Read Hakha Chin JOHAN 11 Bible Online

JOHAN 11 - Hakha Chin bible

JOHAN 11

¹Bethani khua i a ummi Lazaruh cu a zaw. Bethani cu Mary le a u Martha an umnak khua kha a si.

²(Cu Mary cu Bawipa ke ah zihmui a toih i a sam in a hnawttu kha a si; a zawmi Lazaruh cu amah òa cu a si).

³Cu unau pahnih hna nih cun Jesuh cu bia an hei cah i, “Bawipa, na dawtmi na hawi kha a zaw,” an ti.

⁴Cu bia cu Jesuh nih a theih tikah, “Hi zawtnak hi a donghnak cu thihnak a si lai lo, sihmanhsehlaw Pathian sunparnak langhternak caah a si lai i hi thawng hin Pathian Fapa zong nih sunparnak a hmuh lai,” a ti.

⁵Jesuh nih Martha le a naunu le Lazaruh kha a dawt hna.

⁶Lazaruh a zaw ti thawng kha a thei nain a umnak hmun ah khan ni hnih a cam rih.

⁷Cun a zultu kha a thawh hna i, “Judea peng ah kal òhan u sih,” tiah a ti hna.

⁸A zultu hna nih cun, “Saya, kan hnulei te ah khan Judah mi nih lung in cheh an in duh, cuka ah cun maw kal naa timh òhan ko lai?” an ti.

⁹Jesuh nih, “Ni khat chungah suimilam hleihnih a um a si lo maw? Cucaah chun ceu ah mi cu aa chawh ahcun a ril lo, zeicahtiah hi vawlei ceunak kha a hmuh.

¹⁰Sihmanhsehlaw zan i aa chawh ahcun a ril, zeicahtiah mipa chungah khan ceunak a um lo,” tiah a ti hnuah a vun i thawh òhan i,

¹¹‘Kan hawi Lazaruh kha aa hngilh cang, sihmanhsehlaw ka va kal lai i ka va thawh lai,” a ti.

¹²A zultu pawl nih cun, “Aa hngilh ahcun a dam lai,” an ti.

¹³Jesuh nih a chim duhmi tu cu Lazaruh kha a thi cang ti a si, annih nih cun hngilh sawhsawh ah an ruah.

¹⁴Cucaah Jesuh nih cun fiang tein, “Lazaruh kha a thi;

¹⁵sihmanhsehlaw a sin i ka rak um lo cu nanmah caah a òha, zeicahtiah nan zumh khawh deuh lai, amah sinah cun va kal u sih,” tiah a ti.

¹⁶Faphir timi Thomas nih khan, “Amah sin i va thih ve awkah kannih zong kal ve u sih,” tiah a hawile kha a ti hna.

¹⁷Jesuh cu a va phak tikah Lazaruh cu an vuinak ni li a rak si cang.

¹⁸Bethani cu Jerusalem in khan hnih tling lo deuh a si i

¹⁹Judah mi mi tampi kha an òa a thih ca i anmah òhutpi awkah khan an ra.

²⁰Jesuh a ra lio ti kha Martha nih a theih tikah lampi in va don awkah a kal; Mary tu cu inn ah khan a rak um.

²¹Martha nih khan Jesuh cu, “Bawipa hika ah hin rak um law cu, ka òa hi a thi hnga lo.

²²Sihmanhsehlaw atu zongah hin na halmi paoh cu Pathian nih an pek lai ti kha ka hngalh,’ tiah a ti.

²³“Na òa cu a tho òhan lai,” tiah Jesuh nih a ti.

²⁴Martha nih cun, “Asi, a tho òhan lai ti cu ka hngalh ko, sihmanhsehlaw ni hmanung bik thawhòhannak ah pei a si ko lai cu,” tiah a leh.

²⁵Jesuh nih Martha cu, “Keimah hi thawhòhannak le nunnak cu ka si. Keimah a ka zummi paoh cu a thih hmanh thi seh law a nung lai;

²⁶Cun ahohmanh a nung i keimah kha a ka zummi cu an thi bal lai lo. Hihi na zum maw?” a ti.

²⁷Martha nih, “Asi, ka zumh, Bawipa nangmah cu Pathian Fapa Messiah, vawlei cung i a rung ding cu na si ti kha ka zumh,” tiah a leh.

²⁸Martha nih hi bia a chim dih khan a va kir i a nau Mary kha a thli tein a va auh. “Saya kha a ra cang i nangmah kha an hlam,” tiah a chimh.

²⁹Cucu Mary nih a theih tikah a tho i amah ton awkah khan khulrang in a kal.

³⁰(Jesuh cu khuachung kha a phan rih lo, Martha i a va donnak hmun ah khan a um ko).

³¹Mary a òhutpitu Judah mi hna nih khan Mary cu a thawh i khulrang in a chuah ah khan an zulh; thlan i va òah awkah a kal rua, tiah an ruah.

