Read Hakha Chin LAMKALTU 11 Bible Online

LAMKALTU 11 - Hakha Chin bible

LAMKALTU 11

¹Judah peng chung i a ummi lamkaltu hna le unaule hna nih khan Jentail mi zong nih Pathian bia kha an cohlan ve ti kha an theih.

²Cun Peter cu Jerusalem khua i a hung kal ah khan, Jentail mi hna cu an cuarpar i tan hna seh, ti a duhmi hna nih khan an rak soi i,

³“Cuarpar tan lomi Jentail mi hna inn ah na tlung i rawl zong na ei,” tiah an rak ti.

⁴Cucaah Peter nih cun thil umtuning vialte kha tling tein a hramthawk tein a chimh hna.

⁵Aa thawh i, “Joppa khua ah khan thla ka cam i langhnak kha ka hmuh. Puan nganpi pakhat, a ki pali in van in an run thlakmi he aa lomi thil khi ka hmuh i ka pawngah khan a rung dir.

⁶A chung kha òha tein ka vun zoh i inn zuat saòil le ramsa le a lawn in a lawnmi thilnung hna le va kha ka hmuh hna.

⁷Cun aw pakhat kha ka theih i, ‘Peter, tho law that hna law ei hna,’ tiah a ti.

⁸Sihmanhsehlaw kei nih khan kaa thawh i, ‘Sihlah, Bawipa. Thurhhnawmhmi rawl siseh, a thiang lomi rawl siseh, ka kaa chungah a lut bal lo,’ tiah ka ti.

⁹Cun aw nih cun vancung cun a run ka chawnh òhan i, ‘Pathian nih a thiang a timi thil paohpaoh cu a thianglo ah rel hna hlah,’ tiah a ti.

¹⁰Hi thil hi voi thum tiang a um i a donghnak ah cun a ningpi in vancung ah khan an run hnuh òhan.

¹¹Cu lio caan thengte ah cun Sisaria khua in ka sinah an rak thlahmi mi pathum hna kha ka tlunnak inn cu an ra phan.

¹²Thlarau nih i thuahthah loin an sin i kal awk kha a ka fial. Hi kan unau paruk hna, Joppa khuami hna zong hi ka sinah cun Sisaria khua ah khan an kal ve i kan dihlak in Kornelias inn ah khan kan i òhum.

¹³Amah nih cun a inn chungah vancungmi pakhat a rung dir i, ‘Joppa khua ah mi hei thlah hna law a min tling Simon Peter a simi mipa pakhat kha va au hna seh.

¹⁴Amah nih cun bia an chimh hna lai i cu bia thawng cun khamhnak nan hmuh lai,’ tiah a chimtu a hmuhnak kha a kan chimh.

¹⁵Cun an sinah bia ka chim tikah khan, a hramthawk i kan cungah a rak tlun bantukte khan, an cungah cun Thiang Thlarau kha a tlung ve.

¹⁶Khi tikah kan Bawipa nih, ‘Johan nih cun ti in tipilnak a pek hna, sihmanhsehlaw nannih cu Thlarau in tipilnak pek nan si lai,’ tiah a rak timi kha ka lung ah a hung pem.

¹⁷Kannih nih Bawipa Jesuh Khrih kan zumh tikah Pathian nih laksawng a kan pekmi bantukte kha Jentail mi hna zong Pathian nih cun a pek ve hna ti kha a fiang ko; cucaah, a hi kei nih hin maw, Pathian cu ka donh hnga?” tiah a ti.

¹⁸Cu bia cu an theih tikah an soinak cu an ngol i Pathian kha an thangòhat i, “Pathian nih Jentail mi hna zong, i ngaihchih i nun awkah caan òha kha a pek ve hna,” tiah an ti.

¹⁹Steven an thah hnu i hremnak a hung chuakmi nih khan zumtu hna cu a kenkiplo ah a òhek dih hna. A cheu cu Foinisia le Saipras le Antiok tiang khan an kal i bia cu Judah mi lawng kha an chimh hna.

²⁰Sihmanhsehlaw zumtu a cheu, Saipras rammi le Sairin mi hna cu Antiok khua ah khan an kal i Jentail mi zong kha thawng cu an thanh hna i Bawipa Jesuh kong Thawngòha kha an chimh hna.

²¹Bawipa òhawnnak kha an sinah a um i mi tampi nih an zumh i Bawipa leiah khan an i mer.

²²Cu thawng cu Jerusalem khua i a ummi Khrihfabu sinah a hung phan i cucaah Barnabas cu Antiok khua ah khan an hei thlah.

²³A va phak i zeitluk in dah Pathian nih annih kha thluachuahnak a pek hna ti kha a hmuh tikah a lung aa lawm i annih cu an dihlak tein Bawipa cu an lungthin a dihumnak in i tlaih awk le a sinah zumhawktlak tein um awk kha a forh hna.

²⁴Barnabas cu miòha a si, Thiang Thlarau le zumhnak in a khatmi a si. Cun mi tampi nih Bawipa cu an zumh.

²⁵Cun Barnabas cu Tarsas khua ah khan a va kal i Saul kha a va kawl.

²⁶A hmuh tikah Antiok khua ah khan a ratpi i kum khat chung kha Khrihfabu chungmi hna he khan an i pum i mi tampi kha an cawnpiak hna. Antiok khua ah hin pei Jesuh zultu hna kha, “Khrihfa,” tiah an rak ti hmasa bik hna cu.

²⁷Cu lio hrawngah cun Jerusalem in Antiok ah khan profet tlawmpal an va kal i

²⁸an lak i pakhat a min Agabas an timi kha a dir i vawleicung dihlak ah mangòam a fak ngaimi a tlung lai, tiah Thlarau òhawnnak thawngin, a rak chimchung. (Cu mangòam cu Klaudias siangpahrang a si lioah khan a tlung).

²⁹Zultu pawl nih khan anmah le an ti khawh tawk cio ah Judah ram i a ummi unau pawl bawmhnak pek awkah khan an i ceih.

³⁰Cuticun an tuah i tangka cu khrihfa upa hna sinah khan Barnabas le Saul kut in an kuat.