Read Hakha Chin DEUTERONOMI 30 Bible Online

DEUTERONOMI 30 - Hakha Chin bible

DEUTERONOMI 30

¹“Cun mah thil vialte, thluachuahnak le chiatnak hna, nan hmaiah ka chiahmi hna hi nan cungah a tlun i, BAWIPA nan Pathian nih an dawi hnanak miphun vialte hna lakah cucu nan hun hngalh òhan hna i,

²BAWIPA nan Pathian sinah nanmah he nan fale hna he nan kir òhan i nihin ah kan pekmi hna vialte chungah nan lung dihlak le nan ruahnak dihlak in a aw nan ngaih tikah,

³khi tikah BAWIPA nan Pathian nih khan nan van kha an pek òhan hna lai i nan cungah zaangfahnak a ngei lai i BAWIPA nan Pathian nih an òheknak hna mi vialte sin khan an pumh òhan hna lai.

⁴Nan lakin chuahmi hna kha vanhramdeng bik i an um hmanh ah, khika khin BAWIPA nan Pathian nih an pumh hna lai i khika khin an ratpi hna lai.

⁵Nannih nih nan co nakhnga, BAWIPA nan Pathian nih nan pupa hna i an rak comi ram chungah khan an luhpi hna lai i nan pupa hna nakin rum deuh le tam deuh ah an ser hna lai.

⁶BAWIPA nan Pathian cu nan lung dihlak le nan ruahnak dihlak in nan dawt i nan nun nakhnga, BAWIPA nan Pathian nih nanmah lung le nan tefa hna lung cuarpar cu an tan hna lai.

⁷Cun BAWIPA nan Pathian nih hi chiatnak vialte cu nanmah an hremtu hna nanmah dohtu hna le nan ral hna cungah a tlunter lai.

⁸Cun BAWIPA aw kha nan ngaih òhan lai i nihin ah kan pekmi hna a nawlbia vialte cu nan ulh hna lai.

⁹BAWIPA nih nan pupa hna kha a rak lawmh hna bangin, nannih rumter awk kha a duh òhan lai caah, BAWIPA nan Pathian nih nan kut rian vialte le, nan pum theitlai le, nan saòil karhnak le nan vawlei theitlai ah tam piin an rumter hna lai;

¹⁰hi nawlbia cauk chungah aa òialmi a phungbia le a nawlbia hna kha ulh awkah nannih nih BAWIPA nan Pathian aw kha nan ngaih i BAWIPA nan Pathian lei ah nan lung dihlak le nan ruahnak dihlak in nan i mer paohpaoh ahcun, an rumter hna lai.

¹¹“Zeitintiah nihin ah kan pekmi hna nawlbia hi nan caah a har tukmi le nan phak leng a si lo.

¹²‘Kannih nih kan theih i kan tuah khawh nakhnga, ahodah kan caah van ah khin a hung kai lai i kan sinah a run òumpi lai,’ tiah nan ti awkin van ah khin a um lo.

¹³‘Kannih nih kan theih i kan tuah khawh nakhnga, ahodah kan caah rili lengah a kal in kan sinah a ratpi lai,’ tiah nan ti awkin rili lengah khin a um fawn lo.

¹⁴Sihmanhsehlaw bia cu nan pawngte ah a um ko; nan kaa chung le nan lung chungah a um, cucaah nan tuah khawh ko.

¹⁵“Zohhmanh, nihin ah nannih hmaiah nunnak le òhatnak, thihnak le vanchiatnak kha ka chiah.

¹⁶Nihin ah kan pekmi hna BAWIPA nan Pathian i a nawlbia cu, BAWIPA nan Pathian kha dawtnak in le a lam zulhnak in le a nawlbia le a phungbia le a phunglam hna kha zulhnak in nan ngaih ahcun, nan nung lai i nan karh lai, cun co awkah nan luhhnawhmi ram ah nan luh tikah BAWIPA nan Pathian nih cu ram ah cun thluachuahnak an pek hna lai.

¹⁷Sihmanhsehlaw nan lung aa mer i nan theih duh lo i pathian dang hna kha biak awk le an rianòuan awkah an in hruai khawh hna ahcun,

¹⁸nannih cu nan rawk lai; luhhnawh awk le co awk caah Jordan tiva nan tanhnawhmi ram chungah sau nan nung lai lo, tiah nihin ah kan thanh hna.

¹⁹Nannih hmaiah nunnak le thihnak, thluachuahnak le chiatserhnak ka chiah kha a hngaltu ah nihin ah van le vawlei kha ka kawh hna. Cucaah nunnak kha i thim tuah u, nanmah le nan tefa hna nih nan nun nakhnga §

²⁰BAWIPA nan Pathian kha daw u law, a aw kha ngai u law, amah leiah i bek tuah u, zeitintiah mah cucu nannih caah nunnak le nunsau a si, BAWIPA nih nan pupa Abraham, Isak le Jakob sinah pek awkin chiat a sermi ram chungah khan nan um nakhnga, nunnak kha i thim deuh u,” tiah a ti.