Read Hakha Chin JOHAN 2 Bible Online

JOHAN 2 - Hakha Chin bible

JOHAN 2

¹Ni hnih hnuah khin Galilee ram Kana khua ah nupi òhitnak a um. Jesuh nu kha cuka ah cun a um i

²Jesuh le a zultu hna zong kha nupi òhitnak puai ah khan an sawm hna.

³Mitsur zu kha a dih tikah Jesuh cu a nu nih khan, “Mitsur zu an ngei ti lo,” tiah a chimh.

⁴Jesuh nih cun, “Ka nu, zeidah tuah awk ti kha, na ka chimh awk a si lo, ka caan pei a phan rih lo cu,” tiah a ti.

⁵Jesuh nu nih cun sinum pawl cu, “An chimhmi hna paoh kha tuah te u,” tiah a ti hna.

⁶Judah mi nih kut òawlnak kong ah phung an ngei i cu bantukin kut i òawlnak caah cun lung ralca paruk an chiah; ralca pakhat nih cun ti galan[1] pakul le sawm thum karlak cio an tlum.

⁷Jesuh nih sinum pawl cu a thawh hna i, “Hi ralca ah hin ti rawn hna u,” tiah a ti. Liam thluahmah in an rawn hna i

⁸annih cu, “Ti kha tlawmpal in hei than u law rawldanghnak tlangtlatu kha hei pe u,” tiah a ti hna. An hei pek i,

⁹mitsur zu ah aa cangmi ti cu a rak teh. Hi mitsur zu hi khuazei in dah a chuah ti kha a hngal lo. (Ti a thantu sinum nih khan cun an hngalh ko). Cucaah nupi òhitu pa kha a auh i,

¹⁰“Midang nih cun an sawmmi hna kha mitsur zu a òha bik cu a hmasa ah an dinh tawn hna, cun an i zat hnuah cun a sawhsawh kha an pek hna. Sihmanhsehlaw nang nih cun a òha bik kha atu tiangin naa chiah rih,” tiah a ti.

¹¹Galilee ram Kana khua i Jesuh nih a tuahmi hi hmelchunhnak a tuahmi lakah a hmasa bik a si; cu a tuahmi hmelchunhnak ah cun a sunparnak kha a langhter i a zultu nih khan amah cu an zumh.

¹²Cu dih cun Jesuh le a nu le a naule le a zultu hna cu Kapernaum khua ah khan an kal i khika ah khan ni tlawmpal an cam.

¹³Judah mi Lanhtak Puai kha a nai dengmang cang i cucaah Jesuh cu Jerusalem khua ah khan a hung kal.

¹⁴Biakinn chungah khan caw le tuu le laileng a zuarmi hna le tangka thlengtu pawl an cabuai i an rak òhut ko kha a hmuh hna.

¹⁵Hri kha tuknak caah aa hrual riangmang hna i an saòil vialte cu biakinn chung cun a òhawl dih hna, tuu he caw he a òhawl dih hna; tangka thlengtu pawl an cabuai kha a leh dih hna i an phaisa sop kha a òhekpiak dih hna.

¹⁶Laileng zuar pawl kha a thawh hna i, “Hika hmun hin nan laileng kha chuahpi hna u. Ka Pa inn cu chawdawrnak hmun ah ser hlah u,” a ti hna

¹⁷Cathiang nih, “Maw Pathian, na inn ka tlaihchannak hi ka chungah mei bangin a lin,” tiah a timi kha a zultu hna cu an lung ah a hung pem.

¹⁸Judah upa pawl nih khan amah cu an fuh òhan i, “Hi thil tuahnak nawl na ngeih hi na kan hmuhsak khawh nakhnga khuaruahnak zeidah na tuah khawh?” tiah an hal.

¹⁹Jesuh nih cun, “Hi Pathian biakinn hi òhet u law ni thum chungah ka sak òhan ko lai,” tiah a leh hna.

²⁰“Ni thum chungah na sak òhan ko hnga ti? Hi biakinn sak ah hin kum sawm li le kum ruk pei an rak rauh,” an ti.

²¹Sihmanhsehlaw Jesuh nih biakinn a timi cu amah a pum kha a si.

²²Cucaah thihnak in thawhter a si tikah a zultu hna nih khan, mah hihi a rak chimmi a si, ti kha an lung ah a hung pem; cun Cathiang nih a rak chimmi le Jesuh nih a chimmi kha an zumh.

²³Jesuh cu Lanhtak Puai chung i Jerusalem khua i a um ah khan mi tampi nih hmelchunhnak a tuahmi kha an hmuh caah amah cu an zulh.

²⁴Sihmanhsehlaw an kut chungah cun aa sanh duh lo, zeicahtiah mi kha òha tein a hngalh dih cikcek ko hna.

²⁵Minung kong ah hin aho chimh hmanh a herh lo, zeicahtiah an lung chungah zeidah a um ti kha a hngalh dih ko.