³²Jesuh umnak kha Mary cu a va phan i Jesuh kha a hmuh tikah a kehram ah khan a bawk i, “Bawipa, hika ah hin rak um law cu, ka òa hi a thi hnga lo,” tiah a ti.

³³Jesuh nih Mary a òah le a sin i a rami Judah mi hna an òah kha a hmuh hna i a hnarno a òam i a lung a hno.

³⁴“Khuazei ah dah nan vui?” tiah a hal hna. “Ra law ra zoh tuah, Bawipa,” tiah an leh.

³⁵Jesuh cu a òap.

³⁶Cucaah Judah mi nih cun, “Zeitluk in dah a dawt kha zohhmanh u,” an ti.

³⁷Sihmanhsehlaw a cheu nih, “Mitcaw hmanh a mit a deiter a si lo maw? Lazaruh hi thi loin a umter kho kun lo maw?” an ti.

³⁸Jesuh cu a hrum ruangmang òhan i thlan ah cun a va kal. Cu thlan cu lungkua a si caah a khar ah lungpher an khar.

³⁹Jesuh nih, “Lungpher hi òhial tuah u,” tiah a ti hna. Mithi pa far Martha nih cun, “Bawipa, a nam tuk cang lai, kan vuinak ni li a si cang,” tiah a ti.

⁴⁰Jesuh nih Martha cu, “Na zumh ahcun Pathian sunparnak na hmuh lai, tiah ka rak in ti lo maw?” tiah a ti.

⁴¹Lungpher cu an thawn i Jesuh cu van a cau i, “Ka Pa, ka bia na ka theihpiak caah na cungah ka lung aa lawm.

⁴²Ka bia na ka theihpiak zungzal ti cu ka hngalh ko, sihmanhsehlaw hi ka chimnak cu hika i a ummi hna caah hin a si, annih nih keimah cu nangmah thlahmi ka si kha an ka zumh khawh nakhnga caah a si,” tiah a ti.

⁴³Cu bia a chim dih in aw thangpi in a vun kawh i, “Lazaruh, ra chuak tuah,” tiah a ti.

⁴⁴Mithi pa cu a kut le a ke ruak puanzual bu le a hmai khuh puan he khan a hung chuak. Jesuh nih, “Phoih u law kal seh,” tiah a ti hna.

⁴⁵Mary òhutpi awkah a rami Judah mi tampi nih khan Jesuh tuahmi cu an hmuh i amah kha an zumh.

⁴⁶Sihmanhsehlaw a cheu cu Farasi mi hna sinah khan an va kal òhan i Jesuh tuahmi kha an va chimh hna.

⁴⁷Cucaah Farasi mi hna le tlangbawi upa pawl kha Khawngsil pawl he khan an i pum i, “Zeitindah kan tuah lai? Hi pa nih hin hmelchunhnak tampi a tuah òung.

⁴⁸Hitihin kan thlahdorh ko ahcun mi vialte nih an zumh lai. Cun Rom pawl kha an ra lai i kan biakinn he kan miphun he an kan hloh dih lai,” an ti.

⁴⁹Cun an lak i mi pakhat, a min Kaiafas a si i cu kum cu amah Tlangbawi Ngan a si kum a simi nih khan, “Zeihmanh nan hngal lo.

⁵⁰Kan miphun hi a ningpi i hrawh nakin kan miphun ca i pakhat thih cu a òha deuh ti kha nan hngal lo maw?” tiah a ti hna.

⁵¹A ngaingai ti ahcun, hi bia hi amah lungchuak in a chimmi a si lo; cu kum cu amah kha Tlangbawi Ngan a si bantukin, Jesuh cu Judah mi hna caah a thi lai ti kha a rak chimchung bia a si;

⁵²anmah Judah mi ca lawngah si loin Pathian fale aa òhekmi vialte hmunkhat i pumh dih awk zongah khan a thih cu a si lai tinak a rak chimchung kha a si.

⁵³Cu ni thawk cun Judah upa hna nih khan Jesuh thahnak khua kha an khang lengmang.

⁵⁴Cucaah Jesuh cu Judea peng ah khan langhngan in a tlawng ti lo, kha peng khan a chuak i thetse ram hril i a ummi khua Efraim an timi ah khan a kal i cuka ah cun a zultu hna he khan an um.

⁵⁵Judah mi Lanhtak Puai kha a nai i khuate khan mi tampi cu, puai hlan i thianhnak rak tuah awkah, Jerusalem khua ah khan an kal.

⁵⁶Jesuh kha an kawl i biakinn i an i pumh ah khan pakhat le pakhat kha, “Zeitindah na ruah? Puai ah hin a ra hnga maw?” tiah an i hal.

⁵⁷Tlangbawi upa hna le Farasi mi hna nih khan, Jesuh umnak a hngalmi paoh nih nan kan chimh lai i kan tlaih lai, tiah an ti hna.