Read Hakha Chin JOHAN 8 Bible Online

JOHAN 8 - Hakha Chin bible

JOHAN 8

¹(Cun mi vialte kha an inn ah an òin cio i Jesuh cu Oliv Tlang ah khan a hung kal.

²A thaizing zingkate ah biakinn ah cun a kal òhan. Mizapi nih cun an pumhhnawh i a cawnpiak hna.

³Phungbia cawnpiaktu saya hna le Farasi mi hna nih khan, minu pakhat va cungin pa aa duh lio i an tlaihmi kha an run luhpi i zapi hmaiah cun an dirter.

⁴Jesuh cu an thawh i, “Saya, hi nu hi pa aa duh lio hrimhrim ah an tlaih.

⁵Kan Phung ah Moses nih nawl a kan pekmi cu, cu bantuk minu cu lung in thi lakin cheh hrimhrim awk a si lai, ti a si. Nang, zeitindah na ruah?” an ti.

⁶Hi ti in bia an hal cu amah kha hneksak i bia ngeihter khawh an duh caah a si. Sihmanhsehlaw Jesuh cu a kun i vawlei ah khan a kutdong in ca a òial.

⁷An hal chih lengmang caah ding tein a hung òhu i, “Nan lak i sualnak a tuah bal lomi nih chep hmasa bik seh,” tiah a hun ti.

⁸Cun a kun òhan i vawlei ah ca cu a òial òhan.

⁹Cu bia cu an theih tikah pakhat hnu pakhat in an i zukphiak dih, upa pawl kha an i zuk hmasa. Jesuh lawng cu a tang i a pawngah cun minu kha a dir ko.

¹⁰Ding tein a hung òhu i, “Minu, khuazei ah dah an si dih? Nangmah sual phawtu dingah pakhat hmanh an tang kun lo maw?” tiah a ti.

¹¹Minu nih cun, “Bawipa, ahohmanh an tang lo,” tiah a leh. Cu tikah Jesuh nih, “Kei zong nih sual kan phaw ve lo. Va kal law a sual bel va sual ti hlah,” tiah a ti.)

¹²Jesuh nih annih cu a thawh òhan hna i, “Kei cu vawlei ceunak ka si. Keimah a ka zummi paoh cu nunnak ceunak kha an ngei lai i mui lakah an vai lai lo,” tiah a ti.

¹³Farasi mi nih khan an thawh i, “Nangmah nih pei nangmah kong naa chim ko cu; cucaah na chimmi cu zeihmanh a si lo,” an ti.

¹⁴Jesuh nih cun, “Keimah kong cu keimah i kaa chim a si hmanh ah ka chimmi cu ahmaanmi a si, zeicahtiah khuazei in dah ka rat le khuazei ah dah ka kal lai kha ka hngalh. Nannih nih cun khuazei in dah ka rat kha nan hngal lo i khuazei ah dah ka kal lai zong kha nan hngal lo.

¹⁵Nannih nih cun minung phungning lawnglawng in biakhiahnak nan tuah, kei tu nih cun aho cung hmanh ah biakhiahnak ka tuah lo.

¹⁶Biakhiahnak cu ka tuah a si hmanh ah kei i ka tuahmi cu ahmaan ko lai, zeicahtiah cu biakhiahnak cu keimah lawngin ka tuahmi a si lo, a ka thlahtu ka Pa he kan tuahmi a si.

¹⁷Nan Phung chungah pei, tehte pahnih an bia aa khen ahcun an chimmi cu ahmaan, tiah aa òial kha.

¹⁸Hika ah cun atu hi keimah ca i tehte cu keimah hi ka si, cun ka tehte a dang cu a ka thlahtu ka Pa kha a si,” tiah a ti.

¹⁹“Na Pa cu khuazei ah dah a um?” tiah an ti. Jesuh nih cun, “Keimah zong nan ka hngal lo, ka Pa zong nan hngal fawn lo. Keimah kha ka hngal u law cu ka Pa zong cu nan hngalh ko hnga,” tiah a leh hna.

²⁰Hi bia Jesuh nih a chimnak hi biakinn chung, thawhlawm kuang an hun hnanak hmun i a cawnpiak hna ah khan a si. A caan a tlin rih lo caah ahohmanh nih an tlai lo.

