Read Hakha Chin LUKA 6 Bible Online

LUKA 6 - Hakha Chin bible

LUKA 6

¹Voi khat cu Sabbath ni ah hin Jesuh cu khual a tlawng i changvut lo kha a palpah hna. A zultu hna nih khan changvut vui cu an sihpah hna i an kut in an hnuai hna i a fang kha an ei hna.

²Farasi mi a cheukhat nih an i thawh i, “Zeicahdah kan Phung nih Sabbath ni ah nan tuah kho lo a timi nan tuah?” an ti.

³Jesuh nih cun a leh hna i. “David le a hawile kha an rawl a òam tikah zeidah David nih a tuah; ti kha nan rel bal lo maw?

⁴Pathian inn chungah pei a lut i Pathian hunhmi changreu kha a lak i a ei i a hawile zong a pek hna kha. Khati a tuahmi kha kan Phung he aa ralchanhmi a si òung, zeicahtiah cu changreu cu tlangbawi lawnglawng nih pei ei phung a si kha,” tiah a ti hlei ah,

⁵“Mi Fapa hi Sabbath Bawi pei a si cu,” tiah a ti hna.

⁶Sabbath ni dang pakhat ah khan Jesuh cu pumhnak inn ah a lut i a cawnpiak hna. Cuka ah cun a orhlei kut a zengmipa a rak um.

⁷Phungbia cawnpiaktu saya hna le Farasi mi a cheu khat hna nih khan Jesuh cu thil òhalo a tuah tiah zeitindah sual kan phawt khawh lai ti kha an kawl; cucaah cun sabbath ni ah hin aho tal a damter hna lai maw, tiah òha tein an ngiat.

⁸Sihmanhsehlaw Jesuh nih an ruahnak kha a hngalh i a kut a zengmipa cu a thawh i, “Dir law hmaiah hin ra chuak tuah,” tiah a ti. Mipa cu a tho i a dir.

⁹Cun Jesuh nih annih cu a thawh hna i. “Bia kan hal hna: kan Phung nih sabbath ni ah zei tuah dah a kan onh? Òhatnak tuah maw òhat lonak tuah dah? Mi nunnak khamh maw mi nunnak hrawh dah?” tiah a ti.

¹⁰Annih cu a mit in a zoh duahmah hna i, cu hnuah mipa kha a thawh i, “Na kut kha samh,” tiah a ti. A kut cu a samh i a dam.

¹¹Sihmanhsehlaw annih cu an thin a khenh hna i Jesuh hi zeitindah kan hrawh khawh lai ti kha an i ceih.

¹²Cu caan lioah cun ni khat cu tlang cungah thlacam awkah a kal i zan khuadei Pathian sinah thla a cam.

¹³Khua a dei tikah a zultu kha a kawh hna i hleihnih a thim hna i lamkaltu tiah a ti hna.

¹⁴An min cu hihi an si: Simon (Peter ti zongah timi) le a nau Andru; Jeim le Johan, Filip le Bartholomew,

¹⁵Matthai le Thomas, Alfeas fapa Jeim le phunòanh tiah an kawhmi Simon,

¹⁶Jeim fapa Judas le rawitu ah a cangmi Judas Iskariot.

¹⁷Tlang cung cun an sinah a rung òum hnuah Jesuh cu hmunrawn pakhat ah a zultu mi tampi hna sinah khan a dir. Cuka ah cun mi tampi an um i cu hna cu Judea ram khuazakip le Jerusalem khua le rilikam khua a simi Tair le Sidon khua in a rami an si;

¹⁸annih an ratnak cu a bia theih duh le an zawtnak damnak hmuh duh ah a si. Thlarau òhalo nih awlok a chonhmi hna zong kha an ra i a damter hna.

¹⁹A chungin òhawnnak kha a chuah caah mi nih cun an dihlak in amah tawngh kha an i zuam i an dihlak in a damter hna.

²⁰Jesuh nih a zultu kha a zoh hna i a thawh hna i, “Nannih sifakmi hna i lawm u, Pathian Pennak cu nanmah ta a si.

²¹Nannih atu i rawl a òammi hna i lawm u, Nan paw a khim lai. Nannih atu i a òapmi hna i lawm u, Nan ni lai.

²²Mi Fapa ruangah mi nih an in huat hna i an in hlawt hna i an in serhsat hna i miòhalo an in ti hna tikah i lawm ko u.

²³Cu ni ah cun i lawm u law a lam in lam u, zeicahtiah nan caah vancung ah laksawng nganpi chiahpiak nan si. Cu bantuk te cun pei an pupa hna nih khan profet hna kha an rak tuah hna cu.

²⁴“Sihmanhsehlaw nannih atu i a rummi, nan caah cun ngaihchia a va si dah! Nan nun nuamhnak kha nan hmuh cang.

²⁵Atu i a paw a khimmi nan caah cun ngaihchia a va si dah! Rawlòam in nan vak lai. Atu i a ni lengmangmi nan caah cun ngaihchia a va si dah! Ngaihchia in nan òap lai!

²⁶Mi vialte nih, an in chimthiam hna tikah nan caah ngaihchia a va si dah; zeicahtiah cuti te cun pei an pupa hna nih khan nal profet kha an rak ti hna cu,” a ti.

