Read Hakha Chin ROM 15 Bible Online

ROM 15 - Hakha Chin bible

ROM 15

¹Zumhnak ah thazang a òhawngmi kannih nih a dermi kha an thilrit phorh kan bawmh hna awk a si. Kanmah duhnak kha kan kawl awk a si lo.

²Kan unau hna cu an òhatnak ding kha kan tuah awk a si, zumhnak ah an òhan khawh nakhnga kan ruah awk a si.

³Zeicahtiah Khrih zong nih khan amah zawn lawng a rak i ruat lo. Cathiang nih, “Nangmah an vawlpamtu hna biachia cu keimah cungah a tla,” a ti bantuk khan a si lehlam.

⁴Cathiang nih lungsaunak le lungthin òhawnnak a kan pekmi thawngin ruahchannak kha kan ngeih khawh nakhnga Cathiang chung i aa òialmi vialte cu kanmah cawnpiaknak caah a si.

⁵Khrih Jesuh lam hmuhsakmi nan zulhnak thawngin nannih lakah lungthin khahnak a um khawh nakhnga, lungsaunak le lungthin òhawnnak hram Pathian nih in bawm ko hna seh.

⁶Cuticun lungkhat tein kan Bawipa Jesuh Khrih i a Pa Pathian cu nan thangòhat khawh lai.

⁷Khrih nih an cohlan hna bangin, Pathian nih sunparnak a hmuh nakhnga pakhat le pakhat i cohlang cio u.

⁸Ka chim duhmi cu hihi a si: Khrih kha Judah mi hna òuankan i a can cu, Pathian nih an pupa hna sinah a tuahmi biakamnak kha fehter a si nakhnga caah a si i cu nih cun Pathian nih a bia a let lo ti kha a langhter.

⁹Cu lawng si loin, Pathian cu mi cungah zaangfahnak a ngeih caah Jentail mi hna nih an thangòhat lai ti duhnak a si fawn. Cucu Cathiang nih, “Jentail mi hna lak hmanh ah nangmah cu kan lawmh lai i Na min cu hla in ka thangòhat lai,” a ti bantuk le

¹⁰“Jentail mi hna, Pathian thimmi miphun he cun i lawm u,” a ti bantuk le

¹¹“Bawipa cu thangòhat u, Jentail mi vialte hna, Mi vialte hna, Bawipa cu thangòhat u,” a ti bang khan a si.

¹²Isaiah nih khan aa thawh òhan i, “Jesse tefa pakhat a ra lai i Jentail mi hna uktu ah ser a si lai, Cun annih nih amah cu an i bochan lai,” a ti bang khan a si.

¹³Thiang Thlarau òhawnnak thawngin nan i ruahchannak cu a òhan lengmang nakhnga, ruahchannak hram Pathian nih cun, amah nan zumhnak thawngin lunglawmhnak le daihnak he in khahter ko hna seh.

¹⁴Ka u le ka nau hna, Keimah hrimhrim nih òhatnak le hngalhnak in nan khat i nan i cawnpiak kho ko ti kha fiang tein ka hngalh.

¹⁵Sihmanhsehlaw hi cakuat i kan theihter òhanmi hna ah hin, ka ral a òha nawn ko. Ka ralòhatnak cu Pathian nih Jentail mi hna ca rian òuan awk i

¹⁶Khrih Jesuh sal sinak nawl a ka pekmi ruangah hin a si. Jentail mi cu Pathian cohlan awk tlakmi raithawinak an si nakhnga le Thiang Thlarau thawngin Pathian sin pekmi an si nakhnga, Pathian sin i a rami Thawngòha ka chimnak ah hin tlangbawi bantuk ka si.

¹⁷Cucaah cun Khrih Jesuh he kan i pehtlaihnak thawngin Pathian rian ka òuanmi cu ka hmai a hngal.

¹⁸Pathian nawl ngaihnak i Jentail mi hna cu kalpi awkah, bia in siseh, tuahnak in siseh, hmelchunhnak le khuaruahhar òhawnnak in siseh,

¹⁹Thiang Thlarau òhawnnak in siseh, Khrih nih keimah hi hmang in a tuahmi lawng cu ka chim ko lai. Cucaah Jerusalem in Illirikum tiang khual ka rak tlawn tawn ah khan Khrih kong Thawngòha kha tlamtling tein ka chim.

²⁰Ka saduhthah cu Khrih an theih bal lonak hmun i Thawngòha chim kha a si zungzal, zeicahtiah midang i a hram an rak thawk cianak hmun i va sak cu ka duh lo;

²¹Cathiang nih, “Amah kong an chimh hna lomi nih khan an hmuh lai i a hngal lomi nih khan an hngalh lai,” a ti bang khan a si.

²²Hi ruangah hin nan sin i rat voi tampi dawnh ka sinak cu a si.

²³Sihmanhsehlaw hika hrawng ram i ka rian cu ka lim cang i nanmah hmuh ka duhnak kha kum tampi a si cang caah

²⁴atu cu kan tlawng kho cang rua hna lai tiah ruahchannak ka ngei. Spain ram i ka kalpah ah hin in hmu hna ning law ti cu ka duh i nan sinah tlawmpal ka cam hnuah cuka kal cu ka bawm te u law ka ti.

²⁵Sihmanhsehlaw atu hi cu Jerusalem khua ah ka va ka ta lai, khika i a ummi Pathian mi hna rian ka va òuanpiak ta hna lai.

²⁶Cucu zeidah a si tiah, Masidonia ram le Grik ram i a ummi Khrihfabu hna nih Jerusalem khua i a ummi Pathian mi hna lak i sifakmi hna bawmhnak ah anmah lungtho tein an thawhmi thawhlawm a um.

²⁷Cucu anmah hrimhrim nih kan tuah lai an timi te a si. Asinain, a ngaingai ti ahcun, cu misifak hna bawmh cu an rian zong a si ve ko; Judah mi nih hin thlarau lei in an hmuhmi thluachuahnak cu Jentail mi kha an hrawm ve hna bantukin Jentail mi zong nih Judah mi cu thilri lei i thluachuahnak an hmuhmi kha an hrawm ve hna awk a si ko.

²⁸Cu rian cu ka dih i anmah caah an thawhmi phaisa cu a dihlak in anmah sin i ka chiah dih hnuah, Spain ram kal ahcun kaa thawh lai i kan tlawngpah hna lai.

²⁹Nan sin ka rat tikah Khrih thluachuahnak kha tlamtling tein kan phorh hna lai ti kha ka hngalh.

³⁰Kan Bawipa Jesuh Khrih le Thiang Thlarau pekmi dawtnak in kan nawl hna: keimah caah Pathian sinah thla rak cam lengmang ve u.

³¹Judea ram i a ummi, Khrih a zum lomi hna kut chungin ka him nakhnga le Jerusalem khua i ka rian òuan dingmi hi Pathian mi hna caah cohlan awk tlak a si nakhnga thla rak cam u.

³²Cuticun, Pathian duhnak a si ahcun, lawmhnak he nan sin ka phan lai i nanmah tlawn cu ka caah thazang thar laknak a si lai.

³³Cun kan daihnak tihna Pathian cu nan dihlak sinah um ko seh. Amen.