah khan a thluk i a buanbara a tawh i a hacang aa rial i a òhom dih. Na zultu kha khuavang òhawl cu ka fial hna nain an òhawl kho lo,” tiah a ti.

¹⁹Cun Jesuh nih cun, “Nan va zum lo hringhran dah! Zei can dah nan sinah hin ka um a herh rih lai? Zei can dah kaan in hna lai? Ngakchiapa cu ratpi u,” tiah a ti hna.

²⁰Cun a sinah cun an ratpi. Khuachia nih khan Jesuh kha a hmuh cangka in ngakchiapa cu mah hngal loin a tuah i vawlei ah a hrilh i heh tiah aa let len i a buanbara zong a tawh dih.

²¹“Hi ti a umnak hi zei can dah a si cang?” tiah Jesuh nih cun a pa kha a hal. “A ngakchiate in,” tiah a pa nih cun a leh.

²²Cun a pa nih cun, “Mei chung hawi hna ah a paih, ti chung hawi hna ah a thlak i voi tampi a thah dengmang tawn. Zei kan ti hnga, na kan bawmh khawh ahcun kan bawm hram ko sawh,” tiah a ti.

²³Jesuh nih, “Na kan bawmh khawh ahcun na ti maw? Asi, zumhnak a ngeimi caah cun zei paoh a si kho ko,” tiah a ti.

²⁴Cun a pa cu a au i, “Ka zumh ko, sihmanhsehlaw a za lo, ka bawm tuah!” tiah a ti.

²⁵Jesuh nih cun zapi nih an naih chin lengmang hna kha a hmuh tikah, thlarau òhalo cu, “A hna zong a chet i a holh zong a holh kho lomi thlarau, ngakchiapa chung khan chuak law a luh zong lut òhan ti hlah, kan ti,” tiah a ti.

²⁶Khuavang nih cun ngakchiapa cu mah hngal loin a vun tuahtak i cun a chuak. Ngakchiapa cu miruak bantuk a si ko, cucaah aho paoh nih, “A thi,” an ti.

²⁷Sihmanhsehlaw Jesuh nih khan ngakchiapa cu a kut in a vun thawh i a hung dir.

²⁸Cun Jesuh cu inn chungah a luh hnuah a zultu hna nih khan a thli tein, “Zeicahdah kannih nih kha khuachia kha kan òhawl khawh lo?” tiah an hal.

²⁹Jesuh nih, “Hi bantuk phun hi cu thlacamnak dah ti lo nih cun zeihmanh nih a òhawl kho lo,” tiah a leh hna.

³⁰Cuka hmun cun an chuak i Galilee ram òol pah thluahmah in an kal. Jesuh nih a zultu pawl kha a cawnpiak lio hna a si caah, a umnak kha ahohmanh nih hngal hna hlah seh ti a duh.

³¹Zeitindah a cawnpiak hna tiah, “Mi Fapa hi mi kut chungah chanh ka si lai i cu hna nih cun an ka thah lai. Sihmanhsehlaw ni thum hnuah ka tho òhan lai,” tiah a ti.

³²Cu cawnpiaknak cu a sullam an hngal lo, sihmanhsehlaw an hal ngam lo.

³³Kapernaum khua kha an phan i inn chung i an luh hnuah, Jesuh nih a zultu hna cu, “Lampi ah khan zeidah nan i al?” tiah a hal hna.

³⁴Lampi i an i almi cu, kan lakah hin ahodah a ngan bik, ti kha a si caah an let ngam lo.

³⁵Jesuh cu a òhu i zultu hleihnih hna cu a auh hna i, “A ngan bik si a duhmi cu nauta bik ah le mi vialte sal ah aa chiah hrimhrim awk a si lai,” tiah a ti hna.

³⁶Ngakchia pakhat kha a lak i an hmaiah a dirter. Ngakchiapa cu a kuh i annih cu,

³⁷“Ka min in hi bantuk ngakchia pakhat khat a cohlangmi paoh cu keimah a ka cohlan a si; cun keimah a ka cohlangmi paoh cu keimah lawng kha a ka cohlan si loin a ka thlahtu zong kha a cohlan a si,” tiah a ti hna.

³⁸Johan nih a thawh i, “Saya, na min in khuachia a òhawlmi pakhat kan hmuh i kan bu chungmi a si lo caah, tuah ti hlah, kan ti,” tiah a chimh.

³⁹Jesuh nih cun, “Tuah ti hlah, ti hlah u, zeicahtiah ka min in khuaruahhar mi thil a tuahmi nih cun ka thang cu a ka chiat kho lai lo.

⁴⁰A kan doh lomi cu a kan bawmmi an si.

⁴¹Nannih cu Messiah zultu nan si ruangah mi nih ti hrai khat zong an in pek hna ahcun, cu hna cu laksawng hmu loin an um hrimhrim lai lo, ti kha va philh hlah u,” tiah a ti hna.

⁴²Keimah a ka zummi, hi ngakchia tete hna lak i pakhat hmanh hi, ka lam in a pialtertu cu, a hngawng ah facang rialnak lung tumpi thlaih i rili chung i thlak kha a caah a òha deuh.

⁴³Cucaah nan kut nih an pialter hna ahcun, tan ko u! Kut pahnih he a mit lomi hell chung i tlak nakin kut loin nunnak chung i luh kha nan caah a òha deuh.

⁴⁴Cuka ah cun an tholung kha an thi ti lo i mei kha a mit ti lo.

⁴⁵Cun nan ke nih an pialter hna ahcun, tan ko u! Ke pahnih he hell chung i tlak nakin ke loin nunnak chung i luh kha nan caah a òha deuh.

⁴⁶Cuka ah cun an tholung kha an thi ti lo i mei kha a mit ti lo.

⁴⁷Cun nan mit nih an pialter hna ahcun khoih ko u! Mit pahnih he hell chung i tlak nakin mit pakhat he lawng Pathian Pennak chung i luh kha nan caah a òha deuh.

⁴⁸Cuka ah cun an tho lung kha an thi ti lo i mei kha a mit ti lo.

⁴⁹“A mi kip kha mei in cite bantukin alter an si lai.

⁵⁰Cite hi a òha. Sihmanhsehlaw a alnak kha a loh ahcun zeitindah na alter òhan khawh ti lai? Nan chungah cite kha i ngeih u law pakhat le pakhat kha i rem tein um u,” tiah a ti.