²⁷“Nannih ka bia a theimi hna, nan ral kha va daw hna u, an huatu hna cungah khan òhatnak va tuah u,

²⁸chiat an serhtu hna kha thla va campiak hna u.

²⁹Mi pakhatkhat nih na bel ah an bengh ahcun khattelei bel zong i chit rih; pakhatkhat nih na angkileng an chuh ahcun na angki chungnawh zong va pe rih.

³⁰Thil zeimaw an halmi paohpaoh kha va pe hna, cun mi pakhatkhat nih na ta a simi kha aa lak ahcun va hal òhan ti hlah.

³¹Ka tuahpiak hna seh ti na duhmi kha mi va tuahpiak hna.

³²“Nangmah an dawmi lawng kha na dawt hna ahcun zeicahdah thluachuah hmuh cu naa ruah? Misual mi hmanh nih anmah a dawtu hna cu an dawt ve ko òung hna.

³³Cun na cung i òhatnak a tuahmi cung lawng i òhatnak na tuah ve ahcun, zeicahdah thluachuah hmuh cu naa ruahchan? Misual mi hna zong nih misual vemi hna sinah khan an cawihmi hna zat hmuh òhan dingah cun an coih ve ko òung hna.

³⁴

³⁵Cuticun nan tuah awk a si lo. Nan ral kha daw hna u, an cungah khan òhatnak tuah u, chaw kha mi va cawih hna u law ka hmuh òhan lai, tiah ruahchannak ngei hlah u. Laksawng tampi nan hmuh lai i Cung Nung Bik Pathian fa nan si lai, zeicahtiah amah cu miòhalo mi hna le lawmh hmanh a duh lomi hna cung hmanh ah a òha.

³⁶Nan Pa cu mi zaangfah thiam a si bantukin nannih zong mi zaangfah thiammi si ve u,” tiah a ti.

³⁷“Midang kha va soi hna hlah u law nannih zong Pathian nih an soi ve hna lai lo; midang kha sual va phaw hna hlah u law nannih zong Pathian nih sual an phaw ve hna lai lo; midang kha an sualnak va ngaithiam hna u law nannih zong Pathian nih nan sualnak an ngaihthiam ve hna lai.

³⁸Midang kha thil va òhen hna u, nannih zong Pathian nih an òhenh ve hna lai: liam thluahmah in, nan i chap khawh chungin, nan zawi khawh le khawh loin nan kut chungah an thlet hna lai. Midang ca i nan hmanmi tahnak rel kha Pathian nih nanmah ca zongah a hman ve lai,” tiah a ti.

³⁹Cun hi tahchunhnak bia hi Jesuh nih a chimh hna: “Mitcaw nih mitcaw kha lam a òhi kho lai lo, a òhit a si ahcun an pahnih in hor ah an tla lai.

⁴⁰Siangngakchia cu a saya nakin a ngan deuh lo, sihmanhsehlaw siangngakchia nih a cawnnak kha a dih tikah cun a saya bantuk a si lai.

⁴¹“Na mit chung i a ummi thingtan kha ruat òung loin zeicahdah na unau mit i mithnawm pelte a ummi cu zoh na duh?

⁴²Na mit chung i a ummi thingtan cu hmu òung loin zeitindah na unaupa cu, “Ka nau, na mithnawm kha in cawihpiakning,” na ti khawh? Mi depde. Na mit chung i thingtan kha chuah hmasa law pei na unau hna mit chung i a ummi mithnawm hme tete cu na hmuh khawh lai i na cawih khawh lai cu,” tiah a ti.

⁴³“A ngan a dammi thingkung nih thei chia a tlai lo, thingkung òhalo zong nih thei òha a tlai ve lo.

⁴⁴Thingkung paohpaoh cu an theitlai in hngalh khawh an si; hlingbur in theipi nan lo bal lo, theihmung bur in mitsur thei nan lo bal fawn lo.

⁴⁵Miòha nih a lung chung i thil òha a khonmi chung khan òhatnak a chuahter; miòhalo nih a lung chung i thil òhalo a khonmi chung khan chiatnak a chuahter. Zeicahtiah mi nih a kaa in a chimmi hi a lung chung i a khatmi kha a si,” tiah a ti.

⁴⁶“Zeicahdah nannih nih, ‘Bawipa, Bawipa,’ nan ka ti len ko i kan chimhmi hna cu nan tuah òung lo?

⁴⁷Ka sinah a ra i ka bia a ngai i a zulmi cu zei he dah aa lawh ti kha kan hmuhsak hna lai.

⁴⁸Amah cu inn a sami bantuk a si: thuk piin a cawh i a hram kha lungpi cungah a bunh. Tiva cu a hung lian i inn cu a hun den, sihmanhsehlaw fek tein sak a rak si caah a hninh in a hnin kho lo.

⁴⁹Sihmanhsehlaw ka bia a thei i a zul òung lomi cu a hram òha tein ser hmasa loin inn a sa menmi bantuk a si; tilian nih cu inn cu a hun den tikah chikkhatte ah a pur i a tlu ruangmang ko,” a ti.