Read Hakha Chin LAMKALTU 1 Bible Online

LAMKALTU 1 - Hakha Chin bible

LAMKALTU 1

¹Ka dawtmi Theofilas: Ka cauk hmasa u ah khan Jesuh nih rianòuan hram aa thawk ri in vancung i lak a si ni tiang

²a tuahmi thil vialte le a cawnpiaknak vialte kha ka òial. Vancung i a kal hlanah khan a lamkaltu caah a thimmi hna kha Thiang Thlarau thawngin a cawnpiak hna.

³A thih hnuah ni sawm li chung an sinah voi tampi a lang i a nung òhan hrimhrim ti kha zumh lo awk zeihmanh um loin lam tam piin a langhter: annih nih amah cu an hmuh i anih nih Pathian Pennak kong kha a ruah hna.

⁴Cun an sin i a um lioah khan hi nawlbia hi a pek hna i, “Jerusalem khua hi chuahtak hlah u, ka Pa nih a rak in kamhmi hna laksawng ka rak in chimhmi hna tu kha hngak ko u.

⁵Johan nih cun ti in tipilnak a pek hna, sihmanhsehlaw kan hmailei ni tlawmte chungah hin Thiang Thlarau in tipilpek nan si lai,” tiah a ti.

⁶Jesuh le a lamkaltu hna cu hmunkhat i an um tikah khan, a lamkaltu hna nih cun an thawh i, “Bawipa, atu caan ah hin maw Israel mi cu uknak kha na pek òhan hna lai?” tiah an hal.

⁷Jesuh nih cun a thawh hna i, “Ka Pa nih amah nawlngeihnak chungah a chiahmi caan le nithla kong cu nannih hngalh awk a herh lo.

⁸Asinain Thiang Thlarau nan cung i a tlun tikah cun, òhawnnak in nan khat lai i Jerusalem khua le Judea ram vialte le Samaria ram ah le vawlei cung khuazakip ah ka tehte nan si lai,” tiah a ti hna.

⁹Hi bia a chim dih in an hmuh hngan te ah cun vancung ah a kai; cun minmei nih a hun phenh i an hmu kho ti lo.

¹⁰Annih nih a liam riahmah kha an cuanh ko lioah cun, puan rang aih in minung pahnih an pawngah cun chikkhatte ah khin an rung dir i,

¹¹“Galilee mi hna, zeicahdah van lei zoh in nan dir ko? Nan sinin van ah a kaimi Jesuh hi, van ah a kai nan hmuh bantukte hin a ra kir òhan lai,” tiah an ti hna.

¹²Cun lamkaltu hna cu Oliv Tlang khan Jerusalem khua ah khan an kir; cucu Jerusalem khua in meng cheu tluk a si.

¹³Jerusalem khua chungah khan an lut i an rak umnak khaan chungah khan an va kal: Peter, Johan, Jeim le Andru, Filip le Thomas, Bartholomew le Matthai, Alfeas fapa Jeim, Phunòanh Simon le Jeim fapa Judas an si.

¹⁴Thlacam awkah atu le atu a bu tein an i pum i an sinah cun nu hna le Jesuh nu Mary le Jesuh naule kha an um ve.

¹⁵Cu hnu ni tlawmpal ah khan Jesuh a zummi hna kha an i pum i an dihlak ah za khat le kul tluk an si; cu pumhnak ah cun Peter cu a tho i,

¹⁶“Ka u le ka nau hna, Jesuh a tlaitu hna lam hruaitu Judas kong ah, Thiang Thlarau nih David ka in a chimchungmi bia, Cathiang chung i aa òialmi kha a tlin awk a herh.

¹⁷Judas cu kan rian ah hin i tel ve awkah thim a rak si caah khan kan bu chungah hin a rak i tel ve,” tiah a ti.

¹⁸(Judas nih khan thil òhalo a tuahmi man ah tangka a hmuhmi khan lo pakhat a cawk i cuka ah cun thi lakin a tlu i a kek dih i a chungril vialte a chuak dih.

¹⁹Jerusalem khua i a ummi vialte nih cucu an theih i cu lo cu a min ah anmah holh in Akeldama an sak i, a sullam cu Thisen Chuahnak Lo ti a si). Peter nih cun, “Salm cauk chungah khan,

²⁰‘A inn cu lawng seh law a chungah ahohmanh um hna hlah seh,’ tiin le ‘A rianòuannak hmun zong kha pakhatkhat nih rawlh hna seh,’ tiin aa òial i

²¹cucaah Bawipa Jesuh a thawh-òhannak a hngaltu tehte si ve awk caah pakhatkhat nih cun a kan chap a hau.

²²Amah cu Bawipa Jesuh nih kanmah he khual a tlawn lengmang lio i kan sin i aa tel lengmang vemi, Johan nih tipil innak kong a chim ri in Jesuh nih van ah a kan kaitak tiang kan sinah aa tel lengmang vemi a si awk a si,” tiah a ti.

²³Cucaah mi pahnih min kha an chuahpi: cu hna cu Josef, Barsabbas an timi, (Justas ti zongah an ti fawnmi) le Matthias kha an si.

²⁴Cun thla an cam i, “Bawipa, nangmah nih minung lungthin vialte cu na hngalh dih.

²⁵Cucaah Judas nih amah hmun a simi i kal awkah a chuahtakmi rian, lamkaltu hna rian rawlh awkah, hi pahnih hna lakah hin aho deuh hi dah na thimmi an si, kan hmuhsak tuah,” tiah an ti.

²⁶Cun cu hna pahnih lakah aho deuh cu dah kan thim lai tinak caah camcawhfung an zuh i an thimmi cu Matthias kha a si; cun amah cu lamkaltu pahleikhat hna bu chungah khan a lut.