²¹Jesuh nih annih cu a thawh òhan hna i, “Kei cu ka kal lai; nan ka kawl lai, sihmanhsehlaw nannih cu nan sualnak chungah nan thi lai. Ka kalnak hmun ah nannih cu nan ra kho lai lo,” tiah a ti hna.

²²Cucaah Judah upa hna nih cun, “ ‘Ka kalnak hmun ah nan ra kho lai lo,’ a ti. Keimah le keimah kaa that lai a ti duhnak maw a si hnga?” an ti.

²³Cucaah Jesuh nih cun, “Nannih cu hika tanglei vawlei mi hi nan si, kei cu cunglei in a rami ka si. Nannih cu hi vawlei hi nan umnak a si, kei cu a si lo.

²⁴Cucaah cun pei, nan sualnak chungah nan thi lai, kan ti hna kha a si cu. Cun Keimah cu Keimah Ka Si Ko timi ka si kha nan ka zumh lo ahcun nan sualnak chungah cun nan thi ko lai,” tiah a ti hna.

²⁵Annih nih, “Aho ka si na ti dah cu?” tiah an hal. Jesuh nih cun, “A hramthawk tein kan chimh lengmangmi hna kha hen ta.

²⁶Nanmah kong ah hin bia chim awk tampi ka ngei § nanmah sual phawt zong hi. Sihmanhsehlaw a ka thlahtu nih cun biatak kha a chim i vawlei ka chimhmi hi amah sinin ka theihmi bia cu a si,” tiah a leh hna.

²⁷A kan chimhmi hi Pa kong kha a si ti awk an hngal lo.

²⁸Cucaah Jesuh nih a thawh hna i, “Nannih nih Mi Fapa cu nan taar tikah, Keimah cu Keimah Ka Si Ko timi ka si kha nan hngalh lai; cun keimah nawl lawngin zeihmanh ka tuah lo le ka Pa nih a ka cawnpiakmi lawnglawng ka chim kha nan hngalh lai.

²⁹A ka thlahtu cu ka sinah a um i a duhmi kha ka tuah zungzal caah a ka kaltak bal lo,” tiah a ti.

³⁰Hi bia a chimmi a theimi mi tampi nih Jesuh kha an zumh.

³¹Cucaah Jesuh nih amah a zummi Judah mi hna kha, “Ka cawnpiaknak kha nan zulh ahcun a ka zultu taktak cu nan si;

³²biatak cu nan hngalh lai i biatak nih cun an luatter hna lai,” tiah a ti hna.

³³Annih nih, “Kannih cu Abraham tefa kan si i aho sal hmanh kan si bal lo. Cucaah nan luat lai, na ti tikah hin a sullam zeidah a si,” tiah an leh.

³⁴Jesuh nih cun a thawh hna i, “Biatak kan chimh hna: a sualmi paoh cu sualnak sal an si.

³⁵Sal cu innchungkhar chungah khan zungzal in a um lo, sihmanhsehlaw fapa kha cu zungzal in a um.

³⁶Fapa nih nannih kha an luatter hna ahcun nannih cu nan luat taktak lai.

³⁷Abraham tefa nan si cu ka hngalh ko. Asinain kan cawnpiakmi hna kha nan cohlan duh lo caah keimah cu thah nan ka zalh.

³⁸Ka Pa nih a ka hmuhsakmi kong kha ka chim, sihmanhsehlaw nannih cu nan pa nih an chimhmi hna kha nan tuah,” tiah a ti hna.

³⁹Annih nih, “Kan pa cu Abraham kha pei a si cu,” an ti. Jesuh nih cun, “Abraham tefa kha nan si taktak ahcun, amah tuahmi kha pei nan tuah ve hnga cu.

⁴⁰Chimh kan zuam lengmangmi hna cu Pathian sinin ka theihmi biatak kha a si. Asinain nannih nih cun thah tu nan ka zalh. Cu bantuk cu Abraham nih zeihmanh a tuah òung lo.

