Read Hakha Chin LUKA 11 Bible Online

LUKA 11 - Hakha Chin bible

LUKA 11

¹Voi khat cu Jesuh kha kaa khat ah thla a cam. A thlacam cu a dih tikah a zultu pakhat nih aa thawh i, “Bawipa, Johan nih a zultu hna a cawnpiak hna bangin kannih zong thlacam kan cawnpiak ve,” tiah a ti.

²Jesuh nih cun, “Hitihin thla cu nan cam awk a si lai: ‘Kan Pa, Na min thiang cu upat si ko seh, Na Pennak cu tlung ko seh.

³Kan herhmi rawl ni fate in kan pe ko.

⁴Kan cung i a sualmi hna kha kan ngaihthiam hna caah Kan sualnak kha kan ngaithiam. Cun a harmi hneksaknak kan phakter hlah,’ nan ti lai,” a ti.

⁵Cun Jesuh nih a zultu cu a thawh hna i, “A biana ah nannih lak i pakhatkhat cu zanòim ah a hawipa inn ah a va kal i, ‘Ka kawi, changreu hlum thum in ka cawi ta ko.

⁶Ka kawipa pakhat khual a tlawng i ka inn ah atute ah khan a ra chuak i pek awk zeihmanh ka ngei lo,’ tiah a va ti.

⁷Cun a hawipa nih cun a inn chung cun, ‘Hna ka hnawh hlah, innka ka hrenh cang i ka fale he kan it cang, nangmah thil pek awkah ka tho kho ti lo,’ a ti.

⁸A si ahcun zeitindah a tuah kun lai? Amah cu na hawi a si ruangah a tho in na herhmi changreu kha an pe lai lo nain ningzak loin na hal peng hrat caah khan, na herhmi paoh cu an pek ko lai.

⁹Cucaah hihi kan chimh hna: Hal u law pek nan si lai; kawl u law nan hmuh lai; king u law innka cu hunpiak nan si lai.

¹⁰Zeicahtiah a halmi paoh cu pek an si lai i a kawlmi paoh nih an hmuh lai, a kingmi paoh cu innkhar kha hunpiak an si lai.

¹¹Nannih hringtu pa hna lakah, nan fale nih nga an in hal hna ah, rul a pemi nan um hnga maw?

¹²Arti an in hal hna ah tah tlangngaikuang nan pe hna hnga maw?

¹³Hi tluk i nan òhalo ko na hin nan fale kha thil òha pek cu nan hngalh ahcun, vancung i a ummi nan Pa nih cun amah kha Thiang Thlarau a halmi cu zeitluk in dah a pek chinchin hna lai,” tiah a ti.

¹⁴Jesuh nih a holh kho lomi khuachia kha a òhawl i cu khuachia cu a chuah tikah mipa cu holh hram aa thawk. Mizapi cu an khuaruah a har ko,

¹⁵sihmanhsehlaw a cheu nih an i thawh i, “Khuachia òhawl khawhnak òhawnnak a petu cu khuachia hna lak i an bawi bik Beelzebul kha a si,” an ti.

¹⁶A dang nih amah kha foih an rak duh ve, cucaah na tuahmi hi Pathian hnatla a si le si lo hngalhnak ah khuaruahharnak pakhat in ser tuah, an ti.

¹⁷Sihmanhsehlaw Jesuh nih an ruahnak kha a hngalh i, “Ram zeihmanh, anmah le anmah aa domi bu ah aa òhen ahcun sau a dir lai lo, anmah le anmah aa domi innchungkhar cu an i òhen.

¹⁸Cucaah Satan pennak zong cu a chungah anmah le anmah aa domi bu an um ahcun zeitindah a dir khawh lai? Nannih nih nan i thawh i Beelzebul nih òhawnnak a pek caah khuachia kha a òhawl khawh hna, nan ka ti.

¹⁹Ka òhawlning hna cu hitihin a si ahcun, nanmah nan zultu hna nih khan tah zeitindah an òhawl kun hna? Nanmah nan zultu hna lila nih pei nan palh diam ti kha an langhter ko cu.

