Read Hakha Chin 1 KORIN 10 Bible Online

1 KORIN 10 - Hakha Chin bible

1 KORIN 10

¹Ka u le ka nau hna, Moses a zulmi kan pupa hna cung i a tlungmi thil kha philh hlah u ti kan duh hna. Annih cu an dihlak in minmei nih khan a runven hna i Rili Sen kha him tein an tan.

²Annih nih Moses zultu si awkah minmei chung le rili chungah khan tipilnak an in.

³An dihlak in thlarau changreu kha an ei i

⁴an dihlak in thlarau ti kha an din. An sin i a kal lengmangmi thlarau lungpi chung khan ti cu an din i cu lungpi cu Khrih kha a si.

⁵Asinain a tam deuh nih cun Pathian kha an lawmhter lo i an ruak cu thetse ram hmun kip ah khan aa òhek dih.

⁶Hi hna vialte hi kan i zohchunh awk caah an si, thil òhalo an rak duh bantukin duh ve lo awkah ralrin a kan petu le

⁷an lak i a cheu nih siasal an rak biak bangin biak ve lo awkah ralrin a kan petu ding an si. Cathiang nih a ti bantukin, “Cu mi hna cu ei awk le din awkah an òhu i laam awkah an tho.”

⁸An lak i a cheu nih an rak tuah bang khan nu le pa sualnak kha kan tuah awk a si lo, cu ruangah cun ni khat ah thong kul le thong thum an rak thi.

⁹A cheu nih Bawipa an rak hneksak bantuk khan kan hneksak ve awk a si lo, cu ti an tuah caah khan rul nih a rak cuk hna.

¹⁰A cheu an rak phunzai bantuk khan nan phunzai awk a si lo, cu ti an tuah caah cun Thihnak Vancungmi nih a rak thah hna.

¹¹Hi vialte an cung i a tlungmi hi midang nih i zohchunh awk caah a si i kan i ralrinnak ding caah òial an si. Zeicahtiah kannih kan caan hi donghnak a phak dengmangnak caan a si.

¹²Ka dir kho ko tiah aa ruatmi cu a tluk sualnak hnga lo i ralring seh.

¹³Tukforhnak nan cung i a tlungmi hi midang zong nih an in cio tawnmi an si ko. Pathian nih a biakamnak cu a zulh ko lai i nan in khawh leng tiangin tukforhnak cu nan cungah a tlunter lai lo. Tukforhnak nan in tikah in khawhnak thazang an pek hna lai i chuah khawhnak lam zong an serpiak hna lai.

¹⁴Cucaah ka dawtmi ka hawile hna, siasal kha bia hna hlah u.

¹⁵Ruahnak a ngeimi sin biachim bantukin nan sinah ka chim; ka chimmi cu nanmah nih òha tein ruat ko u.

¹⁶Thluachuahnak hrai ca i Pathian kan lawmh tikah, hi hrai kan din tikah hin Khrih thi kha kan i hrawm a si lo maw? Cun changreu kan ei òimi hi tah: hi changreu kan ei ah hin Khrih pum kan i hrawm a si lo maw?

¹⁷Changreu kan i phawtmi cu hlum khat a si bantukin kannih cu kan tampi nain pum khat kan si; zeicahtiah kan dihlak in cu changreu hlum khat cu kan i hrawm.

¹⁸Hebru mi kha ruat hna hmanh u, raithawinak ah pekchanhmi sa a eimi paoh cu Pathian biakòheng rianòuannak ah khan an i tel ve.

¹⁹Ka chim duhmi cu zeidah a si? Siasal a si ah, an pekchanhmi rawl a si ah, zei an si tinak a si maw?

²⁰Si hlah! Ka chim duhmi cu hihi a si: Lawkihmi nih an biakòheng cungah an i bawlnak sa cu khuachia dohdanghnak sa an si i Pathian pekchanhmi an si lo. Khuachia he hawikom si cu kan duh hna lo.

²¹Bawipa hrai le khuachia hrai cu nan din kep kho hna lai lo; Bawipa cabuai le khuachia cabuai zong nan hman kep kho hna lai lo.

²²Bawipa cu a nahchuak seh ti maw kan duh? Amah nakin kan òhawng deuh tiah maw kan i ruah?

²³“Zeipaoh kan tuah khawh ko,” an ti. Asi, an tuah khawh ko, sihmanhsehlaw zeipaoh hi an òha dih lo. “Zeipaoh kan tuah khawh ko,” asinain zeipaoh hi kan caah an òhahnem dih lo.

²⁴Ahohmanh nih kanmah ca òha ding lawng kha kan zoh awk a si lo, midang ca òha ding tu kha kan zoh awk deuh a si.

²⁵Sa zuarnak i an zuarmi cu zeipaoh va ei ko, na chiaòha thleidannak ruangah bia bel zeihmanh va hal hna hlah.

²⁶Zeicahtiah Cathiang zong nih pei, “Vawlei le a cung i a ummi thil vialte cu Bawipa ta an si,” a ti cu.

²⁷Pathian a zum lomi nih rawlhrawn an in sawm ahcun an in hunhmi paoh kha va ei ko, na chiaòha thleidannak ruangah zeihmanh bia va hal hna hlah.

²⁸Sihmanhsehlaw pakhatkhat nih, “Hi rawl hi siasal dohdanghnak rawl a si,” tiah an chimh ahcun, an chimtupa ruangah le chiaòha thleidannak ruangah, cu rawl cu va ei hlah.

²⁹Cu chiaòha thleidannak ka timi cu, nangmah lungthin kha si loin an kotupa lungthin kha ka ti duhnak a si. Mi a cheu nih nan i thawh i, “Zeicahdah midang chiaòha thleidannak nih cun ka luatnak cu a ka dawnhkhanh lai?

³⁰Ka eimi ka rawl ca i Pathian cu ka thangòhat ahcun zeicahdah thla ka cam nenhmi rawl kongah cun mi nih an ka soi khawh lai?” nan ti.

³¹A si ko, sihmanhsehlaw zei nan tuah hmanh ah, nan ei ah siseh, nan din ah siseh, nan tuahmi cu a dihlak in Pathian thangòhatnak caah siter ko u.

³²Judah mi si hna seh, Jentail mi si hna seh, Pathian Khrihfabu si hna seh, ahohmanh harnak nan pek hna nakhnga lo, cuticun nan nuncanning cu siter ko u.

³³Ka tuahningte khan tuah ve u; ka tuahmi thil paohpaoh ah hin midang lawmhtertu si kha kaa zuam tawn; keimah ca òhatnak ding kha ruat loin mi vialte òhatnak ding tu kha ka ruat deuh; cu ti ka ruah cu khamhnak an hmuh khawh nakhnga caah a si.