Read Hakha Chin JOHAN 7 Bible Online

JOHAN 7 - Hakha Chin bible

JOHAN 7

¹Cu hnuah cun Jesuh cu Galilee kha a tlawng. Judea ram chung i a ummi Judah upa hna nih khan amah cu thah an duh caah Judea tlawn cu a duh lo.

²Judah mi Deu Puai kha a nai i

³cucaah a naule nih khan Jesuh cu, “Hika hin Judea ah va kal law na zultu hna nih khan na thil tuahmi cu rak hmu ve hna seh.

⁴Mi nih ka hngal hna seh ti a duhmi paoh nih cun an tuahmi kha an thup bal lo. Hi thil hi nangmah i na tuahmi pei an si cu, vawlei cung dihlak nih na kong hi thei hna ngat seh!” an ti.

⁵(A naule hmanh nih khan an zum lo).

⁶Jesuh nih cun, “Ka caah tuah caan a si deuh rih lo, nannih ca tu ah cun zei caan paoh hi a caan a si ko.

⁷Nannih cu vawlei nih hin an hua kho hna lo, sihmanhsehlaw na umtu ningcang a òha lo tiah ka chimh lengmang caah kei cu a ka huat.

⁸Puai ah cun nannih cu hung kal ko uh, kei tu cu ka kal lai lo, ka caan a si rih lo,” tiah a ti i

⁹Galilee ah khan a um ko.

¹⁰Asinain a naule an kal hnuah Jesuh zong cu a hung kal ve, langhngan tu in kal loin a thli tein a hung kal.

¹¹Judah upa hna nih khan puai chungah cun an kawl i, “Khuazei ah dah a um hnga?” tiah an hal hna.

¹²A kong kha a thli in an i ceih lulh ko i a cheu nih, “Mi òha a si,” an ti; a cheu nih, “Sihlah, mi kha a hlen hna,” an ti.

¹³Sihmanhsehlaw ahohmanh nih langhngan in an chim ngam lo, zeicahtiah Judah upa kha an òih hna.

¹⁴Cu puai cu a canceo tluk a dih dengmang tikah khin Jesuh cu biakinn ah khan a va kal i a cawnpiak hna.

¹⁵Judah upa pawl cu an khuaruah a har i, “Hi pa hi sianginn ah a kai bal òung lo, zeitindah hi zatzat hi a hngalh hnga?” an ti.

¹⁶Jesuh nih cun, “Kan cawnpiakmi hna hi keimah cawnpiakmi a si lo, a ka thlahtu ka Pa sinin a rami cawnpiaknak a si.

¹⁷Pathian duhnak tuah a duhmi hna nih cun, kan cawnpiakmi hna hi Pathian sinin a rami maw a si keimah i ka hei in cawnpiak menmenmi hna dah a si, ti kha nan hngalh ko lai.

¹⁸Mah duhning in mi a cawnpiak lengmangmi cu mah thangòhatnak a kawlmi an si. Sihmanhsehlaw a thlahtu thangòhatnak tu a duhmi cu lih chim lo tein a um i a chungah hrokhrawlnak zeihmanh a um lo.

¹⁹Moses nih Nawlbia kha an pek hna a si lo mei? Sihmanhsehlaw ahohmanh nih nan zul lo. Zeicahdah keimah lehlam thah nan ka zalh?” tiah a ti hna.

²⁰Mizapi nih cun, “Khuachia na ngei i a si ko lai? Aho nih dah thah kan in zalh?” an ti.

²¹Jesuh nih cun, “Thil lianngan pakhat ka vun tuah i nan dihlak in nan khuaruah a har.

²²Moses nih nan fale cu an cuarpar nan tan hna lai tiah nawl an pek hna caah Sabbath ni hmanh ah nan tan ko hna, (a thawktu cu Moses si loin nan pupa hna tu kha an rak si).

²³Cucaah Moses Nawl buar lonak ding caah Sabbath ni hmanh ah nan fale cu an cuarpar nan tan hna ahcun, zeicahdah kei nih Sabbath ni ah mi kha tlamtling tein ka damter caah ka cungah nan thin a hun?

²⁴Lenglei zoh lawngin biakhiak hlah ngat u, dingte tu in ta bia cu nan khiah,” tiah a ti hna.

²⁵Jerusalem khua mi a cheukhat nih cun an i thawh i, “Thah an zalhmipa kha hi pa hi a si lo maw?

²⁶Asinain, zohhmanh u, langhngan in bia a chim len ko i ahohmanh nih zei an ti fawn òung lo. Kan upa pawl nih amah hi Messiah cu a si ko ti kha an hngalh taktak cang caah a si hnga maw?

²⁷Sihmanhsehlaw Messiah cu a rat tikah cun, khuazei in dah a rat kha ahohmanh nih an hngalh òung lai lo, hi pa cu khuazei in dah a rat ti kha kan dihlak in kan hngalh fawn òung,” an ti.