²⁰Beelzebul òhawnnak in khuachia kha ka òhawl hna a si òung lo, Pathian òhawnnak in pei a si deuh cu, cu nih cun Pathian Pennak kha nan sin a phan cang ti kha a langhter.

²¹“A òhawngmipa nih a hriamnam dihlak he a inn kha a ven tikah a ngeihmi thil vialte kha a him tawn.

²²Sihmanhsehlaw amah nakin a òhawng deuhmipa nih a hung doh i a hung tei tikah inn ngeitupa nih aa bochanmi hriamnam vialte kha aa kalpi dih hna i a firmi thil kha midang a phawt hna.

²³“Keimah a ka òanh lomi cu a ka dohtu an si; pumh a ka bawm lomi cu òhektu an si,” tiah a ti.

²⁴“Thlarau òhalo pakhat kha minung chungin a chuah tikah dinhnak hmun kawl awkah ram rocar chungah khan a kenkip ah aa chawk. A hmuh khawh lo caah khan aa thawh i, ‘Ka chuahtakmi inn ah khan ka kir òhan lai,’ a ti.

²⁵Cucaah a va kir i inn cu thiangte le tlahirhiar tein a rak um ko kha a va hmuh.

²⁶Cun a va chuak i amah nakin a chia chinchinmi thlarau pasarih kha aa ratpi hna i cuka ah cun aa umpi hna. Cucaah a donghnak ah cun kha mipa kha a hramthawk i a sining nakkhan a umtuning a chia deuh,” a ti.

²⁷Jesuh nih hi bia a chim dih tikah hin mizapi lak cun minu pakhat a hung au i, “Nangmah a rak in hring i a rak in cawmtu nu hi zeitluk in dik aa lawmh,” tiah a ti.

²⁸Sihmanhsehlaw Jesuh nih a thawh i, “Pathian bia kha a thei i a ngaimi caah cun zeitluk in dik lunglawmhnak a si chinchin,” tiah a leh.

²⁹Mi nih Jesuh kha an zual lulh ko lioah khan a thawh hna i, “Tuchan mi hi miòhalo an va si hringhran dah. Pathian hnatlaknak a si ti hngalhnak caah khuaruahhar kan hmuhsak tuah, an ti, sihmanhsehlaw Jonah khuaruahharnak kha dah ti lo cu zeihmanh hmelchunhnak pek an si lai lo.

³⁰Profet Jonah cu Nineveh khuami hna caah hmelchunhnak a rak si bantuk khan Mi Fapa zong hi tuchan mi hna caah hin hmelchunhnak a si ve lai.

³¹Biaceih Ni ah cun Chimlei Siangpahrangnu kha a dir te lai i atu chan mi hna hi sual a phawt te hna lai, zeicahtiah Solomon fimnak bia ngaih duh ah khan anih cu lamhla piin a ra i asinain hika ah hin Solomon nakin a ngan deuhmi a um ko òung.

³²Biaceih Ni ah cun Nineveh khuami cu an dir lai i nannih kha sual an in phawt hna lai, zeicahtiah annih cu Jonah bia chimmi an theih tikah khan an ziaza an i thleng, asinain hika ah hin Jonah nakin a ngan deuhmi a um ko òung,” tiah a ti.

³³Ahohmanh nih meiinn a van tikah a thuh in a thup bal lo, kho zong a khuh bal lo, sihmanhsehlaw mei vannak tu ah khan a van i mi an rung luh tikah khua an hmu kho.

³⁴Nan mit cu nan pum caah meiinn bantuk a si; nan mit a fian tikah nan pum cu ceunak in a khat, sihmanhsehlaw nan mit a òhat lo tikah nan pum cu a dihlak in muihnak chungah a um.

³⁵Cucaah nan chung i ceunak a ummi cu muihnak a si nakhnga lo i ralring tuah u.

³⁶Cun nan pum cu a dihlak in ceunak in a khah i a zeika zawn hmanh kha muihnak chungah a um lo ahcun, meiinn nih a ceunak in an ceuh hna bantuk khin a ceu lai.

