Read Hakha Chin DEUTERONOMI 34 Bible Online

DEUTERONOMI 34 - Hakha Chin bible

DEUTERONOMI 34

¹Cun Moses cu Moab nelrawn in Jeriko zawn i a ummi Nebo tlang, Pisgah tlangpar ah cun, a hung kai. Cun BAWIPA nih ram vialte cu a hmuhsak, Gilead ram cu Dan tiangin,

²Naftali a dihlak, Efraim le Manasseh ram, Judah ram vialte Nitlaklei Rili tiangin,

³Negeb ram, cun Nelrawn § ungkung khua Jeriko nelrawn timi cu § Zoar tiangin.

⁴Cun BAWIPA nih a chawnh i, “Mah hi ram hi Abraham, Isak le Jakob sinah, ‘Nan tefa hna sinah ka pek lai,’ tiin chiat ka sermi ram a si. Na mit cun kan hmuhter, sihmanhsehlaw khika ah cun na kal lai lo,” tiah a ti.

⁵Cu bangin BAWIPA sal Moses cu BAWIPA bia ningin Moab ram chungah a thi i,

⁶Bethpeor ral, Moab ram chung nelrawn ah BAWIPA nih a vui; sihmanhsehlaw a vuinak hmun cu nihin ni tiang ahohmanh nih an hngal lo.

⁷Moses cu a thih ah, kum za le kum kul a si; a mit a mui lo i a thazang zong a òum lo.

⁸Cun Israel mi nih Moses cu Moab nelrawn ah ni sawm thum an òah; cun Moses an òahnak ni hna cu a dong.

⁹Cun Nun fapa Joshua cu, Moses nih a cungah a kut a chuan caah, fimnak thlarau in a khat; cucaah Israel mi nih a bia an ngaih i BAWIPA nih Moses nawl a pek bang khan an tuah.

¹⁰Cun cu thawk in Israel mi chungah BAWIPA nih hmaitonh in a hngalhmi profet Moses bantuk an chuak ti lo.

¹¹Izipt ram chung i Faro le a sal vialte hna le a ram dihlak cungah, hmelchunhnak le khuaruahharnak, BAWIPA nih Moses a tuahtermi bantuk le

¹²a òhawngmi lianngannak le a ngan i òih a nungmi thil Moses nih Israel mi hna hmaiah, a tuahmi bantuk a tuah khotu kha midang ahohmanh an um ti lo.