⁴¹Nannih cu nan pa i a tuahmi kha nan tuah,” tiah a leh hna, Annih nih cun an i thawh i, “Pathian lawnglawng pei kan Pa cu a si ko cu. Lakfa kan si òung lo, a fa taktak pei kan si cu,” tiah an leh.

⁴²Annih cu Jesuh nih, “Pathian kha nan Pa rak si taktak seh law cu keimah hi nan ka dawt ko hnga, zeicahtiah kei cu Pathian sinin a rami ka si i atu hika ka phan. Keimah duh in a rami ka si lo, amah nih a ka thlahmi ka si.

⁴³Zeicahdah ka chimmi hi nan hngalh khawh lo? Ka bia kha nan theih khawh lo caah a si.

⁴⁴Nannih cu nan pa Khuachia fa kha nan si i tuah nan duhmi cu nan pa duhnak kha a si. Amah cu a hramthawk tein lainawng a rak si. Biatak kha zeitikhmanh ah a òanh bal lo, zeicahtiah a chungah biatak zeihmanh a um lo. Lih a chim tikah a tuah tawn zungzalmi kha a tuah a si ko, zeicahtiah anih cu milihchim a si i lih vialte pa a si.

⁴⁵Kei cu biatak kha ka chim, cucaah cun nan ka zumh lonak cu a si.

⁴⁶Nan lakah hin ka sualnak a ka hmu khotu aho tal nan um maw? Biatak kan chimh ko hna, zeicahdah nan ka zumh duh lo?

⁴⁷Pathian sinin a rami nih cun Pathian bia kha a ngaih, sihmanhsehlaw nannih cu Pathian sinin a rami nan si lo i cucaah cun nan ngaih duh lonak cu a si,” tiah a ti hna.

⁴⁸Judah mi nih khan Jesuh cu an leh i, “Nang cu Samaria mi na si i, ‘Na chungah khuachia aa hrolh,’ kan rak in ti kha kan hmaan ngaingai a si lo mei?” an ti.

⁴⁹Jesuh nih cun, “Khuachia ka ngei lo. Kei nih ka Pa kha ka upat, sihmanhsehlaw nannih nih kei kha nan ka zawmhtaih.

⁵⁰Kei cu keimah lila sunparnak a kawlmi ka si lo, sihmanhsehlaw a ka kawlpiaktu pakhat a um i amah cu keimah òhatnak in bia a ceihtu kha a si.

⁵¹Biatak kan chimh hna: Ka bia a zulmi cu zeitikhmanh ah an thi lai lo,” tiah a leh hna.

⁵²Judah mi nih cun an thawh i, “Atu cu khuachia na ngei hrimhrim ti kha fiang tein kan hngalh cang. Abraham cu a thi diam cang, profet hna zong kha an thi cang, asinain naa thawh i, ‘Ka bia a zulmi cu zeitikhmanh ah an thi lai lo,’ na ti.

⁵³Kan pu Abraham cu a thi cang; Abraham nakin ka ngan deuh na ti ko lo maw cu? Cun profet hna zong cu an thi cang. Aho ah dah naa rel?” an ti.

⁵⁴Jesuh nih cun, “Keimah le keimah kaa upat a si ahcun kaa upatnak kha zeihmanh man a ngei lai lo. Keimah a ka upattu cu ka Pa kha a si § nanmah nih kan Pathian a si nan timi hrimhrim kha.

⁵⁵Nannih nih cun nan hngal bal lo, sihmanhsehlaw kei nih cun ka hngalh. Ka hngal lo ti ning law, nanmah bantuk milihchim ka si ve hnga. Sihmanhsehlaw ka hngalh taktak ko i a bia kha ka ngaih.

⁵⁶Nan pu Abraham nih khan kan i hmuh lai kha a rak i ngaih ngaingai, a hmuh taktak i a rak i lawm,” tiah a leh hna.

⁵⁷Judah mi hna nih cun, “Kum sawm nga hmanh na tlin rih òung lo, zeitindah Abraham cu na hmuh khawh?” tiah an ti.

⁵⁸Jesuh nih cun, “Biatak kan chimh hna: Abraham hlanah ka um cang,” tiah a leh hna.

⁵⁹Amah chehnak ah lung kha an i char, sihmanhsehlaw Jesuh cu aa thup i biakinn chung khan aa zuk.