Read Hakha Chin LAMKALTU 24 Bible Online

LAMKALTU 24 - Hakha Chin bible

LAMKALTU 24

¹Ni nga hnuah Tlangbawi Ngan Ananias cu upa tlawmpal le sihni Tertullas he Sisaria ah khan an kal. Mangki bawi Feliks hmaiah khan an chuak i Paul sual an phawtnak bia cu an chim.

²Tertullas cu bia cu chim tuah ti a si i Paul cu hitihin sual cu a phawt: “Bawipa, nangmah nih fimnak in na kan hruainak thawngin daihnak caan saupi kan hmu i kan ram òhatnak caah a herhmi remhnak tampi kha tuah a si.

³Hi kong ah hin kan lung aa lawm ngaingai ko, bawipa.

⁴Na caan kha sau tuk lakpiak kan duh lo, cucaah kan chimmi a tawite cu zaangfahnak tein na kan ngaihpiak nakhnga kan in nawl.

⁵Hi pa hi hnahnawhnak a tuah lengmangtu, mi òihnung a si tiah kan hmuh; vawleicung khuazakip ah Judah mi hna lakah khan hnahnawhnak a thawhter lengmang i amah hi mibu bu khat Nazareth khuami mibu timi a hruitu hna a si.

⁶Biakinn zong kha thurhnawmh a zalh i sihmanhsehlaw kan tlaih manh. (Kanmah nih kan phung ningin biaceih kan timh,

⁷sihmanhsehlaw ralkapbu haotu Lisias kha a ra i hramhram in a kan chuh.

⁸Cun Lisias nih cun nawlbia a chuah i tazacuai a duhmi nih nangmah hmaiah hin va cuai u, a ti.) Hi pa hi bia na hal tikah sual kan phawtmi vialte hi ahmaanmi lawngte an si ti kha na hngalh ko lai,” tiah a ti.

⁹Judah mi hna cu, cu bantukin sual a phawtnak ah cun an hun i òom ve i a chimmi cu ahmaan dih tiah an hun ti.

¹⁰Mangki bawipa nih khan Paul cu bia chim ve tuah tiah a kut a hei zaoh i Paul nih cun, “Nangmah cu hi miphun hna cungah kum tampi biaceihtu na si cang ti kha ka hngalh i cucaah nangmah hmai i humhaknak bia chim hi ka saduhthah ngaingaimi a si.

¹¹Nangmah nih na hngalh khawh ko bantukin, Jerusalem khua i Pathian biak awkah ka hung kal cu ni hleihnih nakin a tam rih lo.

¹²Judah mi hna nih hin biakinn chungah aho he bia kan i al an ka hmu lo, pumhnak inn ah siseh, khuachung khuazeihmanh ah siseh, mizapi kha hnahnawhnak tuah awkah ka forh hna zong kha an ka hmu lo.

¹³Cu pinah sual an ka phawtmi zong hi ahmaan tiah an ti khawhnak zeihmanh a um lo.

¹⁴Hi bel hi ka tuah tiah nangmah hmaiah ka ti khawh: Kei cu Lam thar a zulmi ka si (annih nih cun bu thar tiah an ti) i cu ti ning cun kan pupa hna Pathian cu ka biak; zeicahtiah Moses Phungbia chung i aa òialmi vialte le profet hna cauk chung i aa òialmi vialte kha ka zumh i Pathian i bochan in

¹⁵hi sual a ka phawtu hna zong nih an i ruahchan vemi, minung hi mi òha he mi òhalo he thihnak in kan tho òhan dih lai, ti hi kaa ruahchanmi a si ve.

¹⁶Cucaah Pathian hmai le minung hmaiah chiaòha thleidannak thiang ka ngeih khawh nakhnga kaa zuam khawh chungin kaa zuam.

¹⁷“Jerusalem khua in kum tam nawn ka chuah hnuah, ka mi hna cu tangka tlawmpal va pek awk le raithawinak va tuah awkah cuka ah cun ka hung kal.

¹⁸Cu thil Ka tuah lioah cun biaknak inn chung i an ka hmuh hi a si i cu ah cun kan biaknak lei in i thianhnak phung kha ka tuah dih cang. Cu lioah cun ka sinah mibu zeihmanh an um lo i hnahnawhnak zeihmanh a um fawn lo.

¹⁹Sihmanhsehlaw cuka ah cun Asia ram in a rami Judah mi tlawmpal bel an um; annih nih sualphawt awk an ka ngeih a si ahcun bia chimtu dingah anmah cu pei zung ah hin ra chuah awk an si cu.

²⁰Asiloah hika i a ummi hna nih hin biaceihnak khawngsil hmai i ka dir lioah khan zeital sualnak ka tuah maw chim tuah hna seh,

²¹an hmai i ka dir lio i ka chimmi cu hi bel hi a si: Mithi hna cu nunnak ah an tho òhan lai, ti ka zumh ruangah nannih nih nihin ah hin taza nan ka cuai hih, ka ti hna,” tiah a ti.

²²Cu Lam kong fiang tein a hngalmi Feliks nih cun an bia cu a donghter i, “Nan bia cu ralkapbu haotu Lisias a rat tikah ka khiah te lai,” tiah a ti hna.

²³Paul a cawngtu ralbawipa cu Paul kha luat deuh in na umter lai i a hawile nih a duh herhmi tuahpiak ding kha na thlauh hna lai lo, tiah a ti.

²⁴Ni tlawmpal hnuah khin Feliks cu a nupi Drusilla he an ra; a nupi cu Judah mi a si. Paul cu ra seh tiah an hei cah i Paul nih Khrih Jesuh zumhnak kong a chimmi kha a ngaih.

²⁵Sihmanhsehlaw Paul nih òhatnak kong tehna, mah le mah i sumnak kong tehna, a ra lai dingmi Biaceihnak Ni kong tehna a vun chim tikah Feliks cu a thin a phang i, “Atu cu va kal ko rih; caan ka ngeih tikah kan auh òhan te lai,” tiah a ti.

²⁶Cu hleiah Paul sinin tangka ka hmu lai ti zong kha aa ruahchih pah i cucaah atu le atu a auh lengmang i bia a ruah lengmangnak cu a si.

²⁷Kum hnih a luan tikah Feliks cu Porsias Festas nih a hun thlen. Feliks nih Judah mi nih ka duh hna seh ti kha a duh caah Paul kha thong chungah khan a chiahtak.