Read Hakha Chin DEUTERONOMI 19 Bible Online

DEUTERONOMI 19 - Hakha Chin bible

DEUTERONOMI 19

¹“BAWIPA nan Pathian nih an pekmi hna ram a ngeitu miphun hna cu BAWIPA nan Pathian nih a hloh hna i nannih nih nan pawnchuah hna i an khua chung le an inn chungah nan um tikah,

²BAWIPA nan Pathian nih co awkah an pekmi hna ram chungah cun nan caah khua pathum a dang tein nan i chiah lai.

³Lam kha nan sial hna lai i co awkah BAWIPA nan Pathian nih an pekmi hna ram cu hmun thum ah nan cheu lai, khika cu mithattu hna an zaam khawhnak hmun a si lai.

⁴“Cun mithattu nih cuka ah a zaam i a nunnak khamh a si khawh nakhnga, hi bantuk hin a si lai. Mipa pakhatkhat nih a innpa, hlanah i huatnak um loin, a thah sual, §

⁵tahchunhnak ah, mipa pakhat cu a innpa he ramlak ah thinghlam awkah a kal, thing cu hau awkah a kut in hreitlung cu a vun i thlir i a fang cu a haa in a tlong i a innpa pa cu a khen i a thi § cu bantuk mi cu hi bantuk khua pakhatkhat ah a zaam i a nunnak a khamh awk a simi cu a si lai;

⁶cu ti a si lo ahcun, thisen phuhlamtu nih khan thinlinh in a dawi lai i lam kha a hlat caah a phak lai i a thah sual lai; asinain cu pa cu thih awk tlak a si òung lomi a si, zeicahtiah a innpa he khan hlanah zeihmanh huatnak an rak ngei lo.

⁷Cucaah nawl kan pek hna, khua pathum in a dang tein nan chiah lai.

⁸Cun BAWIPA nan Pathian nih nan pupa hna sinah chiat a ser bangin, nan ramri kha a kauhter i nan pupa hna sinah pek awkin bia a kammi ram vialte kha an pek hna tikah, §

⁹BAWIPA nan Pathian kha nan dawt i a lam kha a zungzal in nan zulhnak thawngin, nihin i kan pekmi hna nawlbia vialte hi òha tein nan ulh hna ahcun a si kho lai § khi tikah hi khua pathum ah hin a dang khua pathum nan chap hna lai,

¹⁰zeitintiah BAWIPA nan Pathian nih ro caah an pekmi hna ram chungah hin a sual lomi thi thlet a si sual nakhnga lo le, cu thi thlet mawhnak cu nan cungah a tlak nakhnga lo.

¹¹“Sihmanhsehlaw mipa pakhatkhat nih a innpa kha a huat i a bawh i a tuk i fak piin a hliam i a thih i hi khua pakhatkhat ah a zam ahcun,

¹²khi tikah a khua upa hna nih khan mi an hei thlah hna lai i cuka cun an va lak lai i a thih nakhnga thisen phuhlamtu sinah khan an chanh lai.

¹³Nan mit nih a zaangfah lai lo, sihmanhsehlaw nan caah a òhat nakhnga, Israel chungin a sual lomi thisen mawhnak cu nan thianh lai.

¹⁴“BAWIPA nan Pathian nih co awkah an pekmi hna ram chung i nan co laimi ram chungah a ummi, hlanmi nih an rak chiahmi nan innpa ramri kha nan òhial lai lo.

¹⁵“Mi pakhatkhat cu tuahnak òhalo kongah siseh, nawl buarnak a tuahmi he aa tlaimi sualnak kongah siseh, biahngaltu pakhat lawng cu a za lai lo; biahngaltu pahnih maw pathum hna nih an chimnak lawngin sualpuhnak cu fehter a si lai.

¹⁶Huatnak lungthin a pawimi biahngaltu pakhatkhat nih mi pakhatkhat cu òhat lo tuah a puh ahcun,

¹⁷taza aa cuaimi cu an phu hnih in BAWIPA hmaiah an chuak lai, khi caan i rian a òuanmi tlangbawi hna le biaceihtu hna hmaiah cun;

¹⁸biaceihtu hna nih cun fel tein an hlat lai i biahngaltu cu biahngaltu dinglo a si i a unau kha dinglo piin a puh a si ahcun,

¹⁹a unau cung i tuah a rak i tinhmi bantuk khan a cungah nan tuah lai; cuticun nan lakin òhat lonak cu nan thianh lai.

²⁰Cun a taangmi nih an theih lai i an òih lai i nannih lakah cu bantuk òhat lonak cu zeitikhmanh ah an tuah ti lai lo.

²¹Nan mit nih a zaangfah awk a si lai lo; nunnak caah nunnak, mit caah mit, ha caah ha, kut caah kut, ke caah ke, a si ko lai.