Read Hakha Chin ROM 11 Bible Online

ROM 11 - Hakha Chin bible

ROM 11

¹A si kun ahcun, Pathian nih a mi cu a hlawt hna a si maw? Si hrimhrim hlah. Keimah zong hi Israel mi, Abraham tefa, Benjamin phun chungmi ka si.

²Pathian nih cun a hramthawk tein a rak thimmi a mi cu a hlaw hna lo. Cathiang chungah a ummi, Israel kong ah Elijah nih Pathian sinah,

³“Bawipa, na profet kha an thah hna i na biakòheng kha an hrawh hna; keimah lawnglawng hi ka tang i cu hmanh cu thah an ka zalh,” tiah a timi kha nan hngalh a si lo mei?

⁴Pathian nih zeitindah a leh kha? “Keimah caah mi thong sarih, Pathian deu Baal a bia lomi kaa chiah ko hna,” tiah a ti a si lo mei?

⁵Cu bantuk òhiamòhiam cun atu zongah hin a si: Pathian nih a zaangfah hna ruang i a thimmi tlawmte cu an um ve ko.

⁶A thim hna cu a zaangfah hna ruangah a si ko, anmah tuahmi ruangah a si lo. Zeicahtiah Pathian nih a thimmi hna cu anmah tuahmi ruangah a si ahcun a zaangfahnak cu zaangfahnak taktak a tling lomi pei a si hnga cu.

⁷Cun tah zeitin? Israel mi nih an kawlmi kha an hmu lo, sihmanhsehlaw Pathian thimmi mi tlawmte tu nih khan an hmuh; a dang nih khan cun Pathian auhnak kha an hna an i cheh i

⁸Cathiang nih, “Pathian nih an lung a pinter hna; nihin ni tiang hrimhrim hin an mit in an hmu kho lo i an hna in an thei kho lo,” a ti bang khan a si taktak.

⁹Cun David zong nih: “An puai ah rap ah i foih hna seh law tlu hna seh law dantatnak ing hna seh.

¹⁰Khua an hmuh khawh nakhnga lo an mit cu caw seh law Harnak an inmi thilrit tangah kun thluangthluan ko hna seh,” a ti fawn.

¹¹Judah mi cu an rilh tikah an rawk taktak maw? Rawk taktak hlah. An sual caah cun pei khamhnak cu Jentail mi sin a phak cu, Judah mi nahchuahter awkah cun.

¹²Judah mi sualnak nih hin vawlei cungah thluachuahnak tampi a tlunter i thlarau lei in mipam an sinak nih Jentail mi cu thluachuahnak tampi a phorh hna ahcun Judah mi cu tling tein an i tel ve tikah cun thluachuahnak cu zeitluk in dik a ngan chinchin lai!

¹³Atu cu nannih Jentail mi kha kan chimh hna: Jentail mi sin lamkaltu ka si chung paoh cu ka rian cu kaa chor ko lai.

¹⁴Ka phun hawimi kha an nahchuahter kaa zuam i cuticun tlawmpal tal ka khamh kho phum hna hnga maw ka ti.

¹⁵Zeicahtiah annih cu hlawt an si hmanh ah pei vawlei cu Pathian hawikom i ser a si cu. Cucaah cun annih cu cohlan an si tikah cun zeidah a si chinchin lai? Mithi hna caah nunnak a si lai.

¹⁶Changreu hlum chung i a dar hmasa bik cu Pathian sinah pek a si ahcun, changreu cu a hlum ningin amah ta a si; cun thingkung a hram hna cu Pathian sinah pek an si ahcun a nge zong amah ta an si.

¹⁷Cinmi oliv kung a nge cheukhat cu tan an si i ramlak oliv kung a nge kha cinmi kung ah cun peh a si. Cu bantuk cu nannih Jentail mi hi nan si; atu cu oliv kung a hrampi kha nan i hrawm ve cang.

¹⁸Cucaah khiahmi nge bantuk a simi kha porhlawthnawh hna hlah u. Zeitindah nan lung a puam ngam? A nge pei nan si ko cu; a hram cu nanmah nih nan cawm òung lo, a hram nih pei an cawm hna cu.

