Read Hakha Chin 1 KORIN 15 Bible Online

1 KORIN 15 - Hakha Chin bible

1 KORIN 15

¹Atu cu ka u le ka nau hna, nannih kan chimhmi hna Thawngòha kha hngalhter òhan kan duh hna; cucu nannih nih nan rak cohlan cangmi Thawngòha, nan zumhnak nan bunhnak Thawngòha kha a si i cu nih cun khamhnak kha an pek hna.

²Thawngòha cu kan chimh hna ning khan fek tein nan i tlaih ko lo maw? Nan i tlaih lo ahcun nan lungthlennak cu pakpalawng a si ko hnga.

³Ka rak hmuhmi kha nannih kan pek chin hna i cucu a biapi ngaingaimi a si. Cucu zeidah a si tiah, Cathiang chungah a rak i òial bang khan Khrih cu kan sualnak caah a thi;

⁴cun Cathiang chung òhiamòhiam ah a òial rih bantukin, an vui i ni thumnak ni ah thawhter a si;

⁵cun Peter sinah khan a lang i lamkaltu hleihnih an dihlak sinah khan a lang fawn,

⁶cun a zultu za nga ringlo sinah khan voi khatte ah a lang i a cheu cu an thi cang nain a tam deuh cu an nung rih;

⁷cun Jeim sinah khan a lang i lamkaltu dihlak sinah khan a lang.

⁸A hmanung bik ah ka sinah a lang ve. Cu ti a langh cu hawi hrin kel ningin hrin si lo khi a lo,

⁹zeicahtiah Pathian khrihfabu kha ka rak hrem hna i cucaah cun lamkaltu vialte hna lakah nauta bik ka si § a ngaingai ti ahcun lamkaltu ti awk hmanh ka tlak hrimhrim lo.

¹⁰Sihmanhsehlaw Pathian vel thawngin atu i ka sining hi ka si, cun ka cung i vel a ka ngeihmi cu alak ka siter ve lo. Lamkaltu a dang hna nakkhan fak deuh in rian ka òuan, asinain a ngaingai ti ahcun keimah nih ka òuan ti awk a si lo, Pathian vel ka chung i rian a òuanmi òuannak tu kha a si deuh.

¹¹Keimah i kan chimh hna a si zongah, annih i an in chimh hna a si zongah zeihmanh a poi lo. Kan dihlak in kan chim ciomi cu hihi a si ko i nannih nih nan zumhmi cu hihi a si ko.

¹²Kan chimmi cu Khrih cu thihnak in thawhter a si ti kha a si caah, zeitindah nannih a cheu nih, mithi cu nunnak ah thawhter an si lai lo, tiah nan ti khawh?

¹³Cu nan chimmi cu ahmaan a si ahcun, Khrih kha thawhter a si lo, ti a si hnga;

¹⁴cun Khrih cu thihnak in thawhter a si lo ahcun, kannih cu chim awk zeihmanh kan ngei hnga lo i nannih zong zumh awk zeihmanh nan ngei hnga lo.

¹⁵Cuhleiah Pathian cu lih kan chimter a si hnga, zeicahtiah Pathian nih Khrih cu thihnak in a thawhter kan ti òung i mithi cu thihnak in an thawh òung lo ahcun, Khrih cu Pathian nih thihnak in a thawhter lo a si hnga.

¹⁶Mithi cu thawhter an si lo ahcun Khrih zong cu thawhter a rak si lo a si hnga.

¹⁷Cun Khrih cu thawhter a si lo ahcun, nan zumhnak cu hlennak men a si hnga i nan sualnak chung i nan tlau ko rih a si hnga.

¹⁸Cuhleiah Khrih a zummi a thi cangmi zong kha an lotlau dih ti a si fawn hnga.

¹⁹Khrih nih a kan pekmi ruahchannak hi atu kan nunchung ca lawng hi a si ahcun, mi vialte lakah zaangfah awk tlak bik cu kanmah hi kan si hnga.

