Read Hakha Chin JOHAN 12 Bible Online

JOHAN 12 - Hakha Chin bible

JOHAN 12

¹Lanhtak Puai hlan ni ruk ah Jesuh cu Bethani khua ah khan a kal; Bethani khua cu thihnak in a thawhtermi Lazaruh khua kha a si.

²Cuka ah cun zanriah an serpiak i Martha nih khan a bultawl hna i Lazaruh cu Jesuh he a òhumi sawmmi hawi dang sinah khan a òhu.

³Cun Mary nih a man a sung ngaingaimi zihmui phun òha ngaimi kha a rak i put i Jesuh ke ah khan a toih i a sam in a hnawh hna. Inn cu zihmui rim thaw cun a khat dih.

⁴Jesuh zultu pakhat, Judas Iskariot, amah rawitu ding a simipa nih khan,

⁵“Hi zihmui hi ziah tangka za thum ah zuar in misifak kha an pek deuh hna lo?” tiah a ti.

⁶Hi bantukin bia a chim cu misifak kha an zawn a ruah hna caah si loin, mifir rak si kaw a kenmi tangka bawm chung khan a rak i lak lengmang tawn ca tu ah a rak si.

⁷Sihmanhsehlaw Jesuh nih cun, “Amah cu hnahnawhnak pe hlah u. Ka ruak vui ni caah a ngeihmi cu i chiah ko seh.

⁸Mi sifak cu nan sinah an um zungzal ko lai, kei cu nan sinah ka um zungzal lai lo,” tiah a ti.

⁹Judah mi mi tampi nih Jesuh cu Bethani khua ah a um ti kha an theih caah an va kal. Jesuh a um ruang lawngah khan si loin thihnak in a thawhmi Lazaruh va zoh duh zongah khan a si pah.

¹⁰Cucaah tlangbawi upa pawl nih khan Lazaruh zong cu thah chih dingin khua an khan;

¹¹zeicahtiah, Lazaruh chimmi bia ruangah khan Judah mi tampi nih an hruaitu kha an chuahtak hna i Jesuh kha an zumh.

¹²A thaizing ah cun Lanhtak Puai ca i a rami mi tampi nih khan Jesuh cu Jerusalem khua ah a ra lai ti kha an theih.

¹³Cucaah kuhchuk hnah kha an i put i amah don awkah khan an kal i, “Pathian cu thangòhat ko u! Bawipa min in a rami cu Pathian nih thluachuah pe ko seh. Pathian nih Israel Siangpahrang cu thluachuah pe ko seh,” tiah an au.

¹⁴Cathiang nih, Zion khuapi, na thinphang hlah! Na Siangpahrang cu a ra lio, Laa cungah i cit in a ra lio, tiah a rak ti bantukte khan Jesuh nih cun laa kha a hun i cit.

¹⁵

¹⁶Cu caan ah cun a zultu hna nih khan cu thil a sullam cu an hngal lo, sihmanhsehlaw sunparnak ah thawhter a si tikah khan, amah kong ah hin, hi bantukin Cathiang nih a rak chim i an tuahmi kha amah an tuahpiak a rak si, ti kha an lung a hung pem.

¹⁷Jesuh nih Lazaruh kha, thlan chungin hung chuak, tiah a vun kawh i thihnak in a thawhter tikah khan, Jesuh sinah a ummi hna nih khan cu kong cu an va chimh chin hna.

¹⁸Cucaah cun mibupi nih amah an hung ton cu a si § cu hmelchunhnak a tuah ti an theih caah cun, an hung ton cu a si.

¹⁹Cu tikah Farasi mi hna nih cun, “Kan ti òheo lo maw, kan ti kho ti lo hih. Vawlei pumpi nih an zulh cang hih,” tiah pakhat le pakhat an i ti.

²⁰Puai caan lio i Pathian biak awkah Jerusalem i a hung kalmi hna lakah khan Grik mi tlawmpal an i tel ve.

²¹Galilee peng Bethsaida khuami Filip sinah khan an ra i, “Bawipa, Jesuh hmuh kan duh,” an ti.

²²Filip nih khan Andru kha a va chimh i an pahnih cun an va kal i Jesuh cu an va chimh.

²³Jesuh nih cun, “Mi Fapa hi sunparnak nganpi pek ka si caan a phan cang.

²⁴Biatak kan chimh hna: facang ci pakhat cu vawlei ah tuh a si i a thih ta lo ahcun pakhat lawng a si peng ko. A thih ta lawngah facang mu dang tampi a chuahter khawh.

²⁵Ahopaoh, a nunnak a dawmi nih cun a nunnak cu a thlau lai: hi vawlei cung i a nunnak a huami nih zungzal nunnak ah cun aa chiah lai.

²⁶Ahohmanh ka rian òuantu si nan duh ahcun keimah kha nan ka zulh hrimhrim lai, cucaah ka rian a ka òuanpiaktu cu ka umnak ah a um ve lai. Ka rian a ka òuanpiaktu cu ka Pa nih upatnak a pek hna lai,” tiah a leh hna.

