Read Hakha Chin JOHAN 5 Bible Online

JOHAN 5 - Hakha Chin bible

JOHAN 5

¹Cu hnuah cun Jerusalem khua ah Judah mi biaknak puai pakhat a um i cu ah cun Jesuh cu a hung kal.

²Tuu Kutka timi pawngah khan tidil pakhat a um i a kam ah cun deu deu nga an um. Cu tidil cu Hebru holh cun Beth-zatha an ti.

³Cu deu chungah cun mizaw cu an ril liangluang ko, a cheu cu mitcaw an si, a cheu cu kebei an si, a cheu cu mizeng an si. (

⁴A zei maw caan ah Bawipa vancungmi kha a vung òum tawn i ti cu a vung cangh tawn. Ti a cangh tikah aa paih hmasa bik paoh cu an zawtnak khan an dam tawn, cucaah cun cu mizaw hna cu ti cangh cu an hngak ko.)

⁵Cuka ah cun mipa pakhat, a zawtnak kum sawm thum le kum riat a si cangmi a um.

⁶Cuka i a rilh ko cu Jesuh nih khan a hmuh i kha can riamruam a zawtnak a si cang kha a hngalh caah amah cu, “Dam na duh maw?” tiah a hal.

⁷Mizaw pa nih cun, “Bawipa, ti a hung cangh tikah kei cu tili chungah paihtu ka ngei lo i vung luh kaa timh paoh ah khan pakhat khat nih an ka chawhkanh zungzal,” tiah a leh.

⁸Jesuh nih cun a thawh i, “Tho tuah, na ihphah kha i lak law kal tuah,” tiah a ti.

⁹Chikkhatte ah mipa cu a dam i a ihphah cu a lak i a kal.

¹⁰Cu ni cu Sabbath ni a si ngelcel. Cucaah Judah upa hna nih khan damnak a hmu mipa cu an thawh i, “Nihin cu Sabbath ni a si i na ihphah i put cu kan Phung nih aan onh lo,” tiah an ti.

¹¹Anih nih, “A ka damtertu nih pei, ‘Na ihphah kha i put law kal,’ a ka ti cu,” tiah a leh hna.

¹²Annih nih, “Na ihphah i put law kal aan titu cu ahodah a si?” tiah an ti.

¹³Sihmanhsehlaw damnak a hmu mipa nih khan aho a si kha a hngal lo, zeicah ti ahcun cuka ah cun mi tampi an i pum i Jesuh cu a rak i zuk diam cang.

¹⁴A hnuah khin Jesuh nih cu pa cu biakinn ah khan a hmuh i, “Zohhmanh, atu cu na dam cang. Na sualnak kha ngol hna, cu lo ahcun hi nak òhalo deuh nih an tlak sual lai,” tiah a ti.

¹⁵Cu tikah mipa cu a va kal i a damtertu kha Jesuh a si tiah Judah upa kha a va chimh hna.

¹⁶Damnak kha Sabbath ni ah a tuah caah Jesuh nih cun Judah mi cu an thin a phawh hna i amah kha ral hram an thawk.

¹⁷Jesuh nih cun annih cu a thawh hna i, “Ka Pa cu rian a òuan zungzal i cucaah kei zong nih ka òuan ve awk a si,” tiah a ti.

¹⁸Cu a chimmi ruangah cun Judah upa pawl cu amah thah kha a duhter chinchin hna; Sabbath ni a buar lawng kha si loin Pathian cu ka Pa tiah a kawh caah khan, Pathian tluk ah aa ser tiah an ti.

¹⁹Cucaah Jesuh nih annih cu a leh hna i, “Biatak kan chimh hna: Fapa nih hin keimah nawl lawngin zeihmanh ka tuahmi a um lo; ka Pa nih a tuahmi ka hmuhmi lawng kha ka tuah hna. Ka Pa nih a tuahmi cu Fapa zong nih ka tuah ve hna.

²⁰Zeicahtiah ka Pa nih khan a ka dawt i a tuahmi vialte kha Fapa hi a ka hmuhsak dih. Hi nakin a ngan deuhmi hmanh hi tuah awkah a ka hmuhsak lai i nan khuaruah a har lai.

²¹Ka Pa nih mithi kha a thawhter hna i a nunter hna bantukin, Fapa zong nih hin ka duhmi paoh kha ka nunter ve hna lai.

²²Cun ka Pa nih hin ahohmanh hi amah lawngin bia a ceih hna lo, a Fapa tu hi biaceihnak nawl tling kha a ka pek,

²³cucaah mi vialte nih ka Pa cu an upat bantukin Fapa zong hi an ka upat ve lai. Fapa a ka upat lomi paoh nih cun a ka thlahtu ka Pa an upat lo kha a si.

²⁴“Biatak kan chimh hna: ka bia a thei i a ka thlahtu kha a zummi paoh cu zungzal nunnak a ngei. Amah cu biaceihnak a ing lai lo, sihmanhsehlaw thihnak in nunnak ah a lan cang.

²⁵Biatak kan chimh hna: Mithi nih Pathian Fapa aw an theih i a thimi paoh an nun lainak caan kha a ra lio i a phan cang.

²⁶Ka Pa hrimhrim cu nunnak hram a si bantukin a Fapa hi nunnak hram ah a ka ser cang.

²⁷Cun a Fapa kha Mi Fapa ka si caah biaceihnak nawl kha a ka pek.

²⁸Hi kongah hin lau hlah u; thlan chung i a ummi mithi vialte nih a aw an theih lai caan kha a ra lio,

²⁹cun an thlan khan an chuak lai i òhatnak a tuahmi kha an tho lai i an nung lai; òhat lonak a tuahmi kha an tho ve lai i sualphawt an si lai,” tiah a ti.

³⁰“Keimah lawngin zeihmanh ka tuah kho lo; Pathian nih a ka chimhmi ning lawngin bia ka ceih hna; keimah nih ka duhmi kha si loin a ka thlahtu nih a duhmi kha tuah kaa zuam caah ka biakhiahnak cu ahmaanmi a si.

³¹“Keimah nih keimah kong kha kaa chim a si ahcun ka chimmi cu ahmaan taktak ti awk a si hnga lo.

³²Sihmanhsehlaw keimah kong chimtu hi midang pakhat a um i keimah kong a chimmi kha ahmaan tiah ka hngalh.

³³Nannih nih lamkaltu kha Johan sinah khan nan hei thlah hna i biatak kha a rak chimh hna.

³⁴Hiti ka timi hi minung tehte khaanpiak kha ka herh caah a si lo, sihmanhsehlaw khamh nan si nakhnga ca tu ah a si.

³⁵Johan cu meiinn bantuk a si; a alh i a ceu i caan khatte cu a ceunak nih cun nan tha an nuamter hna.

³⁶Sihmanhsehlaw kaa bochanmi cu Johan nih tehte a khaanmi nakkhan a ngan deuhmi a si; cucu ka òuanmi rian, ka Pa nih òuan awkah a ka pekmi rian hna hi an si.

³⁷Cun a ka thlahtu ka Pa zong nih cun keimah kong ah hin tehte a khaan ve. A aw kha nan thei bal lo, a hmai zong nan hmu bal lo,

³⁸cun a bia zong nan lung chungah nan i ken lo; cucu zeicahdah a si ti ahcun a thlahmi kha nan zumh lo caah a si.

³⁹Cathiang chung kha òha tein nan kawl, cu nan kawl cu, Cathiang chungah cun zungzal nunnak kan hmuh hmanh hnga maw tiah ruahnak nan ngeih caah a si; asinain Cathiang nih an dihlak in an chimmi cu, keimah kong a si ko.

⁴⁰Sihmanhsehlaw nunnak ngeih awkah keimah sin rat tu cu nan duh lo.

⁴¹“Mi sinin thangòhatnak hmuh ding kha ka kawl lo.

⁴²Sihmanhsehlaw nannih cu kan hngalh ko hna; nan lung chungin Pathian nan daw lo ti kha ka hngalh ko.

⁴³Ka Pa nawl in a rami ka si, sihmanhsehlaw nan ka cohlang lo; midang pakhatkhat amah nawl in a rat tikah nan rak cohlan te ko òung lai.

⁴⁴Nannih cu pakhat nih pakhat sinin thangòhatnak hmuh nan duh, asinain Pathian sinin thangòhatnak hmuh cu nan i zuam lo; cucaah cun zeitindah zumhnak cu nan ngeih khawh bal hnga.

⁴⁵A Pa sinah taza a kan cuai lai tiah ka ruat hlah u. Moses hi pei taza an cuaitu hna ding cu a si cu § nan i bochanmi Moses hi.

⁴⁶Moses kha rak zum taktak u law cu, keimah hi nan ka zumh ko hnga, zeicahtiah amah nih keimah kong hi pei a rak òial cu.

⁴⁷Sihmanhsehlaw a òialmi cu nan zumh lo caah, zeitindah ka chimmi cu nan zumh khawh fom hnga,” tiah a ti.