²⁰Sihmanhsehlaw biatak cu hihi a si: Khrih cu thihnak in thawhter a si i cucu thihnak chung i aa hngilhmi hna zong kha thawhter an si ve lai tinak aamahkhan a si.

²¹Thihnak cu mi pakhat thawngin a tlun bantukin thihnak in thawhòhannak zong cu mi pakhat thawngin a tlung ve.

²²Adam he an i pehtlaihnak thawngin mi vialte cu an thih bantukin, Khrih he an i pehtlaihnak thawngin mi vialte cu nunnak ah thawhter an si lai.

²³Asinain a ningcang tein a si lai: a hmasa bik ah Khrih, cun a rat caan ah Khrih ta a simi.

²⁴Cu tikah donghnak cu a phan lai; Khrih nih khan thlarau lei uktu hna le nawl ngeitu hna le òhawnnak vialte kha a tei dih hna lai i Pennak cu Pa Pathian sinah khan a pek lai.

²⁵Pathian nih ral vialte cu a tei dih hna i a ke tangah a chiah hna hlantiang Khrih nih cun a uk hna lai.

²⁶Tei hmanung bik ding ral cu thihnak a si,

²⁷zeicahtiah Cathiang nih, “Pathian nih zeizong vialte cu a ke tangah a chiah dih hna,” a ti. “Zeizong vialte” timi chungah hin Pathian cu aa tel lo ti kha a fiang, Pathian cu pei Khrih tang i zeizong vialte a chia dihtu cu a si cu.

²⁸Zeizong vialte cu Khrih uknak tang i chiah an si dih tikah Fapa zong nih cun zeizong vialte a tang i a chia dihtu Pathian tangah cun aa chia lai i Pathian nih cun zeizong vialte kha a uk dih cikcek hna lai.

²⁹A si ah mithi hna can i tipil pekmi hna kha tah, zeitin? Zei tuah khawh dah an i ruahchan? Annih nih an ti bantukin mithi cu nunnak ah thawhter an si òung lo ahcun, zeicahdah mithi hna can ah cun tipil cu pek an si kun?

³⁰Cun kannih zong tah, zeicahdah harnak hi kan in lengmang kun?

³¹Ka u le ka nau hna, nifate in pei ka thih deng lengmang ko hi. Ka u le ka nau hna, nanmah cu kan Bawipa Khrih Jesuh chungah kaa porhlawtmi nan si caah hitihin bia ka chim hi a si.

³²Cun Efesa khua i “sahrang” he kan rak i sual kha minung ruahnak lawnglawng in rak si seh law zeital ka miakmi a um hnga maw? Mithi cu nunnak i thawhter an si lo tham ah cun, phungthlukbia bangin, “thaizing ah pei kan thih ko lai cu, ei in ding ko ngat u sih.”

³³Ahohmanh i hlenter hna hlah u. “Hawi òhalo nih ziaza òha a hrawh,” ti pei a si kha.

³⁴Nan lung i fim òhan u law nan sualnak kha ngol hna u. A cheu cu Pathian nan hngal lo, hi ti ka chim hi nan ningzak seh ti ka duh caah a si.

³⁵A cheu nih nan i thawh lai i, “Zeitindah mithi cu nunnak ah thawhter a si khawh lai? Zei bantuk pum dah a ngeih lai?” nan ti lai.

³⁶Mihrut. Vawlei i thlaici na tuh tikah a thih hmasa lo ahcun a keuh òung lo.

³⁷Cun changvut ci a si zongah, thlaici dang a si zongah, vawlei i na tuhmi cu a cite cu pei a si ko cu, pum tling a si cangmi kung, a òhang ding kha a si òung lo.

³⁸Pathian nih cu cite cu a duhmi pum kha a pek ko; thlaici kha anmahle an pum cio a pek ko hna.

