Read Hakha Chin 1 KORIN 16 Bible Online

1 KORIN 16 - Hakha Chin bible

1 KORIN 16

¹Judea ram i a ummi Pathian mi hna bawmhnak ca i phaisa thawh awk timi kong ah khan, Galatia khrihfabu ka chimhmi hna kha rak tuah ve u.

²Zarhpi ni fate in, nan hmuhmi a tlawm a tam ning cio khan phaisa nan rak thawh lai i nan rak khon lai, ka rat tikah phaisa khawlh herh ti lo dingin,

³ka rat tikah nanmah hnatlami kha Jerusalem khua i nan laksawng cu hei phorh awkah ca he ka thlah hna lai.

⁴Cun keimah kal zong a òha lai ti a si ahcun, keimah he cun hmunkhat ah kan kal hna lai.

⁵Masidonia ram kha ka tanpah lai caah Masidonia ram ka tlawn dih cun nan sinah ka ra lai.

⁶Sau nawn nan sinah ka cam kho hmanh maw, khuasik chung cu ka cam men lai, cu hnuah cun ka tlawnnak cu khuazei lei a si hmanh ah, ka tlawnnak ah cun nan ka bawmh te lai.

⁷In palpah hna men cu kaa lungsi hnga lo. Bawipa nih a ka onh ahcun nan sin i sau nawnpi cam ka duh.

⁸Asinain Efesa khua ah hin Pentekos ni tiang ka um lai.

⁹A ka dohtu tampi an um nain hika ah hin rianòuannak caan òha ngai a um.

¹⁰Timote kha nanmah lei i a rat sual ahcun òha tein rak conglawmh u, amah cu keimah bantukin Bawipa ca i rian a òuanmi a si.

¹¹Ahohmanh nih rak zohchuk hlah u. Kan hawile hna he amah cu kan rak hngah ko caah lunglawm tein ka sinah run thlah u.

¹²Cun kan unau Apollo cu, kan hawi dang hna le nanmah tlawn kha ka forh lengmang, asinain atu ah cun a si thiam rih lai lo tiah a ruah. Caan rem a hmuh tikah a ra te lai.

¹³Lungfim tein um u, nan zumhnak ah khan fek tein dir u, ralòha in um u law thazang òhawng in um u.

¹⁴Nan tuahmi thil paohpaoh kha dawtnak in va tuah u.

¹⁵Stefanas le a innchungkhar kha nan hngalh hna; anmah cu Grik ram chungah Khrihfa a cang hmasa bik an si i Pathian mi hna ca rianòuan awkah aa pemi an si. Ka u le ka nau hna,

¹⁶hi bantuk mi hna le anmah he rian a òuan òimi hna hruainak kha va zul u.

¹⁷Stefenas le Fortunatus le Akhaiku an rat caah ka lung aa lawm, nan um lo hmanh an ka philhter.

¹⁸Nanmah nan tha an in nuamter hna bantukin kei zong ka tha an ka nuamter ve. Anmah bantuk minung hi kan thangòhat hna awk a si.

¹⁹Asia ram chung i a ummi khrihfabu nih nan kut an in tlaih hna; Akuila le Prisilla le an inn i aa pummi khrihfabu nih nan kut an in tlaih hna.

²⁰Hika i a ummi unau vialte nih nan kut an in tlaih hna. Pakhat le pakhat a thiangmi kuttlaihnak in i biachawn u.

²¹Paul nih nan kut kan tlaih hna ti hi ka kut hrimhrim in ka òial hih.

²²Bawipa a daw lomi cu an cungah chiat si ko seh. Maranatha § Kan Bawipa, ra cang ko!

²³Bawipa Jesuh vel cu nan cungah um ko seh.

²⁴Khrih Jesuh thawngin kan dawt hnanak cu, nan dihlak cungah um ko seh. Amen.