Read Hakha Chin ROM 13 Bible Online

ROM 13 - Hakha Chin bible

ROM 13

¹Ram uktu bawi kha an nawl va ngai hna u, zeicahtiah Pa-thian hnatlaknak tel loin nawl ngeitu ahohmanh an um lo i nawl ngei liomi hna hi Pathian nih a chiahmi hna an si.

²Nawl a ngei liomi hna a dohtu cu Pathian nih si seh tiah a timi a dotu an si i cu bantukin a tuahmi nih cun an cungah biaceihnak an i tlunter lai.

³Uktu bawi hi òhatnak a tuahmi nih cun òih awk an si lo i òhat lonak a tuahmi lawng nih òih awk an si. Nawl ngeitu òih loin um na duh ahcun, òhatnak tuah law an thangòhat ko lai.

⁴Zeicahtiah amah cu Pathian sal, na ca òhatnak a tuahtu a si. Sihmanhsehlaw òhat lonak na tuah ahcun amah cu òih ko, zeicahtiah dantat khawhnak a ngeihmi cu a si taktakmi a si. Amah cu Pathian sal a si i òhat lonak a tuahtu cungah khan Pathian thinhunnak cu a phakter.

⁵Hi caah hin nawl ngeimi cu an nawl va ngai hna u § Pathian thinhunnak ruang lawngah khan si loin nan chiaòha thleidannak ruang zongah khan an nawl cu va ngai hna u.

⁶Ngunkhuai nan thawhnak cu hi ruang zongah hin a si: nawl ngeitu hna nih khan an rian an òuan tikah Pathian ca rian an òuan a si.

⁷Cucaah nan pek awk a simi kha va pe hna u, nan pumpak ngunkhuai siseh, nan thilri ngunkhuai siseh, pe hna u; hmaizah awk cu hmaizah hna u, upat awk cu upat hna u.

⁸Ahohmanh lei i ba hlah u § nan i batmi cu pakhat le pakhat i dawt lawng kha si ko seh. A minung hawi a dawmi paoh nih cun Nawlbia kha a zulh a si ko.

⁹Nawlbia nih cun, “Va cungin pa i duh hlah, lai nawng hlah, fir hlah, mi thil na mit va thi hlah,” a ti. Hi vialte le hi hlei i a dang a um rihmi nawlbia hna cu, “Na innpa kha nangmah naa dawt bangin va daw,” timi nawlbia ah hin an i fun dih.

¹⁰A innpa a dawmi nih cun a innpa cungah òhat lonak a tuah bal lo. Cucaah Nawlbia tling tein zulh cu dawt hi a si ko.

¹¹Atu caan hi zei caan dah a si cang ti kha nan hngalh caah hihi nan tuah awk a si. Atu cu nan i hlauh awk caan a si cang, zeicahtiah khamh kan si lai caan cu kan rak zumh ka nakkhan atu ah cun kan naih deuh cang.

¹²Zan cu a dih dengmang cang, khua a ceu dengmang cang. Muihnak thil a simi tuah kha ngol cang u si law ceunak chung i raldoh awkah hriamnam kha i lak u sih.

¹³Chun ceu i a ummi bantukin nuncan dawh in nung u sih, aukhuang cercur in um hlah u sih, rihai in um hlah u sih, nu le pa sualnak tuah hlah u sih, zah hngal loin um hlah u sih, i si hlah u sih, i nahchuah hlah u sih.

¹⁴Bawi Jesuh ziaza tu kha i lak u law pumsa duhnak tuah kha ngol u.