Read Hakha Chin JOHAN 16 Bible Online

JOHAN 16 - Hakha Chin bible

JOHAN 16

¹“Nan tluk sual nakhnga lo hi bia cu kan chimh hna.

²An pumhnak inn in an in òhawl hna lai. Cun nanmah thah hi Pathian rian òuan a si tiah mi nih an ruah caan a phan lai.

³Ka Pa zong, keimah zong an kan hngalh lo caah hi bantukin nan cungah an tuah lai.

⁴Hi bantukin nan cung i an tuah caan kha a phak tikah, nannih nih a rak kan chimh cang ti kha nan lung ah a hung pem nakhnga hi bia hi kan chimh hna,” a ti. “Keimah kha nan sin i ka rak um ko caah hi bia hi a hramthawkte khan ka rak in chim hna lo.

⁵Sihmanhsehlaw atu cu a ka thlahtu sinah khan ka kal cang lai; asinain aho zong nih, ‘Khuazei ah dah na kal lai? tiah nan ka hal lo.

⁶Cun atu cu kan chimh hna caah nan ngaih a chia.

⁷Sihmanhsehlaw biatak kan chimh hna: ka kal hi nan caah a òha deuh, zeicahtiah keimah ka kal lo ahcun Bawmtu kha nan sinah a ra kho lai lo. Ka kal ahcun amah cu nan sinah ka ratter lai.

⁸A rat tikah vawleicung mi kha sualnak an ruahning le zeidah a ding ti an ruahning le Pathian nih bia a kan ceih lai ti an ruahning i an palhnak kha fiang tein a hngalhter hna lai.

⁹Keimah an ka zumh lo caah hin sualnak kong ah an palh;

¹⁰cun kei cu ka Pa sinah ka kal lai i nan ka hmuh ti lai lo caah hin, zeidah a ding timi kong ah an palh;

¹¹cun hi vawlei uktupa hi a bia ceih a si cang caah hin biaceihnak kong ah an palh.

¹²“Tampi chimh awk kan ngei ko rih hna, sihmanhsehlaw atu ah cun nan i cinken khawh cawk ding a si lo.

¹³Asinain biatak phuangtu Thlarau cu a rat tikah biatak chungah cun an luhpi hna lai. ‘Keimah nawl a si,’ tiin zeihmanh a chim lai lo, a theihmi le a ra lai ding thil kong tu kha an chimh hna lai.

¹⁴Keimah nih ka rak in chimhmi hna chung khan an chimhmi hna cu a lakmi a si lai caah keimah kha a ka thangòhat lai.

¹⁵Ka Pa ngeihmi vialte cu keimah ta an si ko, cucaah cun, ‘Thlarau nih cun ka pekmi cu aa lak lai i nannih cu an chimh hna lai,’ tiah ka rak in chimh hna kha a si,” a ti.

¹⁶“Hi hnu tlawmpalte ah nan ka hmu ti lai lo, cun tlawmpalte hnuah nan ka hmuh lai,” tiah a ti.

¹⁷A zultu cheukhat nih khan, “Hihi a sullam zeidah a si hnga? ‘Hi hnu tlawmpalte ah nan ka hmu ti lai lo, cun tlawmpalte hnuah nan ka hmuh lai,’ a kan ti; cun ‘Cucu ka Pa sinah ka kal lai caah a si,’ a ti fawn.

¹⁸‘Hi hnu tlawmpalte ah,’ a timi hi a sullam zeidah a si hnga?” tiah a dang pawl kha an hal hna. Annih nih, “Zei kong dah a chim ti kha kan hngal kho lo,” an ti.

¹⁹Jesuh nih amah hal an duh kha a hngalh i cucaah annih cu a thawh hna i, “ ‘Hi hnu tlawmpalte ah nan ka hmu lai lo, cun hi hnu tlawmpalte ah nan ka hmuh lai,’ ka timi cu maw nanmah le nanmah nan i ceih lenmi cu a si?

²⁰Biatak kan chimh hna: nannih cu nan òap nan ai len lai, sihmanhsehlaw vawlei cu aa lawm lai; nan ngaih a chia lai, sihmanhsehlaw nan ngaihchiatnak cu lunglawmhnak ah a cang te lai.

²¹Nu nih nau a ngeih lai ah, nganfah in caan nih khan a phak caah a ngaih a chia, sihmanhsehlaw naute cu a hung chuah tikah nau thar pakhat vawlei cung i a hung chuah caah cun aa lawm i a nganfahnak cu a philh dih.

²²Cu bantuk cun nannih zong nan si lai: atu cu nan ngaih a chia, sihmanhsehlaw kan hmuh òhan hna lai i nan lung cu lunglawmhnak in a khat lai; cu lunglawmhnak cu ahohmanh nih an in chuh khawh lomi hna lunglawmhnak phun a si lai.

²³“Cu ni a phak tikah cun keimah cu zeihmanh nan ka hal lai lo. Biatak kan chimh hna: Ka Pa nih ka min in nan halmi paoh cu an pek hna lai.

²⁴Atu tiangah cun ka min in zeihmanh nan hal rih lo, hal u law nan hmuh lai, cu ti nan tuah ahcun nan i lawmhnak cu a tling lai,” tiah a ti.

²⁵“Atu caan tiang cu tahchunhnak bia in kan cawnpiak lengmang hna, asinain ka Pa kong kha tahchunhnak hmang ti loin biapiang in kan chimh hna lai caan a phan lai.

²⁶Cu ni a phanh tikah cun amah kha ka min in nan hal lai; keimah nih kan halpiak hna lai ka ti lo,

²⁷zeicahtiah ka Pa nih cun amah hrimhrim nih an dawt hna. Nannih nih nan ka dawt caah le Pathian sinin a ra ti kha nan ka zumh caah an dawt hna.

²⁸Ka Pa sinin a rami ka si taktak i vawlei cungah hin ka ra; atu cu hi vawlei hin ka chuak lai i ka Pa sinah ka kal lai,” tiah a ti.

²⁹Cun a zultu nih khan an thawh i, “Atu cu tahchunhnak hmang lo tein fiang tein na kan chimh.

³⁰Nangmah nih zeizong vialte kha na hngalh dih i kherhlai len na hau lo ti kha atu cu kan hngalh cang. Cu nih cun nangmah cu Pathian sinin a rami na si kha a kan zumhter,” an ti.

³¹Jesuh nih cun, “Atu cu nan ka zumh cang.

³²Asinain nan dihlak in òhek nan si i nanmahle nan inn cio ah nan kal i keimah lawngte nan ka nganh lai caan kha a ra lio i atu hi a phan cang. Sihmanhsehlaw keimah lawng ngaingai cu ka si lo, zeicahtiah ka Pa nih a ka umpi ko.

³³Nannih nih keimah he nan i pehnak thawngin lungdaihnak nan hmuh nakhnga, hihi kan chimh hna. Vawlei nih hin harnak an pek hna lai, sihmanhsehlaw òih hlah u. Vawlei cu ka tei cang,” tiah a ti.