Read Hakha Chin JOHAN 20 Bible Online

JOHAN 20 - Hakha Chin bible

JOHAN 20

¹Zarhpi ni zingkate ah, khuadei hlanah khin, Mary Magdalin cu thlan ah khan a va kal i thlankhar lung a rak i thawn cang kha a hmuh.

²Mary cu a tli i Simon Peter le zultu dang pakhat, Jesuh nih a dawtmi kha, “Bawipa cu thlan chung khan an lak cang i khuazei i an chiah kan hngal lo,” tiah a chimh hna.

³Cun Peter le zultu dang cu an i thawh i thlan ah cun an va kal.

⁴An pahnih cun an le, zultu dang kha Peter nakcun a òhawng deuh i thlan kha a phan hmasa.

⁵A vun bih i khiangrang puan kha cu a hmuh hna, sihmanhsehlaw a lut lo.

⁶A hnu in Simon Peter cu a ra le cutmat i thlan ah khan a lut colh. Cuka i a ummi khiangrang puan le

⁷Jesuh lu an mennak puan kha a hmuh hna. Cu puan cu khiangrang puan hna sinah khan a um lo, amah dang tein aa zual.

⁸Cun thlan a phan hmasami zultu zong kha a lut ve i a hmuh i a zumh.

⁹(Cathiang nih thihnak in a tho òhan lai tiah a timi kha an hngal òhiamòhiam rih lo.)

¹⁰Cun zultu hna cu inn ah an kir.

¹¹Mary cu thlan lengah cun a dir i a òap. A òah pah cun a vung kun i thlan chung kha a vun bih.

¹²Thil rang in aa thuammi vanmi pahnih a hmuh hna i Jesuh ruak a rak umnak ah khan pakhat a lu leiah, pakhat a ke leiah an òhu.

¹³“Zeicahdah na òah len ko?” tiah an hal. Anih nih, “Ka Bawipa kha an kalpi i khuazei i an chiah ka hngal lo,” tiah a leh hna.

¹⁴Cu bia a vun chim dih ah khan a hnulei ah a hun i mer i Jesuh a dir ko kha a hmuh; sihmanhsehlaw Jesuh a si ti awk a hngal lo.

¹⁵Jesuh nih cun, “Zeicahdah na òah len ko? Ahodah na kawl?” tiah a hal. Mary nih cun dum cawngtu pa kha a si rua tiah a ruah i, “Bawipa, nangmah nih na lak a si ahcun na chiahnak kha ka chim tuah, ka va kal lai i ka va lak lai,” tiah a ti.

¹⁶Jesuh nih cun, “Mary,” tiah a vun ti i amah leiah cun a vun i mer i Hebru holh in ``Rabboni,'' tiah a ti. (A sullam cu, saya tinak a si.)

¹⁷Jesuh nih cun, “Ka tlai peng ko tuah hlah, zeicahtiah ka Pa sinah ka kir rih lo. Sihmanhsehlaw ka unau pawl sinah khan va kal law, ‘Ka Pa le nan Pa, ka Pathian le nan Pathian a simi sinah khan ka kal lai,’ a ti tiah va chim hna,” tiah a ti.

¹⁸Cucaah Mary Magdalin cu a kal i Bawipa cu ka hmuh i hi bia hi a ka chimh tiah a zultu kha a va chimh hna.

¹⁹Zarhpi ni zanlei sang tlai nawn ah khin a zultu hna cu an i pum i Judah upa kha an òih hna caah inn an i hrenhkhumh. Cun Jesuh kha a ra i an lakah cun a hung dir. “Nan cungah daihnak um ko seh,” tiah a ti hna.

²⁰Cu bia a chim dih cun a kut le a hnak kha a hmuhsak hna. Bawipa an hmuh òhan caah a zultu hna cu lunglawmhnak in an khat.

²¹Cun Jesuh nih cun, “Nan cungah daihnak um ko seh, Ka Pa nih a ka thlah bantukin kei zong nih kan thlah ve hna,” tiah a ti òhan hna.

²²Cu bia cu a chim dih in a thaw a chuahhnawh hna i, “Thiang Thlarau kha hmu ko u.

²³Mi kha an sualnak nan ngaihthiam hna ahcun ngaihthiam an si ko, nan ngaihthiam hna lo ahcun ngaihthiam lo an si ko,” tiah a ti.

²⁴Zultu hleihnih lak i aa telmi Thomas (Faphir timi) kha Jesuh a rat ah khan an sinah a rak um lo.

²⁵Cucaah zultu dang nih khan, “Bawipa kha kan hmuh,” tiah an chimh. Thomas nih cun a thawh hna i, “A kut i thir hmaneh kha ka hmuh hna i cu thir hmaneh le a hnak kha ka kut in ka tawngh hna lo ahcun ka zum lai lo,” tiah a ti hna.

²⁶Cu hnu zarh khat ah khin a zultu hna cu inn chungah khan an um òhan i Thomas zong kha a um ve. Innka cu an hrenh dih hna, sihmanhsehlaw Jesuh cu a rung lut i an lakah khan a dir, “Nan cungah daihnak um ko seh,” tiah a ti.

²⁷Cun Thomas cu a thawh i, “Hika ah hin ra law ka kut hi zoh tuah hna; cun ka hnak kha ka tawng tuah. Zum loin um ti hlah, zum cang ko,” tiah a ti.

²⁸Thomas nih cun, “Ka Bawipa le ka Pathian,” tiah a ti.

²⁹Jesuh nih cun, “Na ka hmuh caah na ka zumh. Sihmanhsehlaw keimah hmu loin a ka zummi hna caah cun lunglawmh awk a va si dah,” tiah a ti.

³⁰Hi cauk chung i òial lomi hmelchunhnak tampi, Jesuh nih a zultu hna hmai i a tuahmi an um ko rih.

³¹Hi thil lianngan a tuahmi hna ka òialnak chan cu, nannih nih Jesuh cu Messiah, Pathian Fapa a si ti kha nan zumh i cu nan zumhnak thawngin amah min in nunnak nan hmuh nakhnga caah a si.