Read Hakha Chin JOHAN 1 Bible Online

JOHAN 1 - Hakha Chin bible

JOHAN 1

¹Vawlei hi ser a rak si hlanah Bia cu a rak um cang; cu Bia cu Pathian sinah a rak um i cu Bia cu Pathian a si.

²A hramthawk tein Bia cu Pathian he cun an um òi.

³Pathian nih zeizong vialte hi cu Bia thawng cun a ser hna i Bia thawng loin sermi zeihmanh an um lo.

⁴Bia cu nunnak hram a si i cu nunnak nih cun minung kha ceunak a pek hna.

⁵Ceunak cu mui lakah khan a ceu i muihnak nih khan zeitikhmanh ah a hmit bal lo.

⁶Pathian nih a lamkaltu Johan kha a run thlah i

⁷Johan nih cun mi kha ceunak kong cu a chimh hna. Mi vialte nih cu kong cu an theih i an zumh nakhnga annih chimh awk i a rat cu a si.

⁸Amah cu ceunak cu a si lo, ceunak kong chim i a rami tu kha a si.

⁹Ceunak taktak cu vawlei cungah a ra i mi vialte a ceuhtu ceunak kha a si.

¹⁰Cu caan ah cun Bia cu vawlei ah hin a rak um ko. Amah thawngin Pathian nih vawlei hi a rak ser; sihmanhsehlaw vawlei nih khan amah cu a rak hngal lo.

¹¹Amah ram a simi ah khan a ra nain, amah mi ciacia nih khan an rak cohlang duh lo.

¹²Asinain tlawmpal nih cun an rak cohlan i an rak zumh i cu hna cu Pathian fa cannak nawl kha a pek hna.

¹³Pathian fa an can cu minung phung ningin a si lo; vawlei cung i hrinsor ningin a si lo, Pathian hrimhrim kha an Pa cu a si.

¹⁴Bia cu minung ah a cang i kan lakah khua a rung sa. A sunparnak cu kan hun hmuh i vel le biatak in a khat. Cu sunparnak cu Pa nih a Fapa ngeihchunte lawnglawng a pekmi sunparnak phun kha a si.

¹⁵Johan nih amah kong cu a rak chim i, “ ‘Amah cu ka hnu in a rami a si, sihmanhsehlaw ka chuah hlan in a rak um cangmi a si caah keimah nakin a ngan deuh,’ tiah ka rak in chimhmi hna kha amah hi a si,” tiah a au.

¹⁶A liam in a liammi a vel chung cun thluachuahnak kha pakhat hnu pakhat a kan pek lengmang.

¹⁷Pathian nih Phungbia cu Moses thawng khan a kan pek, sihmanhsehlaw vel le biatak cu Jesuh Khrih thawng khan a ra.

¹⁸Ahohmanh nih Pathian cu an hmu bal lo; sihmanhsehlaw Pathian Fapa bel nih Pathian cu mi kha a hngalhter hna. Cu Fapa cu Pathian Fapa ngeihchun, a Pa òang chung i aa pommi kha a si.

¹⁹Jerusalem khua Judah upa hna nih tlangbawi hna le Levi mi hna cu Johan sinah khan an hei thlah hna i, “Ahodah na si?” tiah an va hal.

²⁰Johan nih cun pheh lo tein, “Kei cu Messiah cu ka si lo,” tiah langhngan te le fiang tein a rak chimh hna.

²¹Cun annih nih cun, “Ahodah na si kun? Elijah tah na si maw?” tiah an hal. Johan nih cun, “Ka si lo,” tiah a leh hna. Annih nih, “Profet cu tah na si maw?” an ti. Anih nih, “Ka si lo,” tiah a ti hna.

²²“Ahodah na si kha kan chim kun, zeicahtiah a kan fialtu hna kha bialehnak kan hei phorh hna awk a herh. Cucaah cun aho ka si, ti ah dah naa ti?” an ti.

²³Johan nih cun a thawh hna i, “Kei cu, Profet Isaiah nih, ‘Bawipa kalnak caah lam kha ding tein rak ser u,’ tiah thetse ram ah a aumi aw, a timi kha ka si,” tiah a ti hna.

²⁴An thlahmi hna lak i aa tel vemi Farasi mi hna nih khan,

²⁵“Nangmah cu Messiah zong na si lo, Elijah zong na si lo, profet zong cu na si fawn òung lo ahcun, zeicahdah tipilnak kha na pek len kun hna?” an ti.

²⁶Johan nih cun, “Kei nih cun ti in tipilnak kan pek hna, sihmanhsehlaw nan lakah hin nan hngalh lomi,

²⁷ka hnu in a ra dingmi cu a um ko. Kei hoi hna cu a kedan hri phoihtu hmanh ah kaa tlak lo,” tiah a leh hna.

²⁸Hitihin bia an i halnak hmun cu Jordan tiva nichuahlei kam i a ummi Bethani khua, Johan nih tipil a pek hnanak ah khan a si.

²⁹A thaizing ah Johan nih cun Jesuh cu a sin i a rat kha a rak hmuh i, “Zohhmanh u, Pathian Tuufa, vawlei sualnak a kalpitu khi!

³⁰Amah hi pei, ‘Ka hnu in mipa pakhat a ra lai, sihmanhsehlaw amah cu keimah nakin a ngan deuhmi a si, zeicahtiah ka chuah hlan in amah cu a rak um cang,’ tiah ka rak chimmi kha a si cu.

³¹Amah cu ahodah a si lai ti kha ka hngal lo, sihmanhsehlaw ti in tipilnak ka rak pek lengmang hna cu amah kha Israel mi nih an hngalh khawh nakhnga caah a si,” tiah a ti.

³²Cun Johan nih cun, “Vancung in Thlarau cu òhuro bantukin a rung òum i a cung i aa fut kha ka hmuh.

³³Amah cu ka rak hngal òhiamòhiam lo, sihmanhsehlaw ti in tipilnak va pe hna tiah a ka thlahtu nih khan, ‘Mi pakhatkhat cungah Thiang Thlarau kha a rung òum i aa fut kha na hmuh tikah, cu pa cu Thiang thlarau in tipilnak a petu hna ding cu a si ti kha na hngalh lai,’ a ka ti.

³⁴Cucu keimah hrimhrim nih ka hmuh i tehte ka khaan. Amah hi Pathian Fapa cu a si ko,” tiah a ti.

³⁵A thaizing ah Jesuh cu aa chawk i cu lioah cun Johan le a zultu pahnih nih an dirnak khan an hmuh òhan.

³⁶Johan nih cun a hei zoh i, “Pathian Tuufa khi zohhmanh u,” tiah a ti.

³⁷Cu bia a chim cu a zultu pahnih nih khan an theih i Jesuh cu an zulh.

³⁸Jesuh cu a hnulei ah a hun i mer i an zulh kha a hmuh hna tikah, “Zeidah nan kawl?” tiah a hal hna. Annih nih, “Rabbi, khuazei ah dah na um?” tiah an leh. (Rabbi a sullam cu cawnpiaktu saya tinak a si).

³⁹“Ra u law ra zoh tuah ngat u,” tiah a leh ve hna. Cucaah amah sinah khan an kal i a umnak cu an va hmuh, cu ni cu amah sinah cun an cam. (Cu caan cu zanlei suimilam pali hrawng khi a si).

⁴⁰Johan bia a thei i Jesuh sinah a kalmi pahnih hna lak i pakhat cu Simon Peter nau Andru kha a si.

⁴¹Andru nih a tuah hmasa bikmi thil cu a u Simon va kawl kha a si i, “Messiah cu kan hmuh cang,” tiah a ti. (Messiah cu Khrih tinak a si).

⁴²Cun Simon cu Jesuh sinah khan a kalpi. Jesuh nih cun a rak zoh i, “Nangmah cu Johan Fapa Simon na si. Na min cu Sefas a si cang lai,” tiah a ti. (Sefas ti cu Peter ti he khan aa khat i a sullam cu “lungpi” tinak a si).

⁴³A thaizing cu Jesuh cu Galilee ram kal kha aa tim. Filip kha a hei hmuhpah i, “Ka zul,” tiah a ti.

⁴⁴(Filip cu Andru le Peter bantukin Bethsaida khuami kha a si ve).

⁴⁵Filip nih cun Nathanael kha a va hmuh i, “Phungbia cauk chungah a kong Moses nih a òialmi pa, profet hna zong nih a kong an òialmi pa kha kan hmuh cang. Amah cu Josef fapa Jesuh, Nazareth khuami kha a si,” tiah a ti.

⁴⁶Nathanael nih cun a rak i thawh i, “Nazareth khua cun thil òha zeital a chuak kho hnga maw?” tiah a ti. Filip nih cun, “Ra law ra zoh hen aw,” tiah a leh.

⁴⁷Jesuh nih cun Nathanael cu amah lei i a rat kha a rak hmuh i, “Israel mi taktak a simi khi zoh hmanh u; amah khi hlenthawinak lungthin zeihmanh a ngei lomi a si,” tiah a ti.

⁴⁸Nathanael nih cun aa thawh i, “Zeitindah na ka hngalh?” tiah a ti. Jesuh nih cun, “Filip nih an kawh hlanah khan, theipi kung tangah ka rak in hmuh cang,” tiah a leh.

⁴⁹Nathanael nih cun, “Saya, nangmah cu Pathian Fapa na si. Israel mi Siangpahrang na si,” tiah a ti.

⁵⁰Jesuh nih cun, “Theipi kung tang i na um lio kha kan hmuh, ka ti caah cun maw na zumh? Hi nakin a ngan deuh ngaingaimi thil na hmuh len hna lai,” tiah a ti.

⁵¹Cun annih cu a thawh hna i, “Hi biatak hi kan chimh hna: Van kha aa hun i Pathian vancungmi hna cu Mi Fapa cung i an òum le an kai kha nan hmuh lai,” tiah a ti.