³⁷Bia a chim dih tikah Jesuh cu Farasi mi pakhat nih rawl hrawn a sawm; cucaah a va kal i rawl ei awkah khan a òhu.

³⁸Jesuh nih rawl ei hlanah a kut aa òawl lo kha Farasi mi nih cun a hmuh tikah a khuaruah a har.

³⁹Cucaah Bawipa nih cun amah cu a thawh i, “Nannih Farasi mi nih kheng le hrai kha a lenglei cu nan òawl tawn hna, sihmanhsehlaw a chunglei ah cun hakkauhnak le òhat lonak in nan khat.

⁴⁰Mihrut hna! A lenglei a sertu Pathian nih khan a chunglei zong cu a ser lo maw?

⁴¹Sihmanhsehlaw nan hrai chung le nan kheng chung i a ummi thil kha misifak va pe hna u law nan caah zeizong vialte a thiang ko lai.

⁴²“Farasi mi hna, nan caah òihnung a va si dah! Pathian sinah, tihang òamhnak puòinan tehna, khamhmuai tehna, anthor tehna le a dangdang kha cheu hra ah cheu khat lengmang nan pek ko, sihmanhsehlaw biading le Pathian dawtnak kha nan thlahdorh. A dang kha thlahdorh hlei loin pei hi hna hi nan tuah awk a si cu.

⁴³“Farasi mi hna, nan caah òihnung a va si dah! Pumhnak i òhutdan a dang tein chiahpiakmi i òhut cu nan duh i chawdawrnak hmun i upatnak in kuttlaih cu nan tlaihchan.

⁴⁴Nan caah òihnung a va si dah. Nannih cu hmelchunhnak tuah lomi thlan, a cung i mi nih hngalh loin an kal tawnnak bantuk cu nan si,” a ti.

⁴⁵Phungbia cawnpiaktu saya pakhat nih a hun thawh i, “Saya, hi bantukin na chim tikah hin kannih zong na kan thangchiat a si ve,” tiah a ti.

⁴⁶Jesuh nih cun a leh i, “Nannih Phungbia cawnpiaktu saya hna zong, nan caah òihnung a va si dah! Nanmah nih nan kutdong hmanh in nan tawngh duh òung lomi thilrit kha mi nan khinh hna.

⁴⁷Nan caah òihnung a va si dah. Profet hna caah khan thlan òhaòha nan ser hna, cu profet hna cu nan pu le nan pa hna nih an rak nawnmi hna kha an si.

⁴⁸Cucaah nanmah hrimhrim nih nan pupa hna nih an rak tuahmi nan hnatlakpi hnanak kha nan langhter; annih nih profet kha an nawn hna i nannih nih an thlan kha nan ser hna.

⁴⁹Hi ruangah hin pei Pathian Fimnak nih, ‘Annih cu profet le lamkaltu kha ka thlahhnawh hna lai, a cheu an thah hna lai i a cheu an hrem hna lai’ a ti cu.

⁵⁰Cucaah tuchan mi hna hi vawlei ser hramthawknak in profet an thahmi vialte hna ruangah khan dantat an si lai,

⁵¹Abel an nawnnak thawk in biakòheng le hmunthiang karlak ah an thahmi Zekhariah tiangin. Asi, kan chimh hna, atu chan mi hi, cu mi vialte hna ruangah cun dantat an si lai.

⁵²“Nannih Phungbia cawnpiaktu saya hna, nan caah òihnung a va si dah. Hngalhnak innka hunnak tawh kha nannih nih nan ken, nanmah cu nan lut duh òung lo i luh aa zuammi hna zong kha nan dawnh fawn òung hna,” tiah a ti.

⁵³Cuka hmun in a chuah tikah Phungbia cawnpiaktu saya hna le Farasi mi hna nih khan zeimaw ti tal in kan tlai kho hnga maw tiah thil tampi kongah biarap an chiah i òha tein an bawh;

⁵⁴zei maw ti tal in bia a chim sualmi a um kho in a chim sualmi lila ah cun kan tlai kho hnga maw tiin thil tampi kong ah bia an hal lengmang.