Read Hakha Chin LUKA 17 Bible Online

LUKA 17 - Hakha Chin bible

LUKA 17

¹Jesuh nih a zultu kha a chimh hna i, “Sualnak chungah mi a tlaktertu thil cu an um òheo lai; sihmanhsehlaw cu thil hna a umtertu caah cun òihnung a va si dah!

²Hi ngakchia tete hna lak i pakhat hmanh hi va sualter nakin cu pa cu a hngawng ah facang rialnak lungtumpi i thlaih seh law rilipi chungah hlonh si seh law a caah a òha deuh hnga.

³I ralring ko u. “Na unau nih a sual ahcun va mawhchiat, aa ngaihchih ahcun va ngaithiam.

⁴Ni khat ah na cungah voi sarih a sual i voi sarih ningin, ‘Kaa ngaichih,’ a ti ahcun na ngaihthiam hrimhrim lai,” tiah a ti.

⁵Lamkaltu hna nih khan Bawipa cu, “Kan zumhnak hi nganter deuh tuah,” an ti.

⁶Bawipa nih cun a leh hna i, “Nannih nih anòam ci ngaw zumhnak nan ngeih ahcun, hi thingtheihmung kung hi, ‘Na hram in i phawi law rili ah khin vaa phun,’ nan ti ah nan nawl an ngaih ko hna lai,” tiah a ti.

⁷“Abiana ah sinum pakhat hei ngei u law, cu nan sinum cu lei hei thuang seh law, asiloah, tuu hei khal seh law, lo in inn i a hung tlun tikah, ‘I rianranh law rawl kha ei,’ nan ti lai maw?

⁸Ti hlah. Nan i thawh lai i, ‘Ka zanriah kha hei tim, cun rawl ka ei lio le ka din lioah na angki leng kha i hruk law ka bultawl, cu hnuah cun na ei ve te lai i na din ve te lai,’ nan ti deuh lai.

⁹Na tuah awk a si timi a tuah ruangah sinum nih cun, na tuahmi a òha, tiin lawmhnak hmuh awk a si i mei?

¹⁰Nannih zong cu bantuk cu nan si ve ko, tuah u tiah fialmi rian kha nan tuah dih tikah, ‘Kannih cu sal santlailo kan si, kan tuah awk hnga rian a simi lawng pei kan tuah ko cu,’ va ti u,” tiah a ti hna.

¹¹Jesuh cu Jerusalem khua lei i a kalpah ah khan Samaria le Galilee karlak in a kal.

¹²Khua pakhat chungah hin a va lut i cuka ah cun thinghmuimi pahra an rak um i cu hna nih cun an rak ton. Lamhlatpi khin an dir i,

¹³“Jesuh Bawipa, kan zaangfah tuah,” tiah an au.

¹⁴Jesuh nih cun a hmuh hna i, “Va kal u law tlangbawi nih khan rak in zoh hna seh,” tiah a ti hna. An kalpah cun lampi ah cun an thiang.

¹⁵An lak i pakhat cu ka dam cang ti a hngalh tikah khan a ra kir i Pathian kha fak piin a thangòhat.

¹⁶Jesuh ke hram ah khan vawlei ah a bawk i Jesuh cu a lawmh. Cu pa cu Samaria mi a si.

¹⁷Jesuh nih aa thawh i, “An pahra ningin an dam lo maw? Pakua tah khuazei ah dah an si kun?

¹⁸Annih zong ra kir in Pathian kha an thangòhat kho lo maw? Hi ramdang mipa lawng hi maw a ra kho?” tiah a ti.

¹⁹Cun Jesuh nih amah cu a thawh i, “Tho law kal tuah; na zumhnak nih an damter cang,” tiah a ti.

²⁰Farasi mi a cheu nih Jesuh cu, zeitik ah dah Pathian Pennak cu a tlun lai, tiah an hal. Anih nih a leh hna i, “Pathian Pennak cu hmuh awkin a ra lo.

²¹Ahohmanh nih, ‘Zohhmanh, hika ah a um hih, khika ah a um khih,’ an ti kho lo; zeicahtiah Pathian Pennak cu nan chungah pei a um cu,” tiah a ti hna.

²²Cun a zultu kha a thawh hna i, “Nannih nih, Mi Fapa ni kha hmuh kan hei duh dah, nan ti caan a phan te lai; sihmanhsehlaw nan hmu lai lo.

²³‘Khika lei khi zohhmanh u, hika lei hi zohhmanh u,’ tiah aan timi hna an um lai. Sihmanhsehlaw cu zoh awkah cun va chuak hlah u.

²⁴Nimtlau cu vankam khattelei kam in khattelei kamah a lek i van cu a ceuh bantuk khin Mi Fapa cu amah ni ah cun a si ve lai.

²⁵Sihmanhsehlaw a intuar hmasat le tu chan mi hna nih an hlawt hmasa kha a herh lai.

²⁶Noah chan ah a rak si bantuk khan Mi Fapa chan zongah a si ve lai.

²⁷Noah nih lawng chungah a luh i buanchukcho kha a tlun i an thih dih ni tiang hrimhrim kha, an ei an ding an i òhi an i um ko.

²⁸Lot chan i a rak si bantuk khan a si ve lai. An ei, an ding, an i caw an i zuarh, thlaici an cing, inn an sa.

²⁹Lot cu Sodom in a chuah ni ah khan mei le kat cu vancung in a rung sur i a thah dih hna.

³⁰Cuticun Mi Fapa a langh ni ah cun a si ve lai.

³¹“A inn cung i a ummipa cu a inn chung i a ummi thil lak awkah òum hlah seh; cu bantuk òhiamòhiam in lo i a ummipa cu inn ah tlung hlah seh.

³²Lot nupi kha va philh hlah u.

³³Amah nunnak khamh aa zuammi cu a nunnak cu a sung lai; a nunnak a sungmi nih cun a nunnak cu a khamh lai.

³⁴Hihi kan chimh hna: cu zan ah cun mi pahnih ihkhun pakhat ah a rak itmi an um lai, pakhat cu lak a si lai i pakhat cu nganhtak a si lai.

³⁵Nu pahnih kha fang an su òi lai, pakhat cu lak a si lai i pakhat cu chiahtak a si lai.

³⁶Pa pahnih lo ah rian a òuanmi an um lai, pakhat lak a si lai i pakhat cu chiahtak a si lai,” tiah a ti.

³⁷Amah cu a zultu nih cun, “Bawipa, khuazei ah dah?” tiah an hal i, “Saruak umnak ah langta an i pum tawn,” tiah a leh hna.