Read Hakha Chin JOHAN 17 Bible Online

JOHAN 17 - Hakha Chin bible

JOHAN 17

¹Jesuh nih bia a chim dih cun van lei kha a zoh i, “Ka Pa, a caan kha a cu cang. Na Fapa nih sunparnak kan pek ve nakhnga, na Fapa cu sunparnak ka pe ko.

²Na ka pekmi vialte hna cu zungzal nunnak ka pek hna nakhnga mi vialte cung i nawl ngeihnak cu na ka pek cang.

³Cun Pathian taktak a simi nangmah hngalh le nangmah nih na thlahmi Jesuh Khrih hngalh hi zungzal nunnak cu a si.

⁴Vawlei cungah na sunparnak cu ka langhter cang; na ka fialmi rian cu ka lim cang.

⁵Cucaah Ka Pa, vawlei ser hlan i nangmah sin i ka rak ngeihmi sunparnak kha, atu ah hin na hmaika ah sunparnak ka pe tuah.

⁶“Hi vawlei chungin na kawh hna i na ka pekmi hna sinah hin, na min cu ka langhter cang; nangmah ta an si i annih cu nangmah nih keimah na ka pekmi an si. Na bia kha an ngaih i

⁷atu cu na ka pekmi laksawng paohpaoh hi nangmah sin chuakmi a si ti kha an hngalh.

⁸Na ka pekmi bia kha ka chimh hna i annih nih an cohlan; nangmah sinin a rami ka si kha a si taktak tiah an hngalh i nangmah i na ka thlah kha an zumh.

⁹“Annih caah thla ka cam. Vawlei caah cun ka cam lo; na ka pekmi hna cu nangmah mi an si caah an caah ka cam.

¹⁰Ka ngeihmi vialte hi nangmah ta an si dih, na ngeihmi vialte hi keimah ta an si dih, ka sunparnak a langhnak cu anmah thawng hin a si.

¹¹Atu cu kei cu na sinah ka ra cang lai; vawlei ah hin ka um ti lai lo; sihmanhsehlaw annih cu an um rih lai. A Thiangmi ka Pa, nangmah le keimah cu pakhat kan si bantuk hin pakhat an si khawh ve nakhnga, na ka pekmi hna cu na min òhawnnak in huppheng ko hna.

¹²Annih sin i ka um lioah hin cun, na ka pekmi hna cu na min òhawnnak in ka huhphenh hna i him tein ka chiah hna. A tlau ding a rak si hrimmi dah kha ti lo cu pakhat hmanh an tlau lo § kha zong kha Cathiang a tlin nakhnga caah a si ko.

¹³Atu cu kei cu nangmah sinah ka ra lai; sihmanhsehlaw hi vawlei cung i ka um lioah hi bia ka chimnak cu ka lunglawmhnak kha an lung chungah tlamtling tein an ngeih nakhnga caah a si.

¹⁴Kei cu hi vawlei ta ka si lo bantukin annih zong hi vawlei ta an si lo caah na bia kha ka chimh hna i vawlei nih cun a huat hna.

¹⁵Vawlei cung hin la hna tiah kan nawl a si lo, sihmanhsehlaw Mi Òhalopa sin khan him tein chia ko hna ti kha kan nawl.

¹⁶Vawlei ta ka si lo bantuk hin annih zong vawlei ta an si ve lo.

¹⁷Annih cu biatak khan thianter hna: biatak cu nangmah bia kha a si.

¹⁸Vawlei ah na ka thlah bantukin kei zong nih vawlei ah ka thlah ve hna.

¹⁹Annih zong kha na biatak in thianh an si nakhnga kei zong hi anmah ruangah kaa thianh ve.

²⁰“Anmah ca lawngah hin thla ka cam lo, an chimmi bia thawngin a ka zum laimi hna ca zongah ka cam.

²¹An dihlak in pakhat an si nakhnga thla ka cam. Ka Pa, keimah cu nangmah chungah ka um i nangmah cu keimah chungah na um bantuk hin annih zong kan chungah um ve hna seh.

²²Nangmah le keimah cu pakhat kan si bantuk hin pakhat an si khawh ve nakhnga, sunparnak na ka pekmi kha ka pek hna.

²³Kei an chungah um in nang ka chungah um law, annih cu pakhat taktak an si lai; cun pakhat an sinak thawng cun vawlei nih cun keimah cu nangmah thlahmi ka si le nangmah nih annih cu keimah na ka dawt bantukin na dawt hna kha a hngalh lai.

²⁴“Ka Pa, na ka pekmi hna hi ka umnak ah ka sin i umter i ka sunparnak, vawlei ser hlan in na ka dawt ca i na ka pekmi kha hmu hna seh ti ka duh.

²⁵A dingmi ka Pa, vawlei nih cun an hngal lo, sihmanhsehlaw kei nih cun kan hngalh i hi hna nih hin na ka thlah hi an hngalh.

²⁶Na ka dawtnak cu an chungah a um i kei zong an chungah ka um nakhnga, nangmah kong cu annih kha ka hngalhter hna i ka hngalhter òhan lengmang ko hna lai,” tiah a ti.