¹⁹Sihmanhsehlaw nan i thawh hnga i, “Kanmah umnak serpiak awkah pei a nge cu khiah an si fom cu,” nan ti hnga.

²⁰Cucu ahmaan ko. Annih cu an zumh lo ruangah khiah an si, nannih cu nan zumh ruangah nan umnak hmun ah nan um. Sihmanhsehlaw cu kong ah nan lung puam sual hlah u; a òih in òih lehlam u.

²¹Thingkung nge taktak bantuk a simi Judah mi cu Pathian nih a zuah hna lo ahcun nannih tah a kan zuah hlei hnga tiah nan i ruat maw?

²²Hika ah hin zeitluk in dah Pathian nih mi a zaangfah hna ti le zeitluk in dah Pathian cu òih a nun ti kha kan hmuh. A tlumi hna caah cun òih a nung ngaingai ko, sihmanhsehlaw nannih cungah cun zaangfahnak a ngei § a zaangfahnak chung i nan um paoh ahcun an zaangfah ko hna lai, sihmanhsehlaw nan um lo ahcun nannih zong khiah nan si ve ko lai.

²³Cun Judah mi hna cu, an zumh lonak kha an chuahtak ahcun hmasa i an rak umnak hmun ah khan a chiah òhan ko hna lai, zeicahtiah Pathian nih cun a chiah òhan khawh ko hna.

²⁴Nannih Jentail mi cu ramlak oliv kung, a nge khiah i cu nge cu a phung a si lo nain cinmi oliv kung i pehmi bantuk cu nan si ahcun a kungpi nge taktak a rak simi peh òhan kha cu Pathian caah a fawi deuh ngaingai lai.

²⁵Ka u le ka nau hna, biathli pakhat nan hngalh awk i ka duhmi a um. Cu nih cun ka fim tiah i ruat loin an umter hna lai. Cu biathli cu hihi a si: Israel mi lung khohkhal i an um hi zungzal ca in a si lo, Jentail mi an dihlak in Pathian sin i an rat caan tiang ca lawng a si lai.

²⁶Cun Israel mi vialte khamh an si lai cu hitihin a si lai: Cathiang nih, “Zion in Khamhtu cu a ra lai i Jakob tefa hna chungin òhat lonak vialte kha a hloh lai.

²⁷An sualnak kha ka lakpiak hna tikah Hi biakamnak hi anmah he ka tuah lai,” tiah a ti bang khan a si lai.

²⁸Thawngòha kong in ti ahcun, annih cu Pathian ral an si; Thawngòha an cohlan duh lo caah § cucu nanmah Jentail mi òhatnak caah a si. Sihmanhsehlaw thimnak lei in ti ahcun annih cu an pupa hna ruangah khan Pathian hawikom an si,

²⁹zeicahtiah Pathian nih cun a auhnak hna le laksawng a pekmi hna kongah a lung a let òhan bal lo.

³⁰Nannih Jentail mi nih a hlanah cun Pathian kha a nawl nan rak zul lo; sihmanhsehlaw atu ah cun Judah mi nih khan a nawl kha an zulh lo caah nannih nih a zaangfahnak kha nan hmuh.

³¹Cu bantuk òhiamòhiam in nannih nih nan hmuhmi a zaangfahnak kha annih zong nih an hmuh ve nakhnga atu ahcun a nawl kha zul loin an um.

³²Pathian nih mi vialte kha nawlngaih lonak chung thongtla i a ser hna cu an dihlak in zaangfah a duh hna caah a si.

³³Pathian hi a va rum hringhran dah! A fimnak le a hngalhnak hi an va thuk hringhran dah! Biakhiahnak a tuahmi hi aho nih dah a sullam an purh khawh lai? A thil tining hi aho nih dah an hngalh khawh lai?

³⁴Cathiang nih, “Bawipa cu aho nih dah a lungthin an hngalh? Aho nih khin dah ruahnak an cheuh khawh?

³⁵Cham òhan dingin aho nih dah zeital an pek bal?” tiah a ti bang khan a si.

³⁶Zeicahtiah zeizong vialte hi amah nih a sermi an si i zeizong vialte hi amah thawngin a ummi an si, amah caah an si dih. Pathian cungah sunparnak cu zungzal in um ko seh! Amen.