²⁷Jesuh nih cun aa thawh i, “Atu hi ka lungre a thei § zeidah ka chim lai? ‘Ka Pa, hi caan hi ka cungah phakter hlah,’ ka ti lai maw? Ka ti lai lo, hi nganfahnak innak caan ton dingah hin pei ka rat cu.

²⁸Ka Pa, na min cu upatnak pe ko,” tiah a ti. Cun vancung in aw pakhat nih, “Upatnak cu ka pek cang i ka pek ko rih lai,” tiah a run chim.

²⁹Cuka i a ummi mibupi nih khan cu aw cu an theih i, “Khua a ri,” an ti. A cheu nih, “Vancungmi nih bia a chimh,” an ti.

³⁰Sihmanhsehlaw annih cu Jesuh nih khan a thawh hna i “Hi aw nih bia a chimmi hi keimah caah a si lo, nanmah caah a si.

³¹Atu cu vawlei hi a biaceih caan a si cang; atu cu hi vawlei uktu hi tei a si cang lai.

³²Vawlei hin hler ka si tikah mi vialte cu ka sinah ka hnuh dih hna lai,” tiah a ti hna.

³³(Hitihin a chim tikah, zei bantuk thihnak dah a huah lai ti kha a langhter duhmi a si).

³⁴Mibupi nih cun an hei leh i, “Kan Phung nih Messiah cu zungzal in a nung lai, tiah a kan chimh. A si kun ah cun zeitindah Mi Fapa cu hler a si lai tiah na ti khawh? Mi Fapa timi cu ahodah a si?” an ti.

³⁵Jesuh nih cun, “Nan sinah hin ceunak cu tlawmpal chung cu a um ko rih lai. Ceunak nan sin i a um chung cu, muihnak nih an phanh hna nakhnga lo, hmailei ah kal lengmang ko u; zeicahtiah mui lak i khual a tlawngmi cu khuazei i an kal kha an i hngal tawn lo.

³⁶Ceunak nan ngeih lioah cun ceunak cu i bochan ko u, ceunak mi nan si khawh nakhnga,” tiah a leh hna. Cu bia a chim dih in Jesuh cu lodiam in a kal i a va thup.

³⁷Cu bantukin hmelchunhnak tampi kha an mit hmuh hrimhrim ah a ser ko nain an zum lo,

³⁸cucu profet Isaiah nih, “Kan chimmi bia cu aho nih dah an zumh? Aho sinah dah Bawipa nih a lianhngannak cu a langhter?” tiah a rak chimmi kha a tlin nakhnga caah a si.

³⁹Cu ruangah cun an zumh khawh lonak kha a si; zeicahtiah Isaiah òhiamòhiam nih cun,

⁴⁰“Pathian nih an mit a cawtter hna i an lung a pinter hna, ‘Cu ti a si lo ahcun an mit nih khua a hmu sual hnga i an lung nih khua a hngal sual hnga i, Damnak hmuhnak ding caah keimah leiah an i mer sual hnga,’ tiah Pathian nih a ti,” tiah a ti fawn.

⁴¹Isaiah nih hi bia a rak chimmi cu Jesuh sunparnak kha a rak hmuh caah a si i amah kong cu a rak chimmi kha a si.

⁴²Cuti a si na cun Judah mi upa tampi nih khan Jesuh cu an zumh; sihmanhsehlaw Farasi pawl hna ruangah khan langhngan in an chim ngam lo, pumhnak inn i òhawl lai kha an phang.

⁴³Minung sinin mithmai òha hmuh kha Pathian sin i hmuh nakkhan an duh deuh.

⁴⁴Jesuh nih aw thangpi in, “Keimah a ka zummi paoh nih cun keimah lawng kha a ka zumh si loin keimah a ka thlahtu kha a zumh ve a si.

⁴⁵Keimah a ka hmutu nih keimah a ka thlahtu zong kha a hmuh a si.

⁴⁶Hi vawlei cungah ceunak bantukin ka ratnak cu a ka zummi paoh kha khuamui chungah an um peng nakhnga lo caah a si.

⁴⁷Ka bia a thei nain a ngai lomi cu keimah nih cun bia ka ceih lai lo. Vawlei hi a bia ceih awkah ka ra lo, vawlei hi khamh awk tu ah ka ra.

⁴⁸Keimah kha a ka hlaw i ka bia a cohlang duh lomi cu a bia ceihtu ding a um ko. Ka chimmi ka bia hi ni hmanung bik ni ah cun a bia a ceihtu cu a si te lai.

⁴⁹Zeicahtiah, keimah nawl in ka chim lo, ka chimmi cu a ka thlahtu ka Pa nih na chim lai tiah a ka fialmi kha an si.

⁵⁰Na chim lai tiah a ka fialmi bia cu zungzal nunnak petu a si ti kha ka hngalh. Cucaah ka chimmi bia cu ka Pa nih na chim lai tiah a ka timi bia kha a si,” tiah a ti.