³⁹Thilnung kip nih an ngeih ciomi titsa hi an i khat dih lo, minung nih titsa phun khat an ngeih, saram nih phun dang, va nih phun dang, nga nih phun dang, an ngeih.

⁴⁰Cun van pum an um i vawlei pum an um fawn; van pum hna nih dawhnak phun khat an ngei i vawlei pum hna nih dawhnak phun dang an ngei ve.

⁴¹Ni nih amah dawhnak te a ngei i thlapa zong nih amah dawhnak te a ngei ve; cun arfi nih khin dawhnak dang tete an ngei i arfi lak hmanh ahcun dawhnak a phunphun an um.

⁴²Mithi cu nunnak i thawhter an si tikah cun hitihin a si lai: Pum cu vui a si tikah a thi khomi a si; thawhter a si tikah cun a thi kho ti lomi a si lai.

⁴³Vui a si tikah a mui a chiami le a dermi a si, thawhter a si tikah aa dawhmi le a òhawngmi a si lai.

⁴⁴Vui tikah vawlei pum a si, thawhter tikah thlarau pum a si lai.

⁴⁵Zeicahtiah Cathiang nih, “Mi hmasa bik Adam cu minung ah ser a si,” a rak ti, sihmanhsehlaw Adam hmanung bik cu nunnak petu Thlarau a si.

⁴⁶A um hmasami cu thlarau pum kha si loin vawlei pum kha a si deuh, vawlei pum hnuah khan thlarau pum cu a ra.

⁴⁷Adam pakhatnak cu vawlei dip in sermi a si, Adam pahnihnak tu cu vancung in a rami a si.

⁴⁸Vawlei ta a simi cu vawlei in sermi bantuk cu an si i vancung in a rami bantuk cu vancung ta a simi cu an si.

⁴⁹Vawlei in sermi mui kha kan i hruk bantukin vancung in a ra Mi cu kan i hruk lai.

⁵⁰Ka u le ka nau hna, ka chim duhmi cu hihi a si: thi le sa nih cun Pathian Pennak cu a co kho lai lo, cun a thi khomi nih hin thih khawh lonak cu a co kho ve lai lo.

⁵¹Biathli pakhat kan chimh hna hmanh lai: kan dihlak hin kan thi dih lai lo, sihmanhsehlaw chikkhatte ah kan i thleng dih lai,

⁵²muko hmanung bik tum caan ah cun mit òhep ah kan i thleng dih lai. Zeicahtiah cu muko cu a hung than tikah a thimi hna cu a thi kho ti lomi ah thawhter an si lai i kan dihlak in kan i thleng dih lai.

⁵³A rawk khomi hi a rawk kho lomi in thuamh a si lai i a thi khomi hi thih khawh lonak in thuamh a si lai.

⁵⁴Cun a rawk khomi nih a rawk kho lomi aa hruk i a thi khomi nih thih khawh lonak aa hruk tikah cun, Cathiang nih, “Thihnak cu hrawh a si cang, teinak cu a tling cang,” a timi kha a tling lai.

⁵⁵“Thihnak, na mi teinak cu khuazei ah dah a um? Thihnak, mi fahnak na pek khawhnak hmual cu khuazei ah dah a um?”

⁵⁶Thihnak nih fahnak pek khawhnak hmual a ngeihmi cu sualnak in aa lakmi a si i sualnak nih a òhawnnak cu Nawlbia in aa lakmi a si.

⁵⁷Asinain kan Bawipa Jesuh Khrih thawngin teinak a kan petu Pathian cu thangòhat si ko seh.

⁵⁸Cucaah ka u le ka nau hna, fek tein dir u law zeihmanh nih in òhial kho hna hlah seh. Bawipa rian teimak tein nan òuannak ah cun i manh lo ngaiin um zungzal ko u, Bawipa rian nan òuanmi cu alak a si bal lo ti kha nan hngalh.