Read Hakha Chin DEUTERONOMI 6 Bible Online

DEUTERONOMI 6 - Hakha Chin bible

DEUTERONOMI 6

¹“Nannih nih co awkah nan kalhnawhmi ram chungah cun nan tuah hna nakhnga, nangmah le na fapa le na fapa fapa nih nan nunchung vialte, nawl kan pekmi hna amah nawlbia vialte le a phungbia vialte hna ulhnak thawngin

²BAWIPA na Pathian cu na òih nakhnga le na chan cu a sau nakhnga, BAWIPA nan Pathian nih nannih kha cawnpiak awkah nawl a ka pekmi nawlbia hna le phunglam hna le phungbia hna cu mah hihi an si.

³Cucaah, maw Israel, BAWIPA na pupa Pathian nih bia an kam bangin, cawhnuk le khuaihliti in a luangmi ram chungah cun, nan i remrel i tam piin nan karh nakhnga, thei tuah law, òha tein zul tuah hna u.

⁴“Thei hmanh, maw Israel: BAWIPA hi kan Pathian a si, BAWIPA lawnglawng hi;

⁵BAWIPA na Pathian cu na lungthin dihlak le na ruahnak dihlak le na òhawnnak dihlak in na dawt lai.

⁶Cun nihin ah kan pekmi bia hi na lung chungah na riahter lai i

⁷na fale kha fel tein na cawnpiak hna lai i, na inn chung i na òhut ah siseh, lam i na kal ah siseh, na ih ah siseh, na thawh ah siseh, na chim lengmang hna lai.

⁸Cun na kut ah chingchiahnak caah na òem chih hna lai i na mit le na mit karah hmelchunhnak caah an si lai.

⁹Cun na inn i innka tung hna le na kutka hna cungah na òial hna lai.

¹⁰“Cun na pupa hna Abraham, Isak le Jakob sinah BAWIPA na Pathian nih pek awkah chiat a sermi ram cu § nangmah nih na sakmi a si lomi khua nganngan le khua òhaòha hna le,

¹¹nangmah nih na rawnmi a si lomi thil òhaòha in a khatmi inn hna le, nangmah nih na huahmi a si lomi tikhor hna le, nangmah cinmi a si lomi mitsur dum hna le oliv thing hna, chungah an luhpi i na ei i na khim tikah,

¹²khi tikah Izipt ram, sal cannak inn a simi chung khan, an chuahpitu BAWIPA kha na philh sual nakhnga lo, i ralring tuah.

¹³BAWIPA na Pathian cu na òih lai; na biak lai i a min lawngin chiat na ser lai.

¹⁴Nan kiangkap ah a ummi hna an pathian, pathian dang hna cu, nan zul hna lai lo,

¹⁵zeitintiah nannih lakah a ummi BAWIPA nan Pathian cu Pathian nahchuak a si i BAWIPA nan Pathian thinhunnak cu a alh i vawlei cungin nannih cu an hrawh sual hna nakhnga lo, nan zul hna lai lo.

¹⁶“Massah ah nan rak hneksak bang khan, BAWIPA nan Pathian cu hneksak nan del lai lo.

¹⁷BAWIPA nan Pathian nawlbia le biahngalhternak hna le a phunglam hna, an pekmi hna cu, fel tein nan ulh lai.

¹⁸BAWIPA nih nan pupa hna sinah pek awkin chiat a ser i nan hmaiah nan ral vialte a dawi dih hnanak ram òha cu, BAWIPA nih bia a kam bangin, nan luh i nan co nakhnga le nanmah caah aa remrel nakhnga, BAWIPA hmai i a dik le a òha cu tuah tuah u.

²⁰“Hmailei caan ah na fapa nih, ‘Hngalhternak bia hna le nawlbia hna le phunglam hna, BAWIPA kan Pathian nih an pekmi hi a sullam zeidah a si?’ tiah an hal tikah,

²¹khi tikah na fapa sinah cun, ‘Kannih cu Izipt ram ah Faro sal kan rak si i BAWIPA nih Izipt ram chung cun a òhawngmi kut in a kan chuahpi;

²²BAWIPA nih cun a ngan le òih a nungmi hmelchunhnak le khuaruahharnak hna cu Izipt le Faro le a innchungkhar vialte cungah kan mithmuh ah a langhter hna i,

²³kan pupa hna sinah pek awkin chiat a sermi ram chungah cun a kan luhpi i a kan pek colh nakhnga, khika in a kan chuahpi.

²⁴Cun kannih cu, nihin i a si bang hin, nungdam in a kan zuah nakhnga, BAWIPA nih hi nawlbia vialte cu tuah awkah, BAWIPA kan Pathian cu òih awkah nawl a kan pek, kan ca òhatnak caah a si zungzal.

²⁵Nawl a kan pek bangin BAWIPA kan Pathian hmaiah hi nawlbia vialte cu òha tein kan tuah ahcun kannih caah dinnak a si lai,’ tiah na ti lai.