Read Hakha Chin JOHAN 10 Bible Online

JOHAN 10 - Hakha Chin bible

JOHAN 10

¹“Biatak kan chimh hna: tuukawm chungah innka in a lut lo i kaa dang in a kaimi cu mifir le damiah an si.

²Innka in a lutmi cu tuu a zohkhenhtu tuukhal kha a si.

³Innka cawngtu nih khan innka cu a rak hunpiak i tuu nih khan a aw cu an theih; a tuu kha an min in a auh hna i lengah a chuahpi hna.

⁴An dihlak in a chuah dih hna tikah an hmai in a kal i a aw kha an hngalh caah tuu nih cun an zulh.

⁵Midang cu an zul duh hna lo, a zaam in an zaamtak lei hna, zeicahtiah an aw kha an hngal lo,” tiah a ti.

⁶Jesuh nih hi tahchunhnak cu a chimh hna, sihmanhsehlaw a kan chimhmi hi zei a si ti awk an hngal lo.

⁷Cucaah Jesuh nih annih cu a thawh òhan hna i, “Biatak kan chimh hna: Tuu luhnak kutka cu keimah hi ka si.

⁸Ka hlanah a rami paohpaoh cu mifir le damiah an si; sihmanhsehlaw tuu nih khan an aw an ngai duh hna lo.

⁹Kei cu innka ka si. Keimah in a lutmi paoh cu khamh an si lai; an lut an chuak lai i ram hno kha an hmu lai.

¹⁰Mifir cu fir duh le thah duh le hrawh duh lawngah an ra. Kei cu nunnak kha an ngeih i duhdim tein an ngeih nakhnga caah ka ra.

¹¹“Tuukhal òha cu keimah hi ka si. Tuukhal òha cu a tuu hna caah a lu hloh kha a sian.

¹²Man phalh in hlan chommi kha cu, tuukhal a si lo ca le tuu kha a ta an si lo caah, cenghngia a rat kha a hmuh tikah a zam i tuu kha a lektak hna. Cu tikah cenghngia nih cun tuu cu a seh hna i a òhek dih hna.

¹³Hlanchommi cu hlanchommi lawng a si caah le tuu kha an zawn a ruah hna lo caah a tli ko.

¹⁴Tuukhal òha cu keimah hi ka si. Pa nih a ka hngalh i keimah nih Pa ka hngalh ve bantukin, ka tuu kha ka hngalh hna i annih nih an ka hngalh ve. Cun an ca i ka lu hloh kha ka sian.

¹⁶Hi tuurun chung i a um lomi ka ta a simi tuu dang an um. Annih zong kha ka ratpi ve hrimhrim hna lai; ka aw kha an ngaih lai i tuukhal pakhat tangah tuurun run khat ah an cang lai.

¹⁷“Ka Pa nih a ka dawt cu ka nunnak kha pek ka sian caah a si, cu pek ka sian cu ka nunnak kha ka hmuh òhan nakhnga caah a si.

¹⁸Ka nunnak cu aho nih an ka chuh a si lo, keimah lungtho tein pek ka sianmi a si ko. Peknak nawl kha ka ngei i lak òhannak nawl zong ka ngei. Cucu ka Pa nih tuah seh ti a ka duhmi cu a si,” tiah a ti.

¹⁹Hi bia ruangah hin Judah mi lakah khan cheunak a um òhan.

²⁰Mi tampi nih, “Khuachia a ngei, a hrut cang, zeicahdah a bia nan ngaih?” an ti.

²¹Sihmanhsehlaw a cheu nih, “Khuachia a ngeimipa nih cun hi bantukin bia a chim kho hnga lo. Zeitindah khuachia nih cun mitcawmi mit cu a deiter khawh lai,” an ti ve.

²²Jerusalem khua i Biakinn Pekchanh Puai timi tuah caan kha a hung phan; cucu khuasik caan ah a si tawn.

²³Jesuh cu biakinn i Solomon Innleng timi ah khan aa chawk i cu lioah cun

²⁴Judah mi nih khan an fuh i, “Zei can dah lungawòawm in na kan chiah lai? Biafiang kan chim: Messiah cu na si maw?” an ti.

²⁵Jesuh nih cun, “Kan chimh cang ko òung hna, sihmanhsehlaw nan ka zum duh lo. Ka Pa nih nawl a ka peknak thawngin ka tuahmi thil hna nih pei keimah chim hau loin an chim ko hi;

²⁶sihmanhsehlaw nannih cu ka tuu nan si lo caah nan zum lo.

²⁷Ka tuu nih cun ka aw kha an ngaih, annih kha ka hngalh hna i an ka zulh.

²⁸Annih cu zungzal nunnak kha ka pek hna i an thi bal lai lo; cun ahohmanh nih annih cu an ka chut kho fawn lai lo.

²⁹Anmah kha a ka petu ka Pa cu zeizong vialte nakin a ngan deuh i ka Pa zohkhenhnak chungin ahohmanh nih an ka chut kho hna lai lo.

³⁰Ka Pa le keimah cu pakhat kan si,” tiah a ti.

³¹Cun Judah mi hna nih cun amah chehnak ah lung an i char òhan.

³²Annih kha Jesuh nih cun a thawh hna i, “Ka Pa nih a ka fialmi thil òha tampi nan hmaiah ka tuah hna; hi thil hna lakah hin a zei ruangte ah hin dah lung in cheh nan ka duhnak cu a si?” tiah a ti hna.

³³Judah mi nih cun, “Lung in cheh kan in duhnak cu thil òha ruangah a si lo, Pathian na serhsat ruangah khan a si deuh. Nang cu minung menmen na si ko nain Pathian ah ser naa zal,” an ti.

³⁴Jesuh nih a leh hna i, “Nan phungbia chungah, ‘Pathian nih, “Nannih cu pathian nan si,” kan ti hna,’ a ti, tiah aa òial lo mei?

³⁵Pathian nih a bia a pekmi minung hna kha pathian ti an si ahcun § Cathiang cu a palh ti khawh a si lo va si kaw §

³⁶Pa nih a thim i vawlei ah a run thlahmi keimah nih, ‘Pathian Fapa ka si,’ ka ti ruangah Pathian na serhsat tiah zeitindah nan ka ti khawh?

³⁷Ka Pa rian ka òuan lo a si ahcun ka zum hlah u,

³⁸sihmanhsehlaw ka òuan a si ahcun, keimah nan ka zumh lo hmanh ah ka tuahmi tal hi nan zumh awk a si. Cun nannih nih ka Pa cu ka chungah a um i kei cu ka Pa chungah ka um kha nan hngalh lai,” tiah a ti.

³⁹Tlaih an timh òhan, sihmanhsehlaw a zuhtak hna.

⁴⁰Jesuh cu Jordan Tiva khattelei ral, Johan nih tipil a peknak hna hmun ah khan a va kal i cuka ah cun a va um. A sinah khan mi tampi an ra i,

⁴¹“Johan nih hmelchunhnak zeihmanh a tuah lo, sihmanhsehlaw hi pa kong a chimmi cu ahmaan dih,” an ti.

⁴²Cun cuka ah cun mi tampi nih Jesuh kha an zumh.