²⁸Jesuh nih biakinn chung i a cawnpiak hna ah cun aw thang piin “Keimah cu nan ka hngalh taktak i khuazei in dah ka rat kha nan hngalh taktak. Sihmanhsehlaw kei cu keimah nawl in a rami ka si lo. A ka thlahtu cu ahmaan taktakmi kha a si i amah cu nan hngal lo.

²⁹Kei nih cun ka hngalh, zeicahtiah kei cu a sinin a rami ka si i a ka thlahtu cu amah kha a si,” tiah a ti hna.

³⁰Cun annih nih tlaih kha an zalh, sihmanhsehlaw ahohmanh nih an tlai kho taktak lo, zeicahtiah caan kha a rem deuh rih lo.

³¹Sihmanhsehlaw mizapi chung i mi tampi nih khan amah cu an zumh i, “Messiah cu a rat tikah hi pa tuahmi nak hin hmelchunhnak tam deuh a tuah hnga maw?” an ti.

³²Farasi mi hna nih khan mizapi, cu bantukin a thli in an i ceih kha an theih caah, anmah le tlangbawi upa pawl nih khan Jesuh va tlaih awkah cun biakinn vengtu palik kha an hei thlah hna.

³³Jesuh nih cun, “Caan tlawmpal chung cu nan sinah hin ka um rih lai i cu hnuah cun a ka thlahtu sinah ka kal lai.

³⁴Nan ka kawl lai, sihmanhsehlaw nan ka hmu lai lo, zeicahtiah ka umnak dingah cun nannih cu nan ra kho lai lo,” tiah a ti hna.

³⁵Cucaah Judah upa hna cu pakhat le pakhat kha, “Khuazei ah dah kal aa timh hnga? Kan hmuh khawh lonak khuazei ah dah kal aa timh hnga? Grik mi khua pakhatkhat, Judah mi an umnak ah maw va kal i Grik mi hna cu va cawnpiak aa timh hnga?

³⁶‘Nan ka kawl lai, sihmanhsehlaw nan ka hmu lai lo, ka umnak ding hmun ah cun nan ra kho lai lo,’ a ti. Zeidah a sullam chim a duhmi a si hnga?” tiah an i ceih.

³⁷Puai donghnak ni kha a biapi bik ni a si. Cu ni ahcun Jesuh cu a dir i aw thang piin, “A ti a halmi paoh cu ka sinah ra u law ra ding u.

³⁸Cathiang nih, ‘Keimah a ka zummi paoh cu a lung chungin tiva nung an put lai,’ tiah a ti bantuk khan a si lai,” tiah a ti.

³⁹Jesuh nih a chim duhmi cu Thlarau kong kha a si, cu Thlarau cu amah a zummi paoh nih an hmuh ding kha a si. Cu caan ah cun Thlarau cu pek an si rih lo, zeicahtiah Jesuh cu sunparnak in thawhter a si rih lo.

⁴⁰Cu bia cu an theih tikah mi a cheu nih, “Hi pa hi Profet kha a si hrimhrim ko,” an ti.

⁴¹A dang nih, “Messiah a si ko,” an ti. Sihmanhsehlaw a dang ve nih cun, “Messiah cu Galilee in a chuah awk a si òung lo.

⁴²Cathiang nih pei Messiah cu David tefa a si lai i David khua Bethlehem ah a chuak lai, a ti kha,” an ti.

⁴³Cuticun mizapi cu amah ruangah cun an i cheu dih i

⁴⁴a cheu nih tlaih an duh, asinain ahohmanh nih an tlai taktak lo.

⁴⁵Biakinn vengtu palik pawl kha an va kir i tlangbawi upa pawl le Farasi mi hna nih khan, “Zeicahdah nan ratpi lo?” tiah an rak hal hna.

⁴⁶“Hi pa bantuk hin ahohmanh nih bia an chim bal lo,” tiah an leh hna.

⁴⁷“Nannih zong an hlen ve cang hna mu.

⁴⁸Kan upa si hna seh, Farasi mi si hna seh, a zummi pakhat tal nan hngalhmi hna an um maw?

⁴⁹Hi mizapi tham nih cun Moses Nawlbia kha an hngalh òung lo, cucaah pei Pathian nih chiat cu a serh fom hna cu,” tiah Farasi mi nih cun an ti.

⁵⁰Cun an lak i a um vemi pakhat, Nikodemu nih khan,

⁵¹“Kan phungning ah cun, ahohmanh a bia kan theih hlan le a tuahmi kan hmuh hlanah cun sual kan phaw kho hna lo,” tiah a ti. Nikodemu cu voi khat Jesuh a va lengtu kha a si.

⁵²Annih nih cun, “Nangmah zong hi Galilee mi na si ve mu. Cathiang kha va rel tuah hmanh, Galilee in profet pakhat hmanh an chuak bal lo ti kha na hngalh